Daniel 11:23 - AHYERƐLƐ KRONGRON

²³ Na sɛ maen maen mɔ bɛ ne ye bɛyɛ apam beyie a, ɔkɔfa nnakannaka atee so; na ɔwɔ nu kyɛ mmenia kãa bie yeɛ bekoli ye si ɔ de, nakoso okonya tumi.

Daniel 11:23 Iomraidhean Croise

Gyenesise 34:13

Ɔnate kyɛ Sɛkem ato Dina mmɔnaa ne ati, Yakob mma mmienzua nemɔ buale Sɛkem ne ɔse Hamɔ wɔ nnakannaka atee so.

Edwein 52:2

Wɔ noa kekã musue dwirɛ, wɔ temverema te kyɛ dɛmaa nnaennaen.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Daniel 11:22

Ɔkɔprapra ye pɔfoɛ koɛhonɛfoɛ nemɔ bɛ boso bɔkɔɔ, okohũhũ bɛ ne apam ne anu sona titire ne.

Daniel 11:24

Mvum nu, ɔkɔwa aseɛ ne aso nekaa mɔ bɔ aseɛ ne kye aleɛ ɔ, na ɔkɔyɔ bɔ ye baba mɔ ne ye nana mɔ banyɔ ye le ɔ. Ɔkɔhyɛ koɛ nu nningyein, koɛ nu nzesadeɛ ne anwodeɛ kɔma ye mmenia. Ɔkɔbɔ anwoserɛ afealeɛ mɔ nwo porɛ, nakoso ɛhe kɔhɔ so mmerɛ kãa bie.

Daniel 8:24

Ye tumi kɔyɛ piri, nakoso nna ye bɔbɔ ye tumi ɔ, ɔkɔsɛkye nningyein maa ɔkɔyɛ anwodwiri, okonya ngɔsoɛ wɔ bɔ ɔkɔyɔ ɔ nu, okohũhũ anwoserɛfoɛ, na ɔkɔbɔ krongronfoɛ maen ne.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Romanfoɛ 1:29

Sɔ bɔne hemɔ ayi bɛ ti anu tɛkyɛ, amumuyɛɛ, aborɛ, anyeboroborolɛ, ɛpɔen, anyeborolɛ, awuelilɛ, patapaa, nnakannaka, kanda, nzekure;

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

2 Tɛsalonika 2:9

Amumuyɛɛniɛ ne kɔfa abɔnzam dwumadie so yeɛ ɔkɔwa ɔ, na okonya tumi kɔyɔ nzɛngyerɛnneɛ ne nnakannaka anwanwadeɛ mukoraa.