Daniel 1:7 - AHYERƐLƐ KRONGRON

⁷ Yeɛ sayɛɛ panyi ne totole bɛ dumaa: Ɔtole Daniel dumaa Beltesasa, ɔtole Hanania dumaa Sadrake, ɔtole Misael dumaa Mesake, yeɛ ɔtole Asaria dumaa Abedinego.

Daniel 1:7 Iomraidhean Croise

Gyenesise 41:45

Faro tole Yosef dumaa Safenate Panea, na ɔfale On sɔfo Pɔtifɛra awa brasua Asenate maa ogyale. Na Yosef neane aseɛ ne aso amukoraa.

2 Ahemvo 23:34

Faro Neko fale Nana Yosia awa Eliakim sili ye baba gya nu lili hene, na Faro Neko sesane Eliakim dumaa frɛle ye Yehoakim. Nakoso ɔhyele Yehoahase nnure hɔle Misraim, na owuli wɔ dɔ.

2 Ahemvo 24:17

Babilɔn hene fale Yehoakyin baba aliɛma Matania sili ye gya nu maa olili hene. Ɔsesane Matania dumaa frɛle ye Sedekia.

Daniel 1:19

Yeɛ Nana ne bɛ lili ngɔmɔ, na onwuni kyɛ ebiala nne berɛ bɔ ɔte kyɛ Daniel, Hanania, Misael ne Asaria wɔ bɛ mukoraa bɛ nu ɔ; yiti bɛmaa begyinane Nana nyunu bɛsole ye.

Daniel 1:3

Yeɛ Nana Nebukadenesa sele ye sayɛɛ panyi Asepenase kyɛ ɔyeye Yisraelfoɛ ne biemɔ, bɔ bɛte ahemvo mɔ bɛ bosofoɛ ɔne atitirefoɛ ɔ,

Daniel 10:1

Pɛsia hene Karose ahennie afoɛ bɔ ɔtɔ so nza ne anu, (Nyameɛ) lale dwirɛ ali hyirele Daniel bɔ bɛtole ye dumaa Beltesasa ne. Edwirɛ ne te nahorɛ, na ɔte dwirɛ bɔ ɔyɛ se ɔ. Daniel tele edwirɛ ne abo, na onyane nyekyire ne anu ndeaseɛ.

Daniel 2:26

Yeɛ Nana bisale Daniel bɔ osa li Beltesasa ne kyɛ, “Ɛkɔhora kɔhã laleɛ horɛ bɔ ngyene ne, ná ekosa kohyire ye bo kohyire me?”

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.

Daniel 4:5

Ngyene laleɛ bie bɔ ɔmaa nzurole. Laleɛ bɔ ogyinagyinane me nye so wɔ mba ne aso, ɔne bɔ nwuni ye wɔ nu nen, ɔhale me.

Daniel 4:8

Ye si ye, Daniel bɔ me nyameɛ Beltesasa dumaa yeɛ bɛfa bɛfrɛ ye, bɔ nyameɛ krongron mɔ bɛ sunzum wɔ ye nu ne, ɔwale me nyunu, na ngane laleɛ ne ngyirele ye kyɛ,

Daniel 5:12

ofikyɛ benwuni kyɛ sɔ Daniel ne, bɔ Nana Nebukadenesa tole ye dumaa Beltesasa ne, ole sunzum sonongo, nimdeɛ ne ndeaseɛ bɔ bɛfa bekyire laleɛ bo ɔ, ɔne bɔ bɛfa bekyirekyire edwirɛ bɔ nu ɔlla berɛ ɔ nu, ɔne edwirɛ bɔ ɔkye adwene ɔ nu. Yiti maa bɛɛfrɛ Daniel bɛbra ma ohyire ye bo.”