Daniel 11:27 - AHYERƐLƐ KRONGRON

²⁷ Nakoso ahemvo nyɔ nemɔ de, nzɛmmɔne yeɛ ɔkɔwa bɛ ti anu ɔ, na bɛkɔtena didipono ko anwo bɛkɔhã ngondombo dwirɛ; nakoso bɛ porɛbɔlɛ ne kɔyɛ mbaen, ofikyɛ mmerɛ bɔ bahyehyɛ bato berɛ ne dwu a, yeɛ b’ayieleɛ kɔwa ɔ.

Daniel 11:27 Iomraidhean Croise

2 Samuel 13:26

Yeɛ Absalom sele kyɛ, “Sɛ engonya ye nwo a, ye de mesrɛ wɔ, ma nniɛma Amnɔn ɔne yɛ hɔ.” Na Nana Dawide bisale ye kyɛ, “Nzu ati yeɛ ɛpena kyɛ ɔne wɔ bɛkɔ ɔ?”

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Edwein 58:2

Daabi, bɔne yeɛ ɛmɔsusu ye nwo ɛmɔ ti anu ɔ, na nzɛmmɔne yeɛ ɛmɔdi ye wɔ aseɛ ye aso ɔ.

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Edwein 64:6

Bɛpena amumuyɛɛ bɛyɔ, na bɛbɔ mmɔden bɛyɔ amumuyɛɛ ne. Nahorɛ nu, kuro sona ti anu adwene, ɔne adwene nu nzusuleɛ bɛ nu pi!

Anyandera 12:20

Bɛ bɔ bɛdwene adwene tɛɛ ne, nnakannaka wɔ bɛ ti anu, nakoso bɛ bɔ betu asomdwee nwo foɛ de, benya anika.

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 26:23

Sona noa dwirɛ menemene bɔ bɔne adwene wɔ ye si ne, ɔte kyɛ ɛdwetɛ fiɛ bɔ bafa bama kukue nwo ɔ.

Hesekiel 17:9

“Kã kyɛ, AWURADE Nyameɛ nwa nyoo: Aso bakaa ne kɔyɛ yee? Aso kɔleɛ ne ngotutu bakaa ne abo ndii ne ɔngɔma ye mma ne ngotwindwam ngɔsɛkye anaa? Aso ye nyaa bɔ wafefɛ ne, ɔngɔkese anaa? Na ongohia anwoserɛ piri biala anaa mmenia pee bɔ bɛkɔfa bekotutu ye ndii ne abo ɔ.

Daniel 10:1

Pɛsia hene Karose ahennie afoɛ bɔ ɔtɔ so nza ne anu, (Nyameɛ) lale dwirɛ ali hyirele Daniel bɔ bɛtole ye dumaa Beltesasa ne. Edwirɛ ne te nahorɛ, na ɔte dwirɛ bɔ ɔyɛ se ɔ. Daniel tele edwirɛ ne abo, na onyane nyekyire ne anu ndeaseɛ.

Daniel 11:28

Ɔkɔfa nningyein bɔ wasesa ɔ pee kosa kɔhɔ ye aseɛ so, na okotu ye nye kosie apam krongron ne aso, bɔ okuro yeɛ ɔkɔyɔ ɔ, ná afei okosa kɔhɔ ye bɔbɔ ye aseɛ so.

Daniel 11:29

“Na mmerɛ bɔ bahyehyɛ bato berɛ ne dwu a, okosa kɔwa ngwaen dɔ, nakoso sɔ mmerɛ he de, ɔngɔyɔ kyɛbɔ ɔyɔle ye daa ne.

Daniel 11:35

Bɛ bɔ bɛte badwemma ne, nu biemɔ kɔtotɔ, maa ɔnate so bɛkɔfa bekosale bɛ nwo, bɛkɔfa bɛkɔte bɛ nwo, bɛkɔfa bɛkɔma bɛ nwo kɔyɛ fitaa koodwu ayieleɛ mmerɛ ne; ofikyɛ sɔ mmerɛ ne kɔwa kyɛbɔ bahyehyɛ bato berɛ ne ala.

Daniel 11:40

“Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.

Daniel 8:17

Yiti ɔwale nekaa bɔ né ngyi ne. Ɔwale ne, ɛserɛ hane me, na mvale me nyunu mmutuli berɛ. Na osele me kyɛ, “O Sona awa, te ye bo, kyɛ nyekyire ne gyi berɛ ma ayieleɛ mmerɛ ne.”

Daniel 8:19

Na osele kyɛ, “Tie, ahonehulɛ ne ba ayieleɛ a, bɔ okosi ne, mebaala ye ali mekyire wɔ, ofikyɛ ɔfa ayieleɛ mmerɛ bɔ bahyehyɛ bato berɛ ne anwo.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Asomafoɛ 1:7

Na Yesu buale bɛ kyɛ, “Me Baba bɔbɔ yeɛ ole ye tumi wahyehyɛ mmerɛ ne ngyẽa ɔ, na onhia kyɛ ɛmɔkonwu mmerɛ bɔ ɛhemɔ kosi ɔ.

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

1 Tɛsalonikafoɛ 5:1

Aliɛmaa mɔ, mmerɛ ne ne ngyẽa ne de, onhia kyɛ yɛkɔhyerɛ ye nwo dwirɛ yɛkɔbrɛ ɛmɔ ɔ.