Daniel 10:12 - AHYERƐLƐ KRONGRON

¹² Yeɛ osele me kyɛ, “Daniel, nnɛsuro, ofikyɛ ofi kyẽa bɔ ɛyɛle w’adwene kyɛ ɛkɔte ye bo, ná ɛbrɛle wɔ nwo ase wɔ wɔ Nyameɛ nyunu nen, wate wɔ sufrɛ ne, na wɔ sufrɛ ne ati yeɛ mawa ɔ.

Daniel 10:12 Iomraidhean Croise

Edwein 69:10

Mmerɛ bɔ nyɔle akɔngyere mva mmrɛle me kra ase ne, ɔnate so maa bɛbɔle me alapaa.

Yesaya 35:4

Ɛmɔhã behyire bɛ bɔ ahunundetelɛ atɔ bɛ so ne kyɛ, “Ɛ́mɔgyina pindinn, nnɛma ɛmɔsuro! Ɛ́mɔtie, ɛmɔ Nyameɛ ɔ́ba batɔ wereɛ! Nyameɛ bɔ ɔma ɛmɔ sa kã bɔ wafi ɛmɔ sa ne, ɔbaapepɛ de ɛmɔ ngoa.”

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 41:14

Nnɛsuro, wɔ, esuronyi (pɛkyɛpɛkyɛ) Yakob, ɔne ɛmɔ, Yisraelfoɛ! Ofikyɛ me yeɛ ngɔboka wɔ ɔ. AWURADE noa dwirɛ ɛne; na wɔ Defoɛ ne ole Yisrael Krongronniɛ ne.

Yesaya 58:9

Afei ɛkɔfrɛ, na AWURADE kɔtɛ wɔ so, ekosu kɔfrɛ, na ɔkɔhã kyɛ, Me ɛhe. “Sɛ ɛyakyi kɔnnua bɔ ɛfa to mmenia kɔme, anwunanwuna asaa tengyɛlɛ ne ɛsoentolɛ,

Yesaya 65:24

Anzana bɛbaasu bɛfrɛ ne po, né mama mmuayɛɛ, na begu so bedwudwo ne po, né matie.

Daniel 10:11

Na osele me kyɛ, “O Daniel, bɔ Nyameɛ kuro wɔ dwirɛ paa ɔ, tie edwirɛ bɔ mekã mekyire wɔ ye, ná dwɔso gyina berɛ, ofikyɛ basoma me wɔ berɛ.” Na ye noa wɔ so bɔ ɔkã sɔ dwirɛ ne kyire me nen, ndwɔso ngyinane berɛ bɔ né me nwo wosowoso me ɔ.

Daniel 10:19

Na osele me kyɛ, “O, wɔ bɔ Nyameɛ kuro wɔ dwirɛ paa ɔ, nnɛsuro, asomdwee hã wɔ, gyina pindinn, ná ma w’ahone yɛ se.” Na odwudwo hyirele me nen, me nwo yɛle me se, na ngane kyɛ, “Me mene, dwudwo, ofikyɛ ama me nwo ayɛ me se.”

Lewitikɔso 16:29

“Odi kyɛ ɛhe yɛ ahyɛdeɛ ma ɛmɔ: bosome nzoo ne, ye kyẽa bɔ ɔtɔ so buru ne, odi kyɛ ɛmɔkye ɛhɔen; kuromani oo, ɛwɔfoɛ bɔ waatena ɛmɔ nu oo, nnɛma ebiala yɔ adwuma biala.

Lewitikɔso 16:31

Ɔte afofikyẽa bɔ odi mu paa ma ɛmɔ ɔ. Odi kyɛ ɛmɔkye ɛhɔen; ɔte ahyɛdeɛ afebɔɔ.

Numeri 29:7

“Sɔ bosome nzoo ne ala, ye eleburu ne aso, ɛ́mɔyɛ nyianu krongron. Ɛ́mɔhye hɔen, na nnɛma ɛmɔyɔ adwuma biala.

Mateo 28:10

Yeɛ Yesu sele bɛ kyɛ, “Nnɛma ɛmɔsuro; na ɛmɔɔhã behyire nniɛma nemɔ kyɛ bɛhɔ Galilea, na dɔ yeɛ bekonwu me ɔ.”

Mateo 28:5

Na abɔfo ne sele mmrasua ne kyɛ, “Nnɛma ɛmɔsuro! Na mese kyɛ ɛmɔpena Yesu bɔ bɛbɔle ye mmeamudua nu ne.

Marko 16:6

Na osele bɛ kyɛ, “Nnɛmɔma ɛmɔ kunu te ɛmɔ. Ɛmɔpena Nasarɛteniɛ Yesu bɔ bɛbɔle ye mmeamudua nu ne. Watingye, ɔnne wa. Ɛ́mɔnea nekaa bɔ bɛfale ye bɛtole ɔ!

Luka 1:13

Nakoso abɔfo ne sele ye kyɛ, “Sakaria, nnɛsuro, ofikyɛ Nyameɛ ate wɔ mbaeɛ ne, na ɛye Elisabɛte kɔwo baa bienzua kɔma wɔ, na ɛkɔto ye dumaa Yohane.

Luka 1:30

Na abɔfo ne sele ye kyɛ, “Maria, nnɛsuro, ofikyɛ Nyameɛ alo wɔ.

Luka 2:10

Na abɔfo ne sele bɛ kyɛ, “Nnɛma ɛmɔsuro, na ɛ́mɔtie, ndɛenvɛen bɔ ɔte anigye piri paa bɔ ɔkɔyɛ maen maen amukoraa bɛ deɛ yeɛ mefa mebrɛ ɛmɔ ɔ;

Luka 24:38

Na osele bɛ kyɛ, “Nzu ati yeɛ ɛserɛ ahã ɛmɔ ye? Nzu ati yeɛ ɛmɔsu aporowaa ɛmɔ adwene nu ye?

Asomafoɛ 27:24

na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,