Daniel 11:26 - AHYERƐLƐ KRONGRON

²⁶ Bɛ bɔ ye yeɛ ɔma bɛ aleɛ ne po, bɛkɔpena ye asefinɛ, bekopia ye koɛhonɛfoɛ nemɔ boso bɛkɔhɔ, na bekohũhũ koɛhonɛfoɛ nemɔ pee.

Daniel 11:26 Iomraidhean Croise

2 Ahemvo 8:14

Yiti ofili Elisa nwo berɛ hɔle ye mene Ben Hadade dɔ. Na Ben Hadade bisale ye kyɛ, “Nzikyɛ dwirɛ yeɛ Elisa hã hyirele wɔ ɔ? Obuale ye kyɛ, “Ɔhã hyirele me kyɛ, Ɛkɔte apɔ amba.”

Edwein 41:9

Mmiɛngo bɔ mede ye medi paa, bɔ yeɛ me ne ye yɛto asaa yɛdidi ne, ye yeɛ waye me wama ɔ.

Daniel 11:10

“Ye mma mɔ bekodwɔso kyɛ bɛkɔ koɛ, bɛkɔboaboa ɛlɔen kandinga yuu noa. Bɛ nu ko kɔwa wii kyɛ asue bɔ wayi ɔ, na okosa kɔho koɛ ne alaa koodwu ye ahemvie.

Daniel 11:22

Ɔkɔprapra ye pɔfoɛ koɛhonɛfoɛ nemɔ bɛ boso bɔkɔɔ, okohũhũ bɛ ne apam ne anu sona titire ne.

Daniel 11:40

“Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.

Mateo 26:23

Na obuale kyɛ, “Bɔ ɔne me to asaa didi wɔ talie ko anu ne, ye ala yeɛ ɔkɔye me kɔma ɔ.

Marko 14:20

Na obuale bɛ kyɛ, “Mmenia buru ne nyɔ ye anu ko, bɔ ɔne me to asaa didi wɔ talie nu ye, ye ɔ.

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’