Awuye 5:1 - AHYERƐLƐ KRONGRON

¹ Ao AWURADE, kaye edwirɛ bɔ wato yɛ ye, fa wɔ nye to, ná nea y’animguaseɛ ye.

Awuye 5:1 Iomraidhean Croise

Nehemia 1:3

Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 1:8

Kaye ahyɛdeɛ bɔ ɛfa mane wɔ somvoɛ Mose kyɛ, ‘Sɛ ɛmɔanni nahorɛ bamma me a, ngɔbɔ ɛmɔ ngɔsande ngɔhɔ maen maen nemɔ aso,

Nehemia 4:4

(Na mmɔle mbaeɛ kyɛ), “Yɛ Nyameɛ, tie, ofikyɛ bemmu yɛ kyɛ yɛte mmenia po. B’anyinga bɔ bɛkã yɛ ne, maa ɔbɔ bɛ bɔbɔ bɛ ti so, na maa ebiemɔ bɛfa bɛ kyɛ koɛ nu nzesadeɛ bɛhye bɛ nnure bɛhɔ maen foforɛ aso.

YOB NWOMAA NE 10:9

Kaye kyɛ ɛfale nnɛterɛ yeɛ ɛnwone me ɔ; na ɛkɔmaa ngosa ngɔkakyi nnɛterɛ anaa?

YOB NWOMAA NE 7:7

“Kaye kyɛ me ngoa te mvrama, me nye ngɔgye ko.

Edwein 119:153

Nea m’amaneɛ bɔ menwu ye ɔ, ná pepɛ de me, ofikyɛ memma me wora mvi wɔ mmeraa ne.

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Edwein 79:12

Ao AWURADE, ngorohoɛ bɔ maen maen bɔ bapɛ yɛ nwo bayia bɛgoro wɔ nwo ne, tua bɛ so kerɛ pɛen nzoo.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Yesaya 62:6

O Yerusalem, wɔ fasue nemɔ aso yeɛ mafa awɛmvoɛ magyinagyina ɔ; alehyeleɛ nu amukoraa ne alesaleɛ nu amukoraa bengomua bɛ noa. Ɛmɔ bɔ ɛmɔsu bɛfrɛ AWURADE ne, nnɛma ɛmɔyakyi bede bɛ nwome.

Yeremia 15:15

Ao AWURADE, wɔ de ɛse; kaye me ná baaboka me, na bɛ bɔ bɛtane me nye ne, tɔ bɛ so wereɛ ma me. W’aboterɛ ne ati, nnɛye me fi berɛ; nwu ye kyɛ ɔnate wɔ ti, bagua me nyunu ase.

Yeremia 51:51

‘Yɛ nyunu agua ase, ofikyɛ yate nzoaa pepɛlɛ, animguaseɛ abia yɛ, ofikyɛ ɛwɔfoɛ mɔ bawa AWURADE awuro berɛ nekaa krongron nemɔ anu.’

Awuye 1:11

Ye mmenia amukoraa bedi yealɛ, bɛpena aleɛ; bafa bɛ nningyein nyemenenyemene ne basesã aleɛ bama bɛ kra nwo atɔ ye. “Ao AWURADE, nea ná nwu ye, ofikyɛ bebu me animtia.”

Awuye 1:20

“Ao AWURADE, nea, na edwirɛ ato me, me kunu tete me; me wora abɔ, ofikyɛ mayɛ ɛlɔen kandinga paa. Ngrandɛ ne kũkũ me mma wɔ dwaaso, yeɛ ewue koso kũkũ bɛ wɔ awuro.

Awuye 1:9

Ye nwo bɔ wagua fiɛ ne, wayɛ ye ataadeɛ ne anu; wangaye ye ayieleɛ, yiti wafi ase buramm, na olle aworakyekyerɛniɛ biala. “Ao AWURADE, nea m’amaneɛnwunɛ, ofikyɛ pɔfoɛ ne, wali ngonim.”

Awuye 2:15

Bɛ bɔ bɛpɛ nu amukoraa bɛbɔ bɛ sa nu bɛgoro wɔ nwo. Besobi bɛ noa bɛwoso bɛ ti begua Yerusalem awa brasua ne aso kyɛ, “Kuro bɔ bɛfrɛ ye: Kuro bɔ ye anwonyemene di mu, aseɛ amukoraa anika ne, aso ye ɛhe?”

Awuye 2:20

Ao AWURADE, tie, ná dwene bɔ afa ɛhe ali ye ne anwo. Aso odi kyɛ mmrasua beku bɛ kunu mmaa bɛto bedi anaa, bɛ mma bɔ badodo bɛ ɔ? Aso odi kyɛ beku ɔsɔfo ne ngɔmhyɛlɛniɛ wɔ AWURADE nekaa krongron berɛ anaa?

Awuye 3:19

Kaye m’amaneɛnwunɛ ne m’anwokyere, ɔte awɔwee ne abɔwee.

Awuye 3:50

kɔpem kyɛ AWURADE kɔto ye nye kofi nyameɛso kɔnea ase ɔ.

Awuye 3:61

Ao AWURADE, ate ɛgorolɛ bɔ bɛgoro me nwo, ɔne me nwo porɛ bɔ babɔ amukoraa.

Habakuku 3:2

Ao AWURADE, mate wɔ nga, na nzurole. Ao AWURADE, kanyane w’adwuma wɔ mmerɛ ye anu, wɔ mmerɛ ye anu maa benwu ye, na wɔ yaafɛlɛ nu po, nwu anwumvoin.

Luka 23:42

Na osele kyɛ, “Yesu, sɛ ɛba w’ahennie nu a, kaye me.”