Daniel 1:9 - AHYERƐLƐ KRONGRON

⁹ Na Nyameɛ mane sayɛɛ panyi ne lole Daniel onwuni ye anwumvoin.

Daniel 1:9 Iomraidhean Croise

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

Gyenesise 39:21

Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ.

1 Ahemvo 8:50

Na wɔ mmenia bɔ bayɔ bɔne batia wɔ ne, bɔne ne b’amumuyɛɛ amukoraa bɔ bayɔ batia wɔ ne, fa kyɛ bɛ. Ma mmenia bɔ bahye bɛ nnure ne benwu bɛ anwumvoin, amaa ɔnate so banwu bɛ anwumvoin.

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Ɛseta 2:9

Taluwa Ɛseta sɔle Hegae nye, na Hegae lole ye. Ɔyɛle ndɛndɛ fale Ɛseta sakyeɛ mɔ bɔ ɔfa popa ɔ ɔne ye aleɛ mane ye. Osa neaneane Nana Ahasuro abaawa nemɔ nu yele nu nzoo kyɛ bɛso Ɛseta, na ɔmaa ɔne ye abaawa nemɔ bɛɛtenane nekaa paa paa wɔ mmraanu berɛ.

YOB NWOMAA NE 5:15

Nakoso Nyameɛ ode sona bɔ ɔyɛ anwumvo ɔ ofi bɛ noa dwirɛ bɔ odi awue ne anu, ɔne tumifoɛ bɛ sa nu.

YOB NWOMAA NE 5:16

Yiti anyelasoɛ wɔ berɛ ma sona bɔ ɔyɛ anwumvo ɔ, na Nyameɛ ka amumuyɛɛfoɛ bɛ noa to nu.

Edwein 106:46

Na bɛ bɔ bɛhyele Yisraelfoɛ nnure amukoraa, Nyameɛ maa benwuni Yisraelfoɛ anwumvoin.

Edwein 4:3

Nakoso ɛ́mɔkaye kyɛ sona bɔ ɔtengyɛ ne, AWURADE aneanea nu waye ye wasie berɛ wama ye nwo; sɛ mesu mefrɛ AWURADE a, otie me sufrɛ.

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Daniel 1:10

Yeɛ sayɛɛ panyi ne sele Daniel kyɛ, “Mesuro me mene Nana bɔ wahyire aleɛ horɛ ne anonneɛ horɛ bɔ bɛfa bɛma ɛmɔ ne, ofikyɛ annea a né wanwu kyɛ ɛmɔ nyunu ayɛ bosabosaa watra mmerandeɛ bɔ ɛmɔ ne bɛ bɛbɔ tipɛen ne. Na ɔnate so ɛmɔkɔma Nana kɔte me ti kofi so.”

Asomafoɛ 7:10

ɔyele ye fili ye amaneɛnwunɛ amukoraa nu. Ɔmane ye adom ne nworɛ wɔ Misraim hene Faro nyunu, na ɛhene ne fale ye sili Misraim ne ye awuro so amukoraa amrado.