Daniel 11:40 - AHYERƐLƐ KRONGRON

⁴⁰ “Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.

Daniel 11:40 Iomraidhean Croise

Yesaya 21:1

Mboanoa ɛserɛ nwo nyekyire. Ngwaen dɔ mvrama bɔ ɔpɛ ye nwo ne, kyɛbɔ osi tu ba ne, sɔ ala yeɛ otu fi ɛserɛ so dɔ ba ɔ, ofi aseɛ bɔ so yɛ suro ɔ so.

Yesaya 5:28

b’agyaen mɔ yɛ nna, basinasina b’agyaen ne amukoraati, bɛ mbɔngɔ nemɔ gya boen te kyɛ twerɛboɛ, na bɛ teaseɛnam nemɔ betu amirika kyɛ mvrama bɔ ɔpɛ ye nwo ɔ.

Yesaya 66:15

“Ɛ́mɔtie, AWURADE kɔfa see ne ye teaseɛnam mɔ bɔ bɛte kyɛ mvrama piri yeɛ ɔkɔwa ɔ,, kyɛ ɔbaafa ye ahonehulɛ ne otua so kerɛ ɛyaafɛlɛ so, ná ɔfa see wuronyiwuronyi ɔtea bɛ.

Yeremia 4:13

Nea! Ɔfo ba kyɛ munungum, ye teaseɛnam mɔ te kyɛ mvrama bɔ ɔpɛ ye nwo ɔ; ye mbɔngɔ mɔ nwo yɛ nyera tra kɔleɛ mɔ; edwirɛ ato yɛ oo, ofikyɛ yɛ maen ne abɔ oo!

Hesekiel 38:4

Ngɔmaa ɛkɔfa wɔ nye kohyire neka foforɛ, ngɔfa koaa ngɔsosɔ w’awogyee, na ngɔhwe wɔ ne wɔ lɔen amukoraa ngofite, ɛne wɔ mbɔngɔ ne pɔngɔhanɛfoɛ, bɔ bɛ mukoraa bewurawura koɛ ndaadeɛ ahoroɔ, ɛlɔen piri paa bɔ bɛ mukoraa bewurawura buralɛ ataadeɛ, bɔ betiratira akokyɛm ne pealɛɛ ɔ.

Hesekiel 38:9

Ɛkɔhɔ bɛ so kyɛ mvrama piri, ɛkɔyɛ kyɛ munungum kɔkata aseɛ ne aso, ɛne wɔ lɔen amukoraa ne maen maen pee bɔ bɛboka wɔ so ne.

Daniel 11:10

“Ye mma mɔ bekodwɔso kyɛ bɛkɔ koɛ, bɛkɔboaboa ɛlɔen kandinga yuu noa. Bɛ nu ko kɔwa wii kyɛ asue bɔ wayi ɔ, na okosa kɔho koɛ ne alaa koodwu ye ahemvie.

Daniel 11:11

Ngwaen dɔ hene ne, ole ɛyaa kɔwa, na ɔkɔfa koɛ kɔɔteta sorɔ dɔ hene ne. Na ɛhe kɔma sorɔ dɔ hene ne kɔboaboa ɛlɔen kandinga noa, nakoso okoli ngoguo wɔ ye nyunu.

Daniel 11:13

Ofikyɛ sorɔ dɔ hene ne kɔboaboa ɛlɔen pee noa bɔ ye somaa tra daa deɛ ne ɔ, na okosa kɔwa; na afoɛ biemɔ asi ne, ɔkɔfa ɛlɔen kandinga ne koɛhonɛ nningyein pee kɔwa.

Daniel 11:22

Ɔkɔprapra ye pɔfoɛ koɛhonɛfoɛ nemɔ bɛ boso bɔkɔɔ, okohũhũ bɛ ne apam ne anu sona titire ne.

Daniel 11:25

Na ɔkɔfa koɛhonɛfoɛ pee kɔkanyane ye tumi ne ye ahoneserɛ kotia ngwaen dɔ hene ne. Ngwaen dɔ hene ne, ɔkɔfa koɛhonɛfoɛ anwoserɛfoɛ pee kɔhɔ koɛ, nakoso ɔngɔhora gyina, ofikyɛ bɛkɔbɔ ye ti so porɛ.

Daniel 11:35

Bɛ bɔ bɛte badwemma ne, nu biemɔ kɔtotɔ, maa ɔnate so bɛkɔfa bekosale bɛ nwo, bɛkɔfa bɛkɔte bɛ nwo, bɛkɔfa bɛkɔma bɛ nwo kɔyɛ fitaa koodwu ayieleɛ mmerɛ ne; ofikyɛ sɔ mmerɛ ne kɔwa kyɛbɔ bahyehyɛ bato berɛ ne ala.

Daniel 11:39

Sɛ ɔkwaateta kuro bɔ ye nwo yɛ se a, maen bie aso nyameɛ yeɛ ɔkɔfa ye wora kowura ye nu ɔ; na bɛ bɔ bekole ye bɛkɔto nu ne, ɔkɔfa anidie kɔhyɛ bɛ animnyam. Ɔkɔmaa bekoli mmeni pee so tumi, na ɔkɔhyɛ aseɛ ne anu kɔma bɛ maa ɔkɔyɛ b’akatuaa.

Daniel 11:7

“Nakoso braa ne boso ndii ne bie ye nye kofifi kosi ye gya nu, na ɔkɔfa ɛlɔen kɔwa, ɔkɔhɔ sorɔ dɔ hene n’ahemvie, ɔkɔfa koɛ kɔteta bɛ, na okoli bɛ so ngonim.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Daniel 12:9

Na obuale kyɛ, “Daniel, wɔ de kɔ, ofikyɛ edwirɛ nemɔ te mvealeɛ nu dwirɛ, na bafa nzɔanoɛ basɔ ye noa kɔpem ayieleɛ mmerɛ ne.

Daniel 8:17

Yiti ɔwale nekaa bɔ né ngyi ne. Ɔwale ne, ɛserɛ hane me, na mvale me nyunu mmutuli berɛ. Na osele me kyɛ, “O Sona awa, te ye bo, kyɛ nyekyire ne gyi berɛ ma ayieleɛ mmerɛ ne.”

Habakuku 3:14

Ɛfale ye bɔbɔ ye pealɛɛ sinane bɔ ɔla ye koɛhonɛfoɛ nemɔ noa ne; bɛwale kyɛ mvrama bɔ ɔpɛ ye nwo ɔ, kyɛ bɛbabɔ me bɛpete. Bɔ bɛ nye gye ye nwo ole kyɛ bekohu anwumvoin mmenia wɔ mvealeɛ nu ɔ.

Sakaria 9:14

Afei AWURADE kɔye ye nwo ali wɔ bɛ so, ye agyaen ne kɔhɔ kyɛ agralaa, AWURADE Nyameɛ kohu totorobɛndo, na ɔkɔfa ngwaen dɔ mvrama bɔ ɔpɛ ye nwo ne anu yeɛ ɔkɔhɔ ɔ.

Nyekyire 16:12

Na abɔfo bɔ ɔtɔ so nzia ne hwiele bɔ ɔwɔ ye kulie ne anu guale asue piri Yufreti nu, na nu nzue ne wewele, kyɛbɔ okosiesie atee kɔto berɛ kɔma ahemvo mɔ bɔ befi eyia afiteleɛ dɔ ɔ.

Nyekyire 9:16

Na ndele kyɛ ɛlɔen bɔ bɛtete mbɔngɔ so ne bɛ somaa te apepesrala sɔ alaa ɛyaa nyɔ.