Daniel 10:1 - AHYERƐLƐ KRONGRON

¹ Pɛsia hene Karose ahennie afoɛ bɔ ɔtɔ so nza ne anu, (Nyameɛ) lale dwirɛ ali hyirele Daniel bɔ bɛtole ye dumaa Beltesasa ne. Edwirɛ ne te nahorɛ, na ɔte dwirɛ bɔ ɔyɛ se ɔ. Daniel tele edwirɛ ne abo, na onyane nyekyire ne anu ndeaseɛ.

Daniel 10:1 Iomraidhean Croise

Gyenesise 41:32

Faro hyene laleɛ mmɔhoɛ nyɔ. Ɛhe kyire kyɛ Nyameɛ ahyehyɛ ye sɔ amba, na ɔngɔhyɛ biala ɔkɔwa nu.

2 Aberɛso Dwirɛ 36:22

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne kɔwa nu ne, AWURADE kanyane Pɛsia hene Karose. Yiti Karose tuli ɛbɔfoɛ mɔ maa bɛɛbɔle edwirɛ ne dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 3:7

Ye sɔ ne ati, bɛfale sikaa bɛbɔle suasilɛfoɛ ne bakaa dwumvoɛ mɔ paa, na bɛmane Sidonfoɛ ne Tirofoɛ aleɛ, anonneɛ ne ngoo maa bɛfale sida mmakaa beguale ɛpo so befili Lebanon bɛwale Yopa, kyɛbɔ Pɛsia hene Karose mane bɛ ate kyɛ bɛyɔ ne ala.

Ɛsra 4:3

Nakoso Serubabɛl ne Yesua ne Yisrael mmusua mbanyi ngaa nemɔ buale bɛ kyɛ, “Yɛngɔma ɛmɔ ngɔboka yɛ so wɔ yɛ Nyameɛ awuro ne ye silɛ nu, na mmom yɛ ngome yeɛ yɛkosi AWURADE Yisrael Nyameɛ awuro ne ɔ, kyɛbɔ Pɛsia hene Karose ahyɛ kyɛ yɛyɔ ne ala.”

Ɛsra 4:5

Bɛbɔle mbanyi paa kyɛ bɛbɔ Yudafoɛ bɛ botaeɛ ne begua, na ɛhe hɔle so toonn wɔ Pɛsia hene Karose aberɛ so maa oodwuli Pɛsia hene Dario aberɛ so.

Ɛsra 6:14

Yiti Yuda mbanyi nemɔ hɔle so benyane ngɔsoɛ wɔ sua ne silɛ nu, ɔnate Nyameɛ noa dwirɛ bɔ ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhã behyirele bɛ ne aso. Na kyɛbɔ Yisrael Nyameɛ ahyɛdeɛ ɔte ne, ɔne kyɛbɔ Pɛsia ahemvo Karose ne Dario ne Atasɛsɛse mmeraa bɔ bɛhyɛle ne ɔte ne, Yudafoɛ sili sua ne beyiele.

Ɛsra 6:3

Nana Karose afoɛ bɔ oli moa wɔ ye ahennie ne anu ne, ɔhyɛle mmeraa tole berɛ kyɛ, Mmeraa he fa Nyameɛ awuro bɔ ɔwɔ Yerusalem ne anwo. Mama ate kyɛ besa besi sua ne bɛfa bɛyɛ nekaa bɔ bɛbɔ afɔleɛ ɔ. Ofi ye aseɛnwo bɔ ɔkwaadwu ye anwuro ne, ɔkɔyɛ agyirɛ aburasia, yeɛ ye tɛtrɛtɛɛ nu koso kɔyɛ agyirɛ aburasia.

Yesaya 44:28

Me yeɛ mekã mefa Karose nwo kyɛ, ‘Ɔte me mmoaenneafoɛ, na ɔkɔma me botaeɛ amukoraati kɔwa nu’; yeɛ mekã mekyire Yerusalem kyɛ, ‘Bɛkɔkyekye wɔ bieku,’ yeɛ mekã mekyire asɔneyɛɛ sua ne kyɛ, ‘Bekosa bɛkɔto wɔ fapem ne.’ ”

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 1:21

Na Daniel tenane berɛ maa oodwuli Nana Karose ahennie afoɛ bɔ oli moa ne.

Daniel 1:7

Yeɛ sayɛɛ panyi ne totole bɛ dumaa: Ɔtole Daniel dumaa Beltesasa, ɔtole Hanania dumaa Sadrake, ɔtole Misael dumaa Mesake, yeɛ ɔtole Asaria dumaa Abedinego.

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 11:2

“Afei, ngohyire wɔ nahorɛ ne: Tie, ahemvo nza bieku kodwɔso wɔ Pɛsia, na bɔ ɔtɔ so nna ne, okonya ye nwo kɔtra bɛ mukoraa. Na sɛ ɔnate ye anwonya ne ati onya anwoserɛ a, okosi ebiala adua maa okodwɔso kotia Hela ahennie maen ne.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Daniel 12:9

Na obuale kyɛ, “Daniel, wɔ de kɔ, ofikyɛ edwirɛ nemɔ te mvealeɛ nu dwirɛ, na bafa nzɔanoɛ basɔ ye noa kɔpem ayieleɛ mmerɛ ne.

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Daniel 4:8

Ye si ye, Daniel bɔ me nyameɛ Beltesasa dumaa yeɛ bɛfa bɛfrɛ ye, bɔ nyameɛ krongron mɔ bɛ sunzum wɔ ye nu ne, ɔwale me nyunu, na ngane laleɛ ne ngyirele ye kyɛ,

Daniel 5:12

ofikyɛ benwuni kyɛ sɔ Daniel ne, bɔ Nana Nebukadenesa tole ye dumaa Beltesasa ne, ole sunzum sonongo, nimdeɛ ne ndeaseɛ bɔ bɛfa bekyire laleɛ bo ɔ, ɔne bɔ bɛfa bekyirekyire edwirɛ bɔ nu ɔlla berɛ ɔ nu, ɔne edwirɛ bɔ ɔkye adwene ɔ nu. Yiti maa bɛɛfrɛ Daniel bɛbra ma ohyire ye bo.”

Daniel 5:17

Yeɛ Daniel buale ɛhene ne kyɛ, “Nana, w’akyɛdeɛ ne, maa ɔwɔ berɛ, ná fa w’akatuaa ne ma sona foforɛ. Nakoso ngɔkenga ahyerɛlɛ ne ngohyire wɔ, yeɛ ngohyire ye bo koso ngohyire wɔ.

Daniel 6:28

Yiti Daniel he, onyane ngɔsoɛ wɔ Dario ahennie aberɛ so ne Pɛsianiɛ Karose ahennie aberɛ so.

Daniel 8:16

Na ndele sona komvi wɔ asue Yulae noa, kyɛ ɔtea nu kyɛ, “Gabriel, kyire biaa ne nyekyire ne abo.”

Daniel 8:26

Nɔsoa ne ngyerɛmɔ nyekyire bɔ mala ye ali ne, ɔte nahorɛ; nakoso nnɛbɔ nyekyire ne aso, ofikyɛ kyẽa bie dee yeɛ okosi ɔ.”

Luka 1:20

Na tie, anne me dwirɛ bɔ ɔkɔwa nu wɔ ye mmerɛ nu ne anni, yiti ɛkɔtɔ mumu, ɛngɔhora dwudwo maa okodwu kyẽa bɔ ɛhemɔ kɔwa nu ɔ.”

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”