Daniel 11:18 - AHYERƐLƐ KRONGRON

¹⁸ Ye si ye, ɔkɔfa ye nye kohyire nzuenoa maen nemɔ, na okoli bɛ nu pee so ngonim; nakoso safohene bie kɔbrɛ ye ahandaen ne ase, na ɔkɔma ye ahandaen ne kɔsa ye noa nu.

Daniel 11:18 Iomraidhean Croise

Ɛseta 10:1

Afei Nana Ahasuro pɛle ɛtoɔ kyɛ maen ne anu ama, ɔne bɛ bɔ bɛwɔ supɔ nemɔ aso ne betua.

Yesaya 66:19

Ngɔyɔ nzɛngyerɛnneɛ wɔ bɛ nu, na bɛ bɔ bekonya bɛ ti bekodidi nu ne, ngɔsoma bɛ maa bɛkɔhɔ maen maen mɔ berɛ: wɔ Tasise, Pule ne Lude bɔ bɛte agyaentolɛfoɛ ne, Tubal ne Yawan, dedeede supɔ mɔ bɔ bennya bɛttele me nga, bɔ bennya bennwuni m’animnyam ne; na bɛkɔɔbɔ m’animnyam nwo dawure wɔ maen maen mɔ so.

Yeremia 2:10

Ɛ́mɔpɛ nu bɛhɔ Kipro supɔ nemɔ aso bɛɛnea, ɛ́mɔsoma maa bɛhɔ Kedare bɛneanea nu yé; ɛ́mɔnea sɛ edwirɛ sɔaa bie wasi berɛ le a!

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Hesekiel 27:6

Basan eluii yeɛ bɛfa bɛyɔle wɔ tabɔnga ɔ; Kitim mboanoa sapele yeɛ bɛfa bɛyɔle wɔ kuku nzamsoɛ bɔ ɛsoen gye wɔ nu ɔ.

Hosea 12:14

Efraim wurale ye apue maa ɔfɛle yaa paa, yiti AWURADE kɔma ye mogya bɔ wahwie wagua ne kɔbɔ ye ti so, na ye AWURADE kɔma ye animguaseɛ kosa kɔto ye.

Sefania 2:11

AWURADE nye kɔboro bɛ so, ofikyɛ okonua aseɛ so mmosoen amukoraa bɛ boso, na asue noa maen maen ne amukoraa, sona biala kɔsɔne ye wɔ ye bɔbɔ ye aseɛ so.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Maenbulɛfoɛ 1:7

Yeɛ Adoni Beseke sele kyɛ, “Ahemvo aburasoo, bɔ mapepɛ bɛ sa kokotire ne bɛ gya kokotire, yeɛ né bɛsesa m’aleɛ bo mboporowa bedi ɔ. Bɔ mayɔ ne yeɛ Nyameɛ atua me so kerɛ ɔ.” Bɛfale ye bɛwale Yerusalem, na berɛ yeɛ owuli ɔ.