Daniel 10:21 - AHYERƐLƐ KRONGRON

²¹ Nakoso ngɔla bɔ bahyerɛ ye wɔ nahorɛ nwomaa ne anu ali ngohyire wɔ: ebiala ngo bie mmoka me so ndia ɛhemɔ, sana Mikayɛl, ɛmɔ katakyie ne ngome.

Daniel 10:21 Iomraidhean Croise

Daniel 10:13

Nakoso Pɛsia ahennie nu katakyie ne, osili me ate eleburanyɔ ɛlɛho; yeɛ Mikayɛl bɔ ɔte abɔfo titire nemɔ anu ko ne, ɔɔbokale me, na nyakyili ye wɔ Pɛsia ahennie nu katakyie ne nwo berɛ.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Daniel 8:26

Nɔsoa ne ngyerɛmɔ nyekyire bɔ mala ye ali ne, ɔte nahorɛ; nakoso nnɛbɔ nyekyire ne aso, ofikyɛ kyẽa bie dee yeɛ okosi ɔ.”

Daniel 9:22

Na ohyirehyirele me sele me kyɛ, “O Daniel, mawa kyɛ mebaafa ndeaseɛ ne nimdeɛ mema wɔ.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Asomafoɛ 15:15

Na ɛhe ne ngɔmhyɛlɛfoɛ dwirɛ bɔ bɛhane ne te ko, kyɛbɔ bahyerɛ kyɛ,

Asomafoɛ 15:18

Awurade bɔ ɔmaa yɛnwuni ɛhe fili tetetete ne, ye noa dwirɛ ɛne.’ ”

Yuda 1:9

Nakoso mmerɛ bɔ abɔfo panyi Mikayɛl ne abɔnzam bɛpereperele Mose fuin nwo ne, Mikayɛl anzi ye hue wanga dwirɛ wandia ye wammua ye ndɛen, na mmom ɔhane kyɛ, “Awurade hwi wɔ nyunu!”

Nyekyire 12:7

Na afei koɛ sili nyameɛso. Mikayɛl ne ye abɔfo mɔ bɛfale koɛ bɛtetale sasrabɔnzam ne; na sasrabɔnzam ne ne ye abɔfo mɔ bɛhone;