Daniel 11:37 - AHYERƐLƐ KRONGRON

³⁷ Ɔngɔfa ye nana mɔ nyameɛ nemɔ ngɔyɛ huu, ongobu bɔ mmrasua kuro ye dwirɛ ne, yeɛ ɔngɔfa nyameɛ foforɛ biala ngɔyɛ huu, ofikyɛ ɔkɔmoma ye nwo so kɔtra bɛ mukoraa.

Daniel 11:37 Iomraidhean Croise

Gyenesise 3:16

Na braa ne wora, Nyameɛ sele ye kyɛ, “Ngɔmaa ɛkɔte aworɛ nu yealɛ paa, na yealɛ nu yeɛ ɛkɔwo mmaa ɔ. Nakoso wɔ wora kɔlɔ ehu, na okoli wɔ so.”

Gyenesise 3:5

Ofikyɛ Nyameɛ se kyɛ kyẽa bɔ ɛmɔkoli bie ne, ɛmɔ nye kobukye, na ɛmɔkɔyɛ kyɛ Nyameɛ ala, na ɛmɔanwu paa ne bɔne.”

Edwein Nu Dwein 7:10

Nde me kurofoɛ ne deɛ, me yeɛ ye wora dɔ me ɔ.

Yesaya 14:13

Ɛhane ye wɔ wɔ ti anu kyɛ, ‘Ngɔfo ngɔhɔ nyameɛso, ngɔfa m’ahennie bia ngoosie anwuro anwuro maa ɔkɔtra Nyameɛ nzramaa mɔ. Bokaa ne aso nyianu ne, ngɔɔtena nu wɔ sorɔ dɔ paa aseɛ ne aso.

Yesaya 14:14

Ngɔfo ngɔhɔ munungum nemɔ ti afia dɔ, na ngɔyɛ kyɛ Anwuro Anwuroniɛ ne.’

Hesekiel 24:16

“Sona awa, bɔ ɔla w’ahone nwo ne, mebaamaa ofi wɔ sa mvum nu. Nakoso ɔnzɛ kyɛ ɛbɔ awuye, esu, anaa ɛporo moen.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 11:38

Ɔkɔfa anidie kɔma nyameɛ bie bɔ ɔbɔ nguro mɔ nwo waen ɔ mmom okosi bɛ gya nu. Na nyameɛ bie bɔ ye nana mɔ bɛnze ye ne, ɔkɔfa sikaa kɔkorɛ ne ɛdwetɛ, nyɔboɛ bɔ ye nyɔboɛ yɛ se ɔ, ɔne mbembenanneɛ yeɛ okoli ye ni ɔ.

Daniel 8:11

Ɔmomane ye nwo so dwɔso tiale safohene bɔ ɔla ɛlɔen ne noa ne; ɔberale ye daa biala naen yeralɛ afɔleɛ bɔ bɛbɔ bɛma ye ne, na ofindini ye nekaa krongron ne guale ase.

Deuteronomi 21:11

ná enwu brasua anwo nyemene bie kyɛ ɔboka mmenia bɔ bahye bɛ nnure ne aso, ná ekuro ye bɔ ɛpena ye gya ye ne,

Deuteronomi 5:21

“ ‘Nnɛma wɔ nye yɛ eliɛngo aye nwo koakoa. Yeɛ nnɛma wɔ nye boro eliɛngo awuro, anaa ye aseɛ, ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.’

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

1 Timoteo 4:3

Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.