Daniel 11:34 - AHYERƐLƐ KRONGRON

³⁴ Na sɛ bɛtotɔ a, mmokalɛ kãa bie yeɛ bekonya ɔ, na mmeni pee bɔ bɛ noa dwirɛ te menemene ɔ bɛkɔɔfa bɛ nwo bɛkɔbɔ bɛ.

Daniel 11:34 Iomraidhean Croise

Daniel 11:21

“Busueniɛ bie kodwɔso kosi ye gya nu, bɔ ɔte sona bɔ bamva ahennie animnyam bia ne bamma ye ɔ. Okofu bɛ nu kɔwa, na ɔnate ye noa dwirɛ menemene so okole ahennie ne.

Daniel 11:32

Na bɛ bɔ bebu apam ne aso ne, ɔkɔfa ye noa dwirɛ menemene kɔhwehwe bɛ kɔsɛkye b’adwene; nakoso bɛ bɔ bɛse bɛ Nyameɛ ne de, bekosi bɛ hue bɛkɔho bekotia sɔ nikyee ne.

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

Galatiafoɛ 2:4

Na aliɛmaa mɔ ngondombofoɛ bɛfeafeale bɛ nwo bɛwale berɛ bie kyɛ bɛbaatetɛ bɛpena yɛ fawɔnwodi bɔ yanya ye wɔ Kristo Yesu nu ne nwo ate, na bamaa yaawura ngoaasolɛ nu.

2 Timoteo 4:3

Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

1 Yohane 4:5

Nakoso bɛ de bɛte wiase deɛ, yiti ewiase dwirɛ yeɛ bɛkã ɔ, na ewiase koso tie bɛ dwirɛ.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

Nyekyire 12:13

Na sasrabɔnzam ne nwuni kyɛ bafindi ye bato aseɛ so nen, otuli ye nye siele braa bɔ ɔwole baa bienzua ne aso.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.