Daniel 10:14 - AHYERƐLƐ KRONGRON

¹⁴ Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 10:14 Iomraidhean Croise

Gyenesise 49:1

Yakob frɛfrɛle ye mma mɔ, na osele bɛ kyɛ, “Ɛ́mɔboaboa ɛmɔ noa ma nga bɔ kyẽa bie okosi ɛmɔ bra nu ɔ ngyire ɛmɔ.

Yesaya 2:2

Na ɔkɔwa kyɛ, mmerɛ bɔ oli nziɛ ne, bokaa bɔ AWURADE awuro ne gyi so ne, ye bo kotimu maa ɔkɔware kɔtra bokaa biala, ɔkɔyɛ tendenn kɔtra pambaa biala, na maen maen mukoraa bekobiri bɛkɔwa so.

Hesekiel 12:27

“Sona awa, tie, Yisrael awuro ama mɔ bɛnwa: ‘Nyekyire bɔ onya ye ne, ɔkɔhyɛ paa koraka né wawa nu; yeɛ mmerɛ bɔ ɔwɔ moa moa nwo ngɔm yeɛ ɔhyɛ ɔ.’

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Daniel 10:1

Pɛsia hene Karose ahennie afoɛ bɔ ɔtɔ so nza ne anu, (Nyameɛ) lale dwirɛ ali hyirele Daniel bɔ bɛtole ye dumaa Beltesasa ne. Edwirɛ ne te nahorɛ, na ɔte dwirɛ bɔ ɔyɛ se ɔ. Daniel tele edwirɛ ne abo, na onyane nyekyire ne anu ndeaseɛ.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Daniel 12:9

Na obuale kyɛ, “Daniel, wɔ de kɔ, ofikyɛ edwirɛ nemɔ te mvealeɛ nu dwirɛ, na bafa nzɔanoɛ basɔ ye noa kɔpem ayieleɛ mmerɛ ne.

Daniel 2:28

na mmom Nyameɛ bie wɔ nyameɛso bɔ ɔda mvealeɛ nu dwirɛ ali ɔ, na ye yeɛ waye bɔ kyẽa bie okosi ɔ wahyire Nana Nebukadenesa ɔ. Ɛla wɔ bɛen so ne, wɔ laleɛ ne nyekyire bɔ enwuni ne, ye ɛhe:

Daniel 8:16

Na ndele sona komvi wɔ asue Yulae noa, kyɛ ɔtea nu kyɛ, “Gabriel, kyire biaa ne nyekyire ne abo.”

Daniel 8:26

Nɔsoa ne ngyerɛmɔ nyekyire bɔ mala ye ali ne, ɔte nahorɛ; nakoso nnɛbɔ nyekyire ne aso, ofikyɛ kyẽa bie dee yeɛ okosi ɔ.”

Daniel 9:22

Na ohyirehyirele me sele me kyɛ, “O Daniel, mawa kyɛ mebaafa ndeaseɛ ne nimdeɛ mema wɔ.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Mika 4:1

Nakoso ɔkɔwa kyɛ, ngyẽa bɔ oli nziɛ ne anu, bokaa bɔ AWURADE awuro ne gyi so ne, okotimu kɔyɛ tendenn paa wɔ mmokaa nemɔ anu, na ɔkɔhɔ anwuro kɔtra pambaa nemɔ. Mmenia kotu bi bɛkɔhɔ so,

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Numeri 24:14

Afei, mesa mekɔ me maen nu. Na maa nga bɔ kyẽa bie maen he kɔfa kɔyɔ wɔ maen ɔ ngyire wɔ.”

Deuteronomi 31:21

Na sɛ musue ne amaneɛ pee toto bɛ a, sɔ dwein he koli adanzeɛ kotia bɛ, ofikyɛ ongofi bɛ bosofoɛ ti anu. Na aseɛ bɔ ndale ndaen kyɛ ngɔfa ngɔma bɛ ne, anzana ngɔfa bɛ ngoodwu so ne po, mese porɛ horɛ bɔ kekesaala ye babɔ ye bɛ ti anu ɔ.”

Deuteronomi 31:29

Ofikyɛ, mese kyɛ me wue asi ne, edwirɛ tɛɛ ala yeɛ ɛmɔkoli ɔ, na mmeraa bɔ mahyɛ mama ɛmɔ ne, ɛmɔkobu so. Na musue kɔto ɛmɔ kyẽa bie, ofikyɛ ɛmɔkɔyɔ AWURADE nyunu bɔne, na ɛmɔ sa noa adwuma kɔma ye ahone kohu.”

Deuteronomi 4:30

Na sɛ ɛkɔ anwokyere nu, ná kyẽa bie sɔ nningyein hemɔ amukoraa toto wɔ a, ekosa kɔwa AWURADE wɔ Nyameɛ berɛ, ná atie ye dwirɛ.

2 Timoteo 3:1

Nakoso kaye kyɛ, ayieleɛ mmerɛ ne, mmerɛ bɔ nu yɛ se ɔ kɔwa.

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.