Daniel 10:13 - AHYERƐLƐ KRONGRON

¹³ Nakoso Pɛsia ahennie nu katakyie ne, osili me ate eleburanyɔ ɛlɛho; yeɛ Mikayɛl bɔ ɔte abɔfo titire nemɔ anu ko ne, ɔɔbokale me, na nyakyili ye wɔ Pɛsia ahennie nu katakyie ne nwo berɛ.

Daniel 10:13 Iomraidhean Croise

Ɛsra 4:24

Yiti Nyameɛ awuro bɔ ɔwɔ Yerusalem ne, bɛyakyili ye nwo adwuma ne bɛtole berɛ, na ɔhale berɛ toonn maa oodwuli Pɛsia hene Dario ye bia lilɛ afoɛ bɔ ɔtɔ so nyɔ ne.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Kolosefoɛ 2:10

Na ɛmɔali mu bɔkɔɔ wɔ ye nu, ye bɔ ɔte tumi ne ahennie amukoraa bɛ ti.

1 Tɛsalonikafoɛ 2:18

Ahaa yɛpena kyɛ yɛsa yɛba ɛmɔ berɛ. Me bɔbɔ, Pɔɔlo, mabɔ ye nwo mmɔden pee, nakoso Abɔnzam sili yɛ ate.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

Yuda 1:9

Nakoso mmerɛ bɔ abɔfo panyi Mikayɛl ne abɔnzam bɛpereperele Mose fuin nwo ne, Mikayɛl anzi ye hue wanga dwirɛ wandia ye wammua ye ndɛen, na mmom ɔhane kyɛ, “Awurade hwi wɔ nyunu!”

Nyekyire 12:7

Na afei koɛ sili nyameɛso. Mikayɛl ne ye abɔfo mɔ bɛfale koɛ bɛtetale sasrabɔnzam ne; na sasrabɔnzam ne ne ye abɔfo mɔ bɛhone;