Daniel 11:32 - AHYERƐLƐ KRONGRON

³² Na bɛ bɔ bebu apam ne aso ne, ɔkɔfa ye noa dwirɛ menemene kɔhwehwe bɛ kɔsɛkye b’adwene; nakoso bɛ bɔ bɛse bɛ Nyameɛ ne de, bekosi bɛ hue bɛkɔho bekotia sɔ nikyee ne.

Daniel 11:32 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

Nehemia 4:14

Na nneane bɔ ɔkɔ so ne, ndwɔsole nga ngyirele atitire nemɔ, mbanyi nemɔ ne maen ne ngaa ne kyɛ, “Nnɛma ɛmɔsuro bɛ. Ɛ́mɔkaye AWURADE bɔ ɔte piri bɔ ye nwo yɛ suro ne, ná ɛ́mɔho bɛpepɛ bele ɛmɔ abusuafoɛ, ɛmɔ mma mmienzua, ɛmɔ mma mmrasua, ɛmɔ aye mɔ ɔne ɛmɔ awuro ama.”

Edwein 9:10

Na bɛ bɔ bɛse wɔ dumaa ne, bɛfa bɛ wora bewura wɔ nu, ofikyɛ wɔ, ao AWURADE, bɛ bɔ bɛpena wɔ si atee ne, anye wɔ sa amvi bɛ bo.

Anyandera 19:5

Adanzewianiɛ ngɔfa ye nwo ngoli tɔtorɔtɔɔ, yeɛ nnakannakaniɛ wora ɔngɔfa ye nwo ngoli mbaen.

Anyandera 26:28

Sona bɔ ɔlakalaka ye mmango ne, okyi bɛ, yeɛ bɔ ɔfa ye noa dɛfɛdɛfɛ ne, ɔma mmenia kɔ amaneɛ nu.

Yeremia 31:34

Na ebiala ngohyirehyire obiɛngo ko, yeɛ ebiala ngose oliɛma kyɛ, ‘Nwu AWURADE,’ ofikyɛ ofi bɛ nu kwahweabaa so bɔ ɔkwaadwu bɛ nu titire paa so, bɛ mukoraa bekonwu me, AWURADE noa dwirɛ ɛne. Ofikyɛ ngɔfa b’amumuyɛɛ ngɔhyɛ bɛ, na mengɔkaye bɛ bɔne ko.”

Daniel 11:21

“Busueniɛ bie kodwɔso kosi ye gya nu, bɔ ɔte sona bɔ bamva ahennie animnyam bia ne bamma ye ɔ. Okofu bɛ nu kɔwa, na ɔnate ye noa dwirɛ menemene so okole ahennie ne.

Daniel 11:34

Na sɛ bɛtotɔ a, mmokalɛ kãa bie yeɛ bekonya ɔ, na mmeni pee bɔ bɛ noa dwirɛ te menemene ɔ bɛkɔɔfa bɛ nwo bɛkɔbɔ bɛ.

Sakaria 10:12

Ngɔmaa bekogyina pindinn wɔ AWURADE nu, na ye dumaa nu yeɛ bɛkɔnate ɔ,” AWURADE noa dwirɛ ɛne.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

Nyekyire 6:11

Yeɛ bɛmane bɛ nu ko biala ataadeɛ fufue, na besele bɛ kyɛ bɛnwondɛ mmerɛ kãa bie bieku, ma oodwu kyɛ bɛ mmango asomvoɛ ne b’eliɛma mɔ bɔ bekohũhũ bɛ kyɛ bɛ koso ala ne bɛ somaa ɔkɔsõ ɔ.