Daniel 1:17 - AHYERƐLƐ KRONGRON

¹⁷ Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 1:17 Iomraidhean Croise

1 Ahemvo 3:12

tie, me koso ngɔyɔ kyɛbɔ abisa ne ala. Mama wɔ nworɛ ne adwene bɔ ɛkɔfa konwu nikyee bɔ ɔte paa ɔ. Wɔ sɛso ɔwwale le, na wɔ si koso bengonya wɔ sɛso.

1 Ahemvo 3:28

Yisrael amukoraa tele ndɛen bɔ Nana Solomon buale ne, na ye nwo yɛle bɛ nwanwa, ofikyɛ benwuni kyɛ Nyameɛ nworɛ wɔ ye nu bɔ ɔfa bua ndɛen turoloo ɔ.

2 Aberɛso Dwirɛ 1:10

Yiti ma me nworɛ ne nimdeɛ bɔ ngɔfa ngɔla wɔ maen ye noa ɔ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

2 Aberɛso Dwirɛ 1:12

mama wɔ nworɛ ne nimdeɛ. Afei koso ngɔmaa ekonya wɔ nwo, ekonya agyapadeɛ ne animnyam bɔ wɔ sɛso ɛhene ɔwwale le, na wɔ si koso bengonya wɔ sɛso ɔ.”

2 Aberɛso Dwirɛ 26:5

Mmerɛ bɔ Sakaria te ngoa nu ne, Yusia sole Nyameɛ. Sakaria hyirehyirele ye kyɛ odi kyɛ ɔfa Nyameɛ surolɛ ɔbɔ ye bra. Na mmerɛ bɔ ɔsole AWURADE ne amukoraa, Nyameɛ maa oyiele ye yé.

YOB NWOMAA NE 32:8

Nakoso sunzum bɔ ɔwɔ sona nu ne, Tuminiɛ ne, ye nwomeɛ bɔ ɔwɔ sona nu ne yeɛ ɔma sona nwu nworɛ ɔ.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Yesaya 28:26

Ofikyɛ ye Nyameɛ ahyirehyire ye, na okyire ye bɔ odi kyɛ ɔyɔ ɔ.

Hesekiel 28:3

kyɛ ɛse nworɛ tra Daniel, mvealeɛ nu dwirɛ biala mvea wɔ,

Daniel 1:18

Na mmerɛ bɔ Nana Nebukadenesa hyɛle kyɛ, sɛ odwu a bɛfa bɛ bɛbra ne odwuli nen, sayɛɛ panyi ne fale bɛ hɔle Nebukadenesa nyunu.

Daniel 1:20

Na nworɛ dwirɛ ne edwirɛ bɔ ɔkye adwene biala bɔ Nana bisale bɛ ne, onwuni kyɛ bɛ mmuayɛɛ ne, ɔbo ngonyaayelɛfoɛ ne bɛ bɔ bɛnea nzramaa nu bɛkã nu dwirɛ amukoraa, bɔ bɛwɔ ye ahennie ne amukoraa nu ɔ bɛ deɛ so pɛen buru.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Daniel 10:1

Pɛsia hene Karose ahennie afoɛ bɔ ɔtɔ so nza ne anu, (Nyameɛ) lale dwirɛ ali hyirele Daniel bɔ bɛtole ye dumaa Beltesasa ne. Edwirɛ ne te nahorɛ, na ɔte dwirɛ bɔ ɔyɛ se ɔ. Daniel tele edwirɛ ne abo, na onyane nyekyire ne anu ndeaseɛ.

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Daniel 2:30

Na me de, nna kyɛ nworɛ yeɛ mese metra ateasefoɛ amukoraa ti ɔ, yeɛ ɔmaa ɔnate so waye sɔ mvealeɛ nu dwirɛ he wahyire me ɔ. Na mmom, Nana, kyɛbɔ ɔkɔyɛ bɔ bekohyire ye bo bekohyire wɔ, ná afei ate edwirɛ bɔ ɔwale wɔ ti anu ne abo ti ɔ.

Daniel 4:6

Yiti nhyɛle mmeraa kyɛ bɛfa Babilɔn nworɛfoɛ amukoraa bɛbra me nyunu, maa beehyire me laleɛ ne abo.

Daniel 5:14

Mate wɔ nga kyɛ nyameɛ nemɔ bɛ sunzum wɔ wɔ nu, na banwu kyɛ kanea ne nimdeɛ ne nworɛ paa te wɔ nu.

Daniel 7:1

Babilɔn hene Bɛlsasa ahennie afoɛ bɔ oli moa ne anu, Daniel hyene laleɛ, na onyane nyekyire wɔ mmerɛ bɔ né ɔla ye bɛen so ɔ. Na afei ɔhyerɛle laleɛ ne, na ɔbɔle nu dwirɛ ne porɛ.

Daniel 8:1

Nana Bɛlsasa ahennie afoɛ bɔ ɔtɔ so nza ne anu, me Daniel, nyane nyekyire bie, na ɛhe sili wɔ nyekyire bɔ nnili moa nyane ye ne asi.

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Asomafoɛ 6:10

Nakoso bangora bangyina nworɛ ne sunzum bɔ Setefano fa dwudwole ne noa.

Asomafoɛ 7:10

ɔyele ye fili ye amaneɛnwunɛ amukoraa nu. Ɔmane ye adom ne nworɛ wɔ Misraim hene Faro nyunu, na ɛhene ne fale ye sili Misraim ne ye awuro so amukoraa amrado.

Asomafoɛ 7:22

Bɛfale Misraim nworɛ amukoraa yeɛ bɛtetele Mose ɔ, na onyane nimdeɛ wɔ ye dwudwolɛ ne ye brabɔlɛ nu.

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.