Awuye 5:2 - AHYERƐLƐ KRONGRON

² Y’agyapadeɛ waali ɛwɔfoɛ mɔ bɛ sa nu, y’awuro mɔ baali amanvrafoɛ mɔ bɛ sa nu.

Awuye 5:2 Iomraidhean Croise

Edwein 109:11

Ma sona bɔ wabisa ye berɛ bosea ne, ole ye nwo nningyein amukoraa, ná ɛwɔfoɛ mɔ bɛɛfẽ bɔ wafɛ wanya ye ɔ bɛfa.

Yesaya 1:7

Ɛmɔ maen ne abɔ, bafa see bayera ɛmɔ nguro nemɔ, amanvrafoɛ bɛfẽ ɛmɔ fieso aleɛ bɛfa bɔ ɛmɔ nye tua ɔ; wabɔ, kyɛbɔ ɛwɔfoɛ mɔ basɛkye ye ne.

Yesaya 5:17

Afei mmoaen mmaa konya aleɛ bekoli, kyɛ bedidi eburo ne ala, na ɛwɔfoɛ mɔ konya aleɛ bekoli wɔ kuro bɔ wabɔ ne anu.

Yesaya 63:18

Wɔ maen krongron ne, onyane w’agyapadeɛ ne mmerɛ kãa bie, nakoso yɛ pɔfoɛ mɔ bahwi bafa wɔ nekaa krongron ne aso.

Yeremia 17:4

Na w’agyapadeɛ bɔ mva mane wɔ ne, okofi wɔ sa, na ngɔmaa ɛkɔso wɔ pɔfoɛ mɔ wɔ aseɛ bɔ ɛnze so ɔ so, ofikyɛ m’ahone bɔ wahu ne, ɛmɔasuso see begua nu maa ogye afebɔɔ ɔ.”

Yeremia 6:12

Na b’awuro mɔ kɔɔyɛ mmeni foforɛ deɛ, bɔ bɛ boo mɔ ne bɛ ye mɔ boka so ɔ; ofikyɛ ngɔtengyɛ me sa wɔ aseɛ ne aso ama bɛ so,” AWURADE noa dwirɛ ɛne.

Hesekiel 7:21

Ngɔfa ngowura ɛwɔfoɛ mɔ sa maa bɛkɔbɔ apaa bɛkɔfa, ɔne aseɛ so nzɛmmɔnefoɛ maa ɔkɔyɛ bɛ koɛ nu nzesadeɛ; na bekogua ye nwo fiɛ.

Hesekiel 7:24

Ngɔfa maen maen bɔ bɛ ti anu yɛ se paa ɔ ngɔwa maa bɛkɔɔfa b’awuro nemɔ. Ngɔma anwoserɛfoɛ b’anwomasoɛ ne bo kɔpɛ, na ngogua bɛ nekaa krongron nemɔ nwo fiɛ.

Hosea 8:7

Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.

Hosea 8:8

Bahye Yisrael bame; afei bɛte kyɛ kukue bɔ mvasoɛ nne so ɔ, wɔ maen maen mɔ nu.

Sefania 1:13

Yiti bɛ nningyein kɔkakyi nningyein bɔ mmenia kɔfẽ kɔfa ɔ, na b’awuro mɔ kɔkakyi dandue. Bekosisi sua de, nakoso bɛngɔtena nu; bɛkɔyɔ bobe boo mɔ de, nakoso bɛngɔno ye nzaa ne bie.”