Daniel 1:2 - AHYERƐLƐ KRONGRON

² Na AWURADE fale Yuda hene Yehoakim wurale ye sa, bɔ Nyameɛ awuro berɛ nningyein ne biemɔ boka so ɔ. Ɔsesale nningyein ne wale ye bosoen awuro wɔ Sinari aseɛ so, na ɔfale nningyein ne ooguale ye bosoen awuro berɛ nekaa bɔ besie nningyein ne.

Daniel 1:2 Iomraidhean Croise

Gyenesise 10:10

Ye ahennie ne bɔle ye bo wɔ Babɛl, Ɛreke ne Akade, na bɛ mukoraa bɛwɔ Sinari aseɛ so.

Gyenesise 11:2

Mmerɛ bɔ mmenia tu fili eyia afiteleɛ nen, benwuni aseɛ frɛtɛɛ bie wɔ Sinari aseɛ so, na bɛtenane berɛ.

2 Ahemvo 24:1

Yehoakim aberɛ so, Babilɔn hene Nebukadenesa fale koɛ ɔɔtetale Yuda. Yehoakim yɛle akoaa Nebukadenesa sa nu afoɛ nza. Afei Yehoakim yɛle ye nwo lɔen.

2 Aberɛso Dwirɛ 36:5

Yehoakim lili hene ne, né wali afoɛ aburanyɔ ne nnu, na olili hene afoɛ buru ne ko wɔ Yerusalem. Ɔyɔle bɔ ɔte bɔne wɔ AWURADE ye Nyameɛ nyunu ɔ.

2 Aberɛso Dwirɛ 36:7

Asa koso, Nebukadenesa sesale AWURADE awuro berɛ nningyein ne bie hɔle Babilɔn, na ɔfa oosiele ye asɔneyɛɛ so wɔ Babilɔn.

Ɛsra 1:7

Na AWURADE awuro berɛ nningyein bɔ Nebukadenesa ɔɔsesa fili Yerusalem wale, bɔ ɔɔfa guale ye nyameɛ mɔ bɛ sua nu ne, Nana Karose yeye wale.

Yesaya 11:11

Na ɔkɔwa kyɛ, sɔ kyẽa ne, AWURADE kɔtengyɛ ye sa ye pɛen nyɔ so kole ye mmenia bɔ baha ne kofi Asiria, Misraim, Patrose, Yitiopia, Elam, Sinari, Hamate nu, yeɛ mboanoa supɔ mɔ so.

Yesaya 42:24

Nwa yeɛ ɔfale Yakob wurale apaabɔlɛfoɛ mɔ bɛ sa, ná ɔfale Yisrael wurale awerɔm awuefoɛ bɛ sa ɔ? AWURADE bɔ yayɔ bɔne yatia ye, bɔ bamva ye atee so, bɔ banni ye mmeraa so ne, aso nna ye ɔ?

Yeremia 25:1

Yehoakim bɔ ye baba ole Yuda hene Yosia ne, ye ahennie afoɛ bɔ ɔtɔ so nna ne anu (sɔ mmerɛ ne te Babilɔn hene Nebukadenesa ahennie afoɛ bɔ oli moa ɔ), AWURADE dwirɛ bɔ ɔlale ye ali hyirele Yeremia fale Yudafoɛ amukoraa nwo,

Yeremia 27:16

Yeɛ nzele asɔfo nemɔ ne maen ne amukoraa kyɛ, “AWURADE nwa nyoo: Nnɛma ɛmɔtie ngɔmhyɛlɛfoɛ bɔ bɛhyɛ ngɔm bekyire ɛmɔ kyɛ, ‘Ɛ́mɔtie, ɔngɔhyɛ biala, bekosa bɛkɔfa AWURADE awuro berɛ nningyein nemɔ bekofi Babilɔn bɛkɔwa’ ne, ofikyɛ bédi ngɔndorɔ bekyire ɛmɔ.

Yeremia 28:3

Kyɛ odwu afoɛ nyɔ ne, AWURADE awuro nningyein amukoraa bɔ Babilɔn hene Nebukadenesa sesa fili wa hɔle Babilɔn ne, ngosa ngɔfa ngɔwa wa.

Yeremia 35:11

Nakoso mmerɛ bɔ Babilɔn hene Nebukadenesa fale koɛ ɔɔtoale maen ne nen, yɛhane kyɛ, ‘Ɛmɔbra maa yɛhɔ Yerusalem, ɔnate Kaldeafoɛ koɛhonɛfoɛ ne Siriafoɛ koɛhonɛfoɛ nemɔ bɛ nwo suronyi ti.’ Na ɛhe ati yeɛ ɔmaa yɛte Yerusalem ɔ.”

Yeremia 50:2

“Ɛ́mɔbɔ ye dawure wɔ maen maen mɔ so, ɛ́mɔfa bɛto dwaa, ɛ́mɔfa frangaa bɛpena berɛ, ɛ́mɔfa bɛto dwaa; nnɛma ɛmɔkata so, na mmom ɛmɔhã kyɛ, ‘Bali Babilɔn so ngonim, Bel nyunu agua ase, babubu Merodake nu pasapasa, ye mmosoen mɔ nyunu agua ase, babubu ye amoen mɔ nu pasapasa.’

Yeremia 51:44

Ngɔhwe Bel so wɔ Babilɔn, ná ngɔye bɔ wame ne ngofi ye noa nu. Maen maen ngobiri ngɔwa ye berɛ ko, amba, Babilɔn fasue ne adwiri agua ase.

Daniel 5:13

Yeɛ bɛɛfale Daniel bɛwale ɛhene ne nyunu, na obisale Daniel kyɛ, “Wɔ ole Daniel, mmenia bɔ bɛhyele bɛ nnure befili Yuda nemɔ anu ko, bɔ Nana, me baba fale bɛ fili Yuda wale ne anaa?

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Sakaria 5:11

Na obuale me kyɛ, “Bɛfa bɛkɔ Sinari aseɛ so, ná bekosi sua bɛma ye wɔ berɛ; na beyie a, bɛkɔfa asusudeɛ kɛndɛen ne bekosie ye nyinasoɛ ne aso.”

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 3:8

Yiti AWURADE fɛle Yisrael so yaa. Ɔfale bɛ wurale Mesopotamia hene Kusan Risatim sa, na Yisraelfoɛ sole Kusan Risatim afoɛ mmɔtwɛ.

Maenbulɛfoɛ 4:2

Yiti AWURADE fale bɛ wurale Kanaan hene Yabin bɔ né odi hene wɔ Hasɔ ne sa. Ye safohene ole Sisera bɔ né ɔte Harosete Hagoyim ne.

1 Samuel 5:2

Afei Filistifoɛ fale Nyameɛ apam alaka ne bɛhɔle bosoen Dagɔn sua nu, na bɛfa besiele Dagɔn nwo berɛ.