Daniel 11:30 - AHYERƐLƐ KRONGRON

³⁰ Ofikyɛ Kitim ɛlɛen mɔ kɔho kotia ye, na ye abasa nu kobu maa okosa ye si. Osa ye si a, ɔkɔfa ye anyeborolɛ kogua apam krongron ne aso. Osa ye si a, ɔne mmenia bɔ bayakyi apam krongron ne aso lilɛ ne bɛkɔbɔ nu bɛkɔyɛ ko.

Daniel 11:30 Iomraidhean Croise

Gyenesise 10:4

Yawan mma mɔ ole Elisa, Tasise, Kitim ne Dodanim.

1 Aberɛso Dwirɛ 1:7

Yawan mma mɔ ole Elisiha, Tasise, Kitim ne Rodanim.

Nehemia 6:12

Na nwuni kyɛ nna Nyameɛ yeɛ ɔsomane ye ɔ, na mmom ɔhyɛle sɔ ngɔm ne fale me nwo, ofikyɛ Tobia ne Sanbalate yeɛ bɛbɔle ye paa ɔ.

Yesaya 23:1

Tiro nwo nyekyire ɛhe: O, Tasise ɛlɛen mɔ, ɛ́mɔbɔ awuye, ofikyɛ Tiro abɔ, bɔ sua ko po wanga ɔ, yeɛ ɛlɛen agyinaleɛ koso wanga. Ngraa ne fi Kitim aseɛ so yeɛ waadwu bɛ berɛ ɔ.

Yesaya 23:12

Na wahã kyɛ, “O Sidon awa brasua, ababunu bɔ bɛhyɛ wɔ so ɔ, ɛngɔhɔ so ngoli ahurusi ko, dwɔso, pɛ nu kɔ Kitim, na dɔ po, engonya wɔ nwome ngole.”

Yeremia 2:10

Ɛ́mɔpɛ nu bɛhɔ Kipro supɔ nemɔ aso bɛɛnea, ɛ́mɔsoma maa bɛhɔ Kedare bɛneanea nu yé; ɛ́mɔnea sɛ edwirɛ sɔaa bie wasi berɛ le a!

Hesekiel 27:6

Basan eluii yeɛ bɛfa bɛyɔle wɔ tabɔnga ɔ; Kitim mboanoa sapele yeɛ bɛfa bɛyɔle wɔ kuku nzamsoɛ bɔ ɛsoen gye wɔ nu ɔ.

Daniel 11:28

Ɔkɔfa nningyein bɔ wasesa ɔ pee kosa kɔhɔ ye aseɛ so, na okotu ye nye kosie apam krongron ne aso, bɔ okuro yeɛ ɔkɔyɔ ɔ, ná afei okosa kɔhɔ ye bɔbɔ ye aseɛ so.

Daniel 11:29

“Na mmerɛ bɔ bahyehyɛ bato berɛ ne dwu a, okosa kɔwa ngwaen dɔ, nakoso sɔ mmerɛ he de, ɔngɔyɔ kyɛbɔ ɔyɔle ye daa ne.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Numeri 24:24

Nakoso ɛlɛen mɔ kofi Kitim kɔwa, nu koɛhonɛfoɛ ne koli Asure ne Ebere so ngonim; na Kitim koso kɔbɔ afebɔɔ.”

Mateo 24:10

Na afei, ɛhe kɔto mmenia pee sundidua; na bɛkɔyeye bɛ nwo ne bɛ nwo bɛkɔma, ná bapopɔ bɛ nwo ne bɛ nwo.

Nyekyire 12:12

Yiti nyameɛso ne ɛmɔ bɔ ɛmɔte nyameɛso ɔ, ɛ́mɔli ahurusi! Nakoso aseɛ ne ɛpo de, bɛ yaakɔ! Ɔnate kyɛ abɔnzam le ɛyaa pirikua wadwu waatoa ɛmɔ wɔ dɔ, ofikyɛ ɔse kyɛ ye mmerɛ aha tikaape bie.”