Daniel 11:36 - AHYERƐLƐ KRONGRON

³⁶ “Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 11:36 Iomraidhean Croise

Edwein 136:2

Ao, ɛmɔla nyameɛ mɔ nu Nyameɛ ne ase, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Yesaya 10:23

Ofikyɛ AWURADE, Asafo Nyameɛ nhyehyɛleɛ bɔ wahyehyɛ wato berɛ kyɛ ɔkɔsɛkye aseɛ amukoraa ne, ɔkɔmaa ɔkɔwa nu.

Yesaya 10:25

Ɔngɔhyɛ biala, ɛyaafɛlɛ ne bo kɔpɛ, na m’ahone kohu bɛ so kohũhũ bɛ.

Yesaya 10:5

Aa, Asiria, me yaafɛlɛ mbire, pɔmaa bɔ otira bɛ sa nu ne, ɔte m’ahonehulɛ piri!

Yesaya 14:13

Ɛhane ye wɔ wɔ ti anu kyɛ, ‘Ngɔfo ngɔhɔ nyameɛso, ngɔfa m’ahennie bia ngoosie anwuro anwuro maa ɔkɔtra Nyameɛ nzramaa mɔ. Bokaa ne aso nyianu ne, ngɔɔtena nu wɔ sorɔ dɔ paa aseɛ ne aso.

Yesaya 14:14

Ngɔfo ngɔhɔ munungum nemɔ ti afia dɔ, na ngɔyɛ kyɛ Anwuro Anwuroniɛ ne.’

Yesaya 26:20

Me maen, bra, baawura wɔ pumbu mɔ nu, ná toto wɔ nwo anoa nu; fa wɔ nwo fea kãa kɔpem kyɛ ahonehulɛ ne kɔtɔ nzue nu ɔ.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Yesaya 57:9

Etuli atee ɛɛfale anaatere mane Moleke, ɛfale ayirefona pee yɛle wɔ nwo; ɛsomane wɔ bɔfoɛ mɔ maa bɛhɔle dedeede, na ɛsomane bɛ maa bɛhɔle ɛborɔ po.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 35:13

Ɛmɔfale ɛmɔ noa bɛkekane anwomasoɛ dwirɛ betiale me, ɛmɔkekane edwirɛ pee betiale me, na ndele.

Daniel 11:16

Na ebiala bɔ ɔkɔfa koɛ kɔɔtoa ye nen, bɔ okuro biala yeɛ ɔkɔyɔ ɔ, ebiala ngɔhora ye nyunu gyina, okoogyina aseɛ nyemenenyemene ne aso, na ɔkɔfa ye tumi kɔsɛkye aseɛ ne.

Daniel 11:3

Afei ɛhene katakyie bie kodwɔso, ɔkɔfa tumi piri koli hene, na bɔ okuro biala yeɛ ɔkɔyɔ ɔ.

Daniel 11:37

Ɔngɔfa ye nana mɔ nyameɛ nemɔ ngɔyɛ huu, ongobu bɔ mmrasua kuro ye dwirɛ ne, yeɛ ɔngɔfa nyameɛ foforɛ biala ngɔyɛ huu, ofikyɛ ɔkɔmoma ye nwo so kɔtra bɛ mukoraa.

Daniel 12:7

Na biaa bɔ ɔhera nwera, bɔ ɔwɔ asue ne anye ne, ndele ye mmuayɛɛ ne. Ɔpagyale ye sa famaa ne ye sa bɛen hyirele nyameɛso, na ɔfale Ɛdangama bɔ ɔte ase daa ne tale ndaen kyɛ, “Okoodwu afoɛ nza ne bue; na sɛ bede maen krongron ne tumi befi ye sa nu beyie a, yeɛ ɛhemɔ amukoraa kɔwa nu ɔ.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Daniel 5:19

na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Daniel 5:20

Nakoso mmerɛ bɔ ahandaen wurale ye nu, ná anwomasoɛ maa ɔyɛle dwɛɛ nen, betuli ye befili ye bia so, na belele ye animnyam ne befili ye sa nu.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Daniel 8:19

Na osele kyɛ, “Tie, ahonehulɛ ne ba ayieleɛ a, bɔ okosi ne, mebaala ye ali mekyire wɔ, ofikyɛ ɔfa ayieleɛ mmerɛ bɔ bahyehyɛ bato berɛ ne anwo.

Daniel 8:4

Nwuni boaen nyii ne kyɛ osisi ɔkɔ eyia atɔleɛ ne sorɔ ne ngwaen. Kaka biala angora ye nyunu gyina, yeɛ ebiala nne berɛ bɔ ɔhora pepɛ lele ebie fili ye sa nu ɔ. Ɔyɔle bɔ okuro ɔ, na ɔmomane ye nwo so.

Sakaria 11:16

Tie, mebaama mmoaenneafoɛ bie odwɔso wɔ aseɛ ne aso, bɔ ɔngɔdwene bɛ bɔ bamini ne anwo, bɔ ɔngɔpena akrɔngrɔma nemɔ si atee, bɔ ɔngɔyɛ bɛ bɔ bapura nemɔ ayire, bɔ ɔngɔma bɛ bɔ bɛte apɔ ne aleɛ ɔ; na mmom okohu bɛ bɔ balɔ ne koli, ná watete bɛ gya boen nu pasapasa.

Yohane 5:30

“Me de, mengora memva me tumi menyɔ hwee; kyɛbɔ mete ne, yeɛ mebua ndɛen ɔ, na me ndɛenbualɛ te turoloo. Ɔnate kyɛ nna me bɔbɔ m’apɛdeɛ yeɛ mepena ɔ, na mmom bɔ ɔsomane me n’apɛdeɛ.

Yohane 6:38

Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

2 Tɛsalonika 2:3

Nnɛmɔma ebiala lakalaka ɛmɔ wɔ atee biala so; ofikyɛ sɔ kyẽa ne ngɔwa, sana ɛlɔenyɛlɛ ne ba koraka; na afei bala amumuyɛɛniɛ ne ali koraka, baa bɔ wamini ne.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

2 Tɛsalonika 2:8

Na ɛhe asi ye yeɛ bɛkɔma amumuyɛɛniɛ ne nwo kɔla ali ɔ. Na Awurade Yesu kɔfa ye noa nu nwomeɛ kohũ ye, ná afei wafa ye animnyam walɛ ne wasɛkye ye bɔkɔɔ.

Yosua 22:22

“AWURADE, ɔte Ɛdangama Nyameɛ! AWURADE, ɔte Ɛdangama Nyameɛ! Ye yeɛ odi yɛ adanzeɛ ɔ, na yɛpena kyɛ Yisrael koso te ye bo. Sɛ yayɛ AWURADE nwo lɔen, anaakyɛ yanni nahorɛ yamma ye a, ye de ɛmɔhu yɛ ɛnɛ.

Nyekyire 10:7

na mmom mmerɛ bɔ abɔfo bɔ ɔtɔ so nzoo ne kohu ye totorobɛndo ne, yeɛ Nyameɛ mvealeɛ nu dwirɛ ne kɔwa nu ɔ, kyɛbɔ ɔhane ye nwo dwirɛ hyirele ye ngoaa ngɔmhyɛlɛfoɛ nemɔ ne.”

Nyekyire 12:14

Nakoso bɛmane braa ne kɔleɛ pirikua bie ndaa nyɔ, kyɛ ɔfa tu fi ewoo ne nyunu hɔ ɛserɛ so, wɔ ye atenaleɛ, nekaa bɔ bɛkɔnea ye mmerɛ ne mmerɛ ne mmerɛ bue ne.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 17:17

Ofikyɛ Nyameɛ amaa banya adwene ko kyɛ bɛ́ma ye nhyehyɛleɛ bra nu, kyɛ bénya adwene ko, ná bɛfa b’ahennie ne bɛma kaka ne, kɔpem kyɛ Nyameɛ noa dwirɛ ne kɔwa nu ɔ.

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.