Daniel 1:15 - AHYERƐLƐ KRONGRON

¹⁵ Na eleburu ne dwuli nen, né bayɛ branoa tukutukuu batra mmerandeɛ amukoraa bɔ belili Nana aleɛ ne bie ne.

Daniel 1:15 Iomraidhean Croise

Edwein 37:16

Nikyee kãa biala bɔ teneneeniɛ ole ye ne, odi mu tra bɔnefoɛ pee b’anwonya.

Ɛksadɔso 23:25

AWURADE ɛmɔ Nyameɛ yeɛ odi kyɛ ɛmɔsɔne ye ɔ, na ngoyira ɛmɔ aleɛ ne ɛmɔ nzue so, ná maye anwonyerɛ mafi ɛmɔ so.

Anyandera 10:22

AWURADE saleɛ yeɛ ɔma sona nya ye nwo ɔ, na ɔmva aworabɔlɛ biala mmoka so.

Daniel 1:14

Yiti ɔpenene bɛ nzusuleɛ ne aso, na ɔmaa bɛfale sɔ tebea ne anu ɔneane alaa eleburu.

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Hagae 1:9

Né ɛmɔ nye la ate kyɛ ɛmɔkonya fieso nningyein pee, nakoso, ɛ́mɔnea, ɔyɛle aleɛ kaaba bie. Na ɛmɔfa bɛwale awuro nen, nhu nguale. Nzu ɔ? Bɔ Asafo AWURADE bisa hɔ ɛne. M’awuro ne bɔ wabubu wagua ne ati ɔ, wɔ aberɛ bɔ ɛmɔ de, ebiala nye aboro osi ye bɔbɔ ye awuro ɔ.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Mateo 4:4

Nakoso obuale kyɛ, “Bahyerɛ kyɛ, ‘Nna paanoo ngome so yeɛ sona nate nya ngoa ɔ, na mmom ɔnate edwirɛ biala bɔ ofi Nyameɛ noa ba ɔ so.’ ”