Daniel 1:5 - AHYERƐLƐ KRONGRON

⁵ Na Nana hyehyɛle kyɛ ɛlɛho biala, odi kyɛ bɛma bɛ ye aleɛ bɔ odi, ɔne ye nzaa bɔ ɔno ne bie; kyɛ bɛ́tete bɛ afoɛ nza, na beyie a, ye si ye baagyina Nana nyunu baso ye.

Daniel 1:5 Iomraidhean Croise

Gyenesise 41:46

Yosef hyɛle ye adwuma abo wɔ Misraim hene Faro ahemvie ne, né wali afoɛ aburasa. Na Yosef fili Faro awuro berɛ ɔɔpasale Misraim maen ne anu mukoraa.

1 Ahemvo 10:8

Ɛye mɔ ato ali! Wɔ somvoɛ hemɔ bɔ daa bɛso wɔ ná betie wɔ nworɛ dwirɛ ne, bato bali!

2 Ahemvo 25:30

Na Babilɔn hene mane Yehoakyin nikyee bɔ okohia ɔ daa biala bɔ né Yehoakyin te ase ɔ.

2 Aberɛso Dwirɛ 9:7

Wɔ mmenia mɔ bato bali. Wɔ somvoɛ hemɔ bɔ daa bɛso wɔ ná betie wɔ nworɛ dwirɛ ne, bato bali!

Anyandera 23:3

Nnɛma wɔ nye boro ye aleɛ fɛfɛɛfɛ ne, ofikyɛ ɔte nnakannaka aleɛ.

Yeremia 15:19

Yiti bɔ AWURADE kã ɛhe: “Sɛ esa wɔ si ɛba a, ngosa ngole wɔ, na ekoogyina me nyunu. Sɛ ɛkã edwirɛ bɔ odi mu, ná angekã edwirɛ mbaen mbaen a, ye de, ɛkɔyɛ kyɛ me kyeame. Bɛ yeɛ bekosa bɛkɔwa wɔ berɛ ɔ, nna wɔ yeɛ ɛkɔhɔ bɛ dɔ ɔ.

Daniel 1:19

Yeɛ Nana ne bɛ lili ngɔmɔ, na onwuni kyɛ ebiala nne berɛ bɔ ɔte kyɛ Daniel, Hanania, Misael ne Asaria wɔ bɛ mukoraa bɛ nu ɔ; yiti bɛmaa begyinane Nana nyunu bɛsole ye.

Daniel 1:8

Nakoso Daniel yɛle ye adwene kyɛ ongoli Nana aleɛ ngɔno ye nzaa ne, ná ɔngɔfa ngogua ye nwo fiɛ. Yiti ɔsrɛle sayɛɛ panyi ne kyɛ ɔma ye ate, amaa ɔnate so wangua ye nwo fiɛ.

Mateo 6:11

Ma yɛ yɛ daa dada aleɛ ɛnɛ;

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 11:3

Ma yɛ yɛ daa daa aleɛ daa;

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

1 Samuel 16:22

Afei Sɔɔlo somane maa beesele Yese kyɛ, “Ma Dawide tena me nwo wa ɔso me, ofikyɛ mekuro ye dwirɛ paa.”