Daniel 11:16 - AHYERƐLƐ KRONGRON

¹⁶ Na ebiala bɔ ɔkɔfa koɛ kɔɔtoa ye nen, bɔ okuro biala yeɛ ɔkɔyɔ ɔ, ebiala ngɔhora ye nyunu gyina, okoogyina aseɛ nyemenenyemene ne aso, na ɔkɔfa ye tumi kɔsɛkye aseɛ ne.

Daniel 11:16 Iomraidhean Croise

Yesaya 8:8

Okoyi kɔɔsẽ kɔfa Yuda, okobu kɔfa ye so, ɔkɔla bɛ kɔme anu, na ɔkɔtrɛ ye ndaa nu kɔfa w’aseɛ ne amukoraa so, O Yimanuel!”

Yeremia 3:19

“ ‘Ndwenene kyɛ ngɔmaa ɛkɔyɛ titire paa wɔ me mma mɔ anu, na ngɔma wɔ aseɛ bɔ ɔkye aleɛ ɔ, bɔ ɔte maen mɔ b’agyapadeɛ paa paa ɔ. Na né medwene kyɛ ɛkɔfrɛ me ‘Me Baba’ bɔ ɛngɔyakyi me si lilɛ ɔ.

Daniel 11:3

Afei ɛhene katakyie bie kodwɔso, ɔkɔfa tumi piri koli hene, na bɔ okuro biala yeɛ ɔkɔyɔ ɔ.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 11:41

Ɔkɔwa aseɛ nyemenenyemene ne aso, na mmenia pee kɔtotɔ, nakoso ɛhemɔ de, bekonya bɛ ti bekodidi nu bekofi ye sa nu: Edom, Moabo ne Amonfoɛ atitirefoɛ nemɔ.

Daniel 11:45

Na okosisi ye ahemvie ɛtena sua mɔ wɔ ɛpo ne, ɔne bokaa krongron nyemenenyemene ne b’afia; nakoso ye ayieleɛ kɔto ye bɔ ongonya ebiala ma ɔngɔboka ye ɔ.”

Daniel 5:19

na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Daniel 8:4

Nwuni boaen nyii ne kyɛ osisi ɔkɔ eyia atɔleɛ ne sorɔ ne ngwaen. Kaka biala angora ye nyunu gyina, yeɛ ebiala nne berɛ bɔ ɔhora pepɛ lele ebie fili ye sa nu ɔ. Ɔyɔle bɔ okuro ɔ, na ɔmomane ye nwo so.

Daniel 8:7

Nwuni kyɛ waadwu boaen nyii ne anwo berɛ, ɔfɛle ye so yaa piri, na osili boaen nyii ne bubuli ye mmɛen nyɔ ne anu. Boaen nyii ne annya anwoserɛ wangyina ye nyunu, na abɔngye ne pemone ye tole berɛ tiatiale ye so, na ebiala angora wanne boaen nyii ne wamvi ye sa nu.

Daniel 8:9

Mmɛen nemɔ anu, mmɛen kaaba bie fifili fili ko anu, onyini yɛle piri paa mane ye nye hyirele ngwaen, eyia afiteleɛ ne aseɛ nyemenenyemene ne.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.