Daniel 11:31 - AHYERƐLƐ KRONGRON

³¹ Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Daniel 11:31 Iomraidhean Croise

Yeremia 19:4

Ofikyɛ bapo me, na bagua nekaa he anwo fiɛ, na bayera ɛyɛɛ bama nyameɛ foforɛ mɔ bɔ bɛ nana mɔ ne Yuda ahemvo bɛnze bɛ ɔ. Bahã mogya bɔ onni fɔ ɔ bagua maa wayi wa to.

Yeremia 7:30

“Ofikyɛ AWURADE nwa nyoo: Yudafoɛ bayɔ bɔne wɔ me nye so. Bagyinagyina b’akyiwadeɛ nningyein ne wɔ sua bɔ me dumaa la so ne anu, maa ɔnate so bafa efiɛ bahã ye.

Awuye 1:10

Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Awuye 2:7

AWURADE agyi ye afɔleɛ bokyea ne wato, okyi ye nekaa krongron ne. Ye ahemvie nemɔ, wafa bɛ fasue nemɔ wawura pɔfoɛ ne sa. Babɔ ese wɔ AWURADE awuro berɛ, kyɛ kyẽa bɔ bedi aluolue ɔ.

Hesekiel 9:7

Yeɛ osele bɛ kyɛ, “Ɛ́mɔgua sua ne anwo fiɛ, ná ɛ́mɔfa bɛ bɔ ɛmɔahũhũ bɛ ne béyi aluo berɛ to. Ɛ́mɔsi nu bɛhɔ!” Yiti besili nu bɛhɔle, na behuhuni mmenia wɔ kuro ne anu.

Daniel 12:11

Na ofi mmerɛ bɔ bɛkɔbera daa biala naen yeralɛ afɔleɛ ne, ɔne mmerɛ bɔ bekogyina akyiwadeɛ bɔ ɔbɔ maen ne nen, ɔkɔyɛ ngyẽa apee ko ɛyaa nyɔ ne aburahona.

Daniel 8:24

Ye tumi kɔyɛ piri, nakoso nna ye bɔbɔ ye tumi ɔ, ɔkɔsɛkye nningyein maa ɔkɔyɛ anwodwiri, okonya ngɔsoɛ wɔ bɔ ɔkɔyɔ ɔ nu, okohũhũ anwoserɛfoɛ, na ɔkɔbɔ krongronfoɛ maen ne.

Daniel 8:26

Nɔsoa ne ngyerɛmɔ nyekyire bɔ mala ye ali ne, ɔte nahorɛ; nakoso nnɛbɔ nyekyire ne aso, ofikyɛ kyẽa bie dee yeɛ okosi ɔ.”

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Mateo 24:15

“Yiti sɛ ɛmɔnwu akyiwadeɛ bɔ ɔbɔ maen ne, bɔ ngɔmhyɛlɛniɛ Daniel hane ye nwo dwirɛ ne, kyɛ ogyi nekaa krongron berɛ a, (bɔ ɔkenga ne, maa ɔte ye bo),

Marko 13:14

“Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Luka 21:20

“Na sɛ ɛmɔnwu kyɛ koɛhonɛfoɛ bapɛ Yerusalem nwo bayia a, ye de ɛ́mɔnwu ye kyɛ ye bɔlɛ apingye.

Nyekyire 17:12

“Na mmɛen buru bɔ enwuni bɛ ne, bɛte ahemvo buru bɔ bɛ sa onnya ɔhhane ahennie ɔ, nakoso bɛne kaka ne bekonya tumi kyɛ ahemvo dɔnhwere ko.