Daniel 10:17 - AHYERƐLƐ KRONGRON

¹⁷ Me mene, wɔ somvoɛ, ɔkɔyɛ sɛɛ né me ne me mene yahora yadwudwo? Ofikyɛ afei de, me nwo ngaka atu amini, na me nwomeɛ ayie.”

Daniel 10:17 Iomraidhean Croise

Gyenesise 32:20

na ɛmɔhã behyire ye kyɛ, ‘Asa koso, w’akoaa Yakob li yɛ si.’ ” Osusuli kyɛ, “Ngɔfa akyɛdeɛ bɔ wali me nyunu moa ye ngɔpata ye, na sɛ nziɛ ye me ne ye yɛyia a, mede medi kyɛ okole me kɔto nu.”

Ɛksadɔso 33:20

Na ɔfa sɔle so kyɛ, nakoso ɛngɔhora ngonwu me nyunu, ofikyɛ sona nnwu me nyunu ná onnya ngoa.

Daniel 10:8

Yiti ɔhale me ngome twe wɔ berɛ bɔ né menea nyekyire ne ɔ. Me nwo ngaka tu minini, mmɔle fuin bɔkɔɔ, na me nwo yɛle me hodwoo.

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Marko 12:36

Ofikyɛ Dawide bɔbɔ nate Sunzum Krongron so hane kyɛ, ‘Awurade sele me Mene kyɛ: Tena me sa famaa so, kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.’

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Maenbulɛfoɛ 6:22

Afei Gideon nwuni kyɛ AWURADE abɔfo ɔ; na Gideon sele kyɛ, “Dé me oo, AWURADE Nyameɛ! Ofikyɛ magyina AWURADE abɔfo nyunu manwu ye nyunu.”