Daniel 10:16 - AHYERƐLƐ KRONGRON

¹⁶ Na yieee, ebie bɔ ɔte kyɛ mmenia mmaa sɛso ɔ ɔfale ye sa hane me noa, na mmukyele me noa ndwudwole. Na nzele bɔ ogyi me nyunu berɛ ne kyɛ, “O me mene, nyekyire ne ama me nwo ngaka atu amini, na mabɔ fuin.

Daniel 10:16 Iomraidhean Croise

Ɛksadɔso 4:10

Na Mose sele AWURADE kyɛ, “Mesrɛ wɔ, AWURADE. Ofi me tetetete bɔ ɔbaadwu ɛnɛ bɔ ɛne w’akoaa bedwudwo ye, nnde sona bɔ ye noa ate ɔ; me dwudwolɛ te nyaanyaa, na me temverema abutu.”

Ɛksadɔso 4:13

Nakoso Mose sele kyɛ, “Yieee! AWURADE, mesrɛ wɔ ala, soma sona foforɛ.”

Nworɛ Dwirɛhanɛniɛ 1:18

Ofikyɛ nworɛ pee nwunɛ ne ɛhawo pee yeɛ bɛnate ɔ, na ebiala bɔ onya nimdeɛ pee ne, ɔtwetwe amaneɛ pee brɛ ye nwo.

Yesaya 6:7

Ɔfa hane me noa, na osele kyɛ, “Tie, sɔ nikyee ye ahã wɔ noa; baye w’amumuyɛɛ ne bafi wɔ so, na bate wɔ nwo bafi wɔ bɔne nwo.”

Yeremia 1:9

Afei, AWURADE tengyɛle ye sa fa hane me noa. Na AWURADE sele me kyɛ, Tie, mafa me dwirɛ matua wɔ noa.

Hesekiel 1:26

Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Hesekiel 3:27

Nakoso sɛ me ne wɔ yɛdwudwo a, ngɔsangye wɔ temverema nyamaa ne maa ekose bɛ kyɛ, ‘Bɔ AWURADE Nyameɛ ɔkã hɔ ɛhe.’ Bɔ okotie ne, maa otie, yeɛ bɔ ongotie ne koso, yakyi ye, ofikyɛ bɛte abusua bɔ bayɛ lɔen ɔ.

Hesekiel 33:22

Na AWURADE tumi wale me so nɔsoa ne koraka yeɛ biaa bɔ wanwati ne ɔbaawa ɔ. Na anzana biaa ne ɔbaawa me berɛ ngyerɛmɔ nen, né AWURADE ate me noa ne, yiti ɔtele me noa ne, na mandɔ mumu ko.

Daniel 12:8

Ndele, nakoso mande ye bo, yiti mmisale kyɛ, “O me mene, sɛɛ yeɛ ɛhemɔ bekooyie ɔ?”

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 7:15

“Me, Daniel, me sunzum wora bɔle wɔ me nu, na nyekyire bɔ nwuni ye ne hale me.

Daniel 7:28

“Edwirɛ ne, ye ayieleɛ ɛne. Na me, Daniel de, edwirɛ ne hale me paa, me nwo yɛle me basaa, nakoso mvale edwirɛ ne nziele me ti anu.”

Daniel 8:15

Na me, Daniel, nyane nyekyire ne, ná nyɛle m’adwene kyɛ ngɔte ye bo nen, mvum nu, nwuni ebie bɔ ye sue te kyɛ sona ɔ kyɛ ogyi me nyunu berɛ ɔ.

Daniel 8:17

Yiti ɔwale nekaa bɔ né ngyi ne. Ɔwale ne, ɛserɛ hane me, na mvale me nyunu mmutuli berɛ. Na osele me kyɛ, “O Sona awa, te ye bo, kyɛ nyekyire ne gyi berɛ ma ayieleɛ mmerɛ ne.”

Daniel 8:18

Na ogu so bɔ odwudwo kyire me nen, nnale hatee, bɔ né me nyunu butu berɛ ɔ; na ɔsɔle me nu fale me gyinane berɛ.

Daniel 8:27

Afei me, Daniel, me nwo yɛle me bɛtɛɛ, na me nwo yɛle me yea ngyẽa dɔnn. Afei ndwɔsole, na ndoale ɛhene n’adwuma ne aso; nakoso nyekyire ne mane me nwo dwirili me, ofikyɛ ebiala ande ye bo.

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Luka 1:64

Na berɛ ne ala, ye noa ne tele, na ye temverema nyamaa sangyele maa odwudwole, na ɔyele Nyameɛ ayɛ.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Yohane 20:28

Na Tɔmase buale ye kyɛ, “M’Awurade ne me Nyameɛ!”

Yosua 5:14

Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”

Nyekyire 1:13

na kanea bakaa nemɔ b’afia ne, nwuni ebie bɔ ɔte kyɛ Sona Awa ne, bɔ owura ataadeɛ tendenn, bɔ wafa sikaa kɔkorɛ abɔsoɛ wabɔ ye afia ɔ.

Maenbulɛfoɛ 13:8

Na Manoa srɛle AWURADE kyɛ, “O AWURADE, mesrɛ wɔ, Nyameɛ sona bɔ ɛsomane ye ne, maa osa bra yɛ wa, ná oohyire yɛ nikyee bɔ ɔsɛ kyɛ yɛyɔ yɛfa akwadaa bɔ yɛbaawo ye ne anwo ɔ.”

Maenbulɛfoɛ 6:13

Yeɛ Gideon buale ye kyɛ, “Me mene, sɛ AWURADE gyi yɛ si a, nzu ati yeɛ amaneɛ he amukoraa atoto yɛ ye? Ye anwanwadeɛ mbiri mbiri bɔ yɛ nana mɔ hane ye nwo dwirɛ hyirele yɛ kyɛ, ‘Aso nna AWURADE yeɛ ɔyele yɛ fili Misraim’ ne, bɛ wɔ ni? Kekesaala ye de, AWURADE aye ye sa yɛ bo, na wafa yɛ wawura Midian sa.”

Maenbulɛfoɛ 6:15

Gideon buale kyɛ, “Me mene, me yeɛ nne nwa bɔ mekora mepepɛ mede Yisrael ɔ? Manase abusua kure nu, m’abusua yeɛ yɛte awiɛmvoɛ koraa ɔ, na m’abusua nu koso, me yeɛ nde kãa paa ɔ.”