Awuye 4:9 - AHYERƐLƐ KRONGRON

⁹ Bɛ bɔ bafa ngrandɛ bahũhũ bɛ ne, bɛte paa bɛtra bɛ bɔ ɛhɔen amaa bawuwu ɔ, bɔ bafɔ bayɛ kangenaen, ɔnate fieso aleɛ bɔ wabɔ bɛ ne ati.

Awuye 4:9 Iomraidhean Croise

2 Ahemvo 25:3

Bosome nna ne anu, ye ɛlɛhona ne aso, ɛhɔen pohonandafe bie bɔ né wawa kuro ne aso ne, nu yɛle se paa bɔ né aseɛ ne aso ama bennya aleɛ benni ɔ.

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Yesaya 22:2

Kuro bɔ esebɔlɛ ayi wɔ tɛkyɛ, kuro bɔ nu te dede, bɔ anigye wɔ nu ɔ! Wɔ nu mmenia bɔ batotɔ ne, bandotɔ ngrandɛ noa, yeɛ banwu koɛ nu.

Yeremia 16:4

Ewue anwonyerɛ kohũhũ bɛ. Bengosu bɛ, yeɛ bengosie bɛ; bɛkɔyɛ kyɛ fofoɛ wɔ aseɛ ye aso. Ngrandɛ ne ɛhɔen yeɛ okohũhũ bɛ ɔ, na bɛ fuin kɔyɛ ewienu nnomaa ne aseɛ ye aso ngaka aboyaa b’aleɛ.

Hesekiel 24:23

Ɛmɔkɔbɔ ɛmɔ abotire, yeɛ ɛmɔkowura ɛmɔ mbaboa. Ɛmɔngɔbɔ awuye, yeɛ ɛmɔngosu, na mmom ɛmɔkoli aworabɔlɛ bekonwu ɛmɔ amumuyɛɛ nwo amaneɛ, na ɛmɔkɔpenepene bekohyirehyire ɛmɔ nwo ngoko ngoko.

Hesekiel 33:10

“Na wɔ, Sona awa, se Yisrael awuro ama kyɛ, Ɛmɔnwa: ‘Yɛ mmeraatolɛ ne yɛ bɔne wabu watia yɛ, ye sɔ ati yeɛ onyie yɛ yé ye; na ɔkɔyɛ sɛɛ né yanya ngoa?’

Hesekiel 4:16

Osa sele me kyɛ, “Sona awa, tie, nekaa bɔ Yerusalem onya ye aleɛ fi ne, ngɔma ye bo kɔpɛ; na bɛkɔfa ahunundetelɛ bɛkɔkari aleɛ kaaba bie bekoli, na bɛkɔfa anwodwiri yeɛ bekosusu bɛ nzue bɛkɔno ɔ;

Hesekiel 7:15

Ngrandɛ wɔ eburo, yeɛ ewue anwonyerɛ ne ɛhɔen wɔ kuro; bɔ ɔwɔ buro ne, ɔkɔtɔ ngrandɛ noa; yeɛ bɔ ɔwɔ kuro ne koso, ɛhɔen ne ewue anwonyerɛ kohũ ye.

Lewitikɔso 26:39

Na ɛmɔ nu mmenia bɔ bekonya bɛ ti bekodidi nu ne, ɔnate b’amumuyɛɛ ti, bɛ nwo kɔhyere bɛ wɔ ɛmɔ pɔfoɛ mɔ aseɛ so. Afei ɔnate bɛ nana mɔ amumuyɛɛ ti, bɛ bɔ banya bɛ ti badidi nu ne, bɛ nwo kɔhyere bɛ.

Deuteronomi 28:51

Okohu wɔ nyɛmmoa mɔ koli ná wasa wali w’aseɛ so aleɛ kɔpem kyɛ ekowu ɔ. Ɔngɔma w’aburoo, nzaa, ngoo, anaa wɔ nandwie mmaa ne wɔ mmoaen mmaa ko po ngɔha, kɔpem kyɛ ɔkɔmaa ekowu ɔ.