Awuye 4:4 - AHYERƐLƐ KRONGRON

⁴ Nzuhɔen ti, adɔma temverema mata ye nnaalɔ. Ngwadaa mɔ bɛsrɛsrɛ aleɛ, nakoso ebiala mma bɛ bie.

Awuye 4:4 Iomraidhean Croise

2 Ahemvo 18:27

Nakoso Rabesake ne sele bɛ kyɛ, “Aso wɔ ne wɔ mene ne angome ti yeɛ me mene somane me kyɛ mangã edwirɛ he ɔ? Mmenia hemɔ bɔ bɛtete fasue ne aso ne bɛboka so, ofikyɛ bɛ koso edwirɛ kɔto bɛ maa bekoli bɛ bɔbɔ bɛ bondua ná bano bɛ bɔbɔ bɛ mmien kyɛ ɛmɔ ala.”

2 Ahemvo 25:3

Bosome nna ne anu, ye ɛlɛhona ne aso, ɛhɔen pohonandafe bie bɔ né wawa kuro ne aso ne, nu yɛle se paa bɔ né aseɛ ne aso ama bennya aleɛ benni ɔ.

Edwein 137:6

Sɛ mangaye wɔ a, ma me temverema ɔmata me nnaalɔ, sɛ manguro Yerusalem dwirɛ mandra nikyee biala bɔ ɔma me anigye paa hɔ a!

Edwein 22:15

Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Yesaya 5:13

Ye sɔ ne ati, bɛkɔhye me maen nnure bɛkɔhɔ, ɔnate nimdeɛ bɔ belle bie ti; ɛhɔen kohũ b’atitirefoɛ maa bekowu, yeɛ nzuhɔen kohũ mmenia wora ne maa bekowu.

Yeremia 14:3

Ye atitire mɔ bɛsoma bɛ somvoɛ mɔ kyɛ bɛɛpena nzue; bɛbadwu abura nemɔ anwo, nakoso bennya nzue, yiti bɛfa bɛ bua mɔ too besa bɛkɔ. Bɛ nyunu agua ase, bafɛre, na bɛkata bɛ ti so.

Awuye 1:11

Ye mmenia amukoraa bedi yealɛ, bɛpena aleɛ; bafa bɛ nningyein nyemenenyemene ne basesã aleɛ bama bɛ kra nwo atɔ ye. “Ao AWURADE, nea ná nwu ye, ofikyɛ bebu me animtia.”

Luka 10:11

‘Ɛmɔ kuro wa mvuture po bɔ wahã yɛ gya bo ne, yɛporoporo yɛgua ɛmɔ ti so; na yɛ́ma ɛmɔnwu ye kyɛ, Nyameɛ ahennie ne wapingye ɛmɔ.’

Deuteronomi 28:48

yiti wɔ pɔfoɛ mɔ bɔ AWURADE kɔsoma bɛ maa bɛkɔwa wɔ so ne, ɛkɔfa ɛhɔen ne nzuhɔen nu, wɔ nwo bɔ ɔla so nu, ɔne nningyein mukoraa bɔ okohia wɔ ɔ nu yeɛ ɛkɔso bɛ ɔ. Na AWURADE kɔfa buralɛ kɔnnua kɔto wɔ kɔme kɔpem kyɛ okohu wɔ ɔ.

Deuteronomi 32:24

Ɛhɔen kɔmaa bɛkɔfɔ, bɛ nwo kɔyerayera bɛ, na ewue anwonyerɛ kɔbɔ bɛ. Ngɔma ngaka aboyaa kɔɔhye bɛ koli, na ngɔma mvuture nu ewoo bɔ ye noa le borɔ kɔkeka bɛ.