Daniel 1:12 - AHYERƐLƐ KRONGRON

¹² “Mesrɛ wɔ, maa bɛma yɛ nyaanyaa ma yɛli ɔne nzue ma yɛno sɔ alaa eleburu, ná wɔ de nea kyɛbɔ wɔ somvoɛ mɔ bekosi bɛkɔyɛ ɔ.

Daniel 1:12 Iomraidhean Croise

Daniel 1:11

Yeɛ Daniel sele neafoɛ bɔ sayɛɛ panyi ne aye ye kyɛ ɔnea ye Daniel, Hanania, Misael ne Asaria so ne kyɛ,

Daniel 1:13

Na afei yɛ sonaluwaa ne, fa toto mmerandeɛ bɔ bedi Nana aleɛ ne bie ne, bɛ deɛ nwo nea. Na afei gyina bɔ ekonwu ye ne aso maa ohyire kyɛbɔ ekosi kɔnea yɛ, wɔ somvoɛ mɔ yɛ so ɔ.”

Daniel 1:16

Na ɔnate sɔ ati, somvoɛ ne amva aleɛ bɔ ɔsɛ kyɛ bedi, ɔne nzaa bɔ ɔsɛ kyɛ bɛno ne wamma bɛ, na mmom ɔmane bɛ nyaanyaa.

Romanfoɛ 14:2

Ebie de di kyɛ ɔkora odi nikyee biala, yeɛ sona bɔ ɔyɛ mmerɛ ne de, odi nyaanyaa ngome.

Deuteronomi 8:3

Ɔmane ɛhɔen huni wɔ fa brɛle wɔ ase, na mana bɔ né ɛnze nikye horɛ, bɔ wɔ nana mɔ koso bɛnze nikye horɛ ne, ɔmane wɔ bie maa elili. Ɔyɔle sɔ, kyɛbɔ ɔkɔmaa ekonwu ye kyɛ, nna aleɛ ngome yeɛ ɔma sona nya ngoa ɔ, na mmom AWURADE noa nu dwirɛ biala yeɛ ɔma sona nya ngoa ɔ.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.