Daniel 10:5 - AHYERƐLƐ KRONGRON

⁵ Ndole me nye anwuro nneane, na nwuni biaa bie bɔ ɔhera nwera bɔ wafa Yufase sikaa kɔkorɛ wayɛ abɔsoɛ ɔ.

Daniel 10:5 Iomraidhean Croise

Yesaya 11:5

Tenenee kɔyɛ abɔsoɛ bɔ ɔkɔfa kɔbɔ ye nu ɔ, yeɛ nahorɛlilɛ kɔyɛ abɔsoɛ kɔbɔ ye yaase.

Yeremia 10:9

Bɛfa ɛdwetɛ bɔ baboro ye taataa ɔ befi Tasise, yeɛ esikaa kɔkorɛ bɔ ofi Yufase ɔ bɛba. Bɛte adwiililɛfoɛ ne esikaa kɔkorɛ dwumvoɛ bɛ sa noa adwuma. Bɛ ndaadeɛ te bibire ne koogyan, ye mukoraa te adwiililɛfoɛ bɛ sa noa adwuma.

Hesekiel 9:2

Na nwuni mmienzua nzia bie; befili anwuro dɔ anoa piri bɔ ye nye kyire sorɔ dɔ atee ne aso ne anu bɛwale. Né bɛ nu biala tira ye kodiawu akodeɛ; né biaa bie bɔ ɔhera nwera ɔ ɔboka bɛ so, na né wafa nikyee bɔ bɛfa bɛkyerɛ ɔ wasĩ. Na bewurale nu beegyinane kɔɔbere afɔleɛ bokyea ne anwo berɛ.

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Ɛfesofoɛ 6:14

Yiti ɛ́mɔgyina pindinn, ɛ́mɔfa nahorɛ bɛyɛ abɔsoɛ bɛbɔ ɛmɔ yaase, ná ɛ́mɔfa tenenee bɛyɛ buralɛ bɛkata ɛmɔ hue so,

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”