Awuye 4:3 - AHYERƐLƐ KRONGRON

³ Ɛserɛ so ngyea mɔ po, bɛyeye bɛ nyɔfone bɛma bɛ mma mɔ bɛno; nakoso me maen awa brasua akakyi atianuserɛniɛ kyɛ ɛserɛ so soholi mɔ.

Awuye 4:3 Iomraidhean Croise

1 Ahemvo 3:21

Ngyerɛmɔ bɔ ndwɔsole kyɛ mema mma ne nyɔfone ne, nwuni kyɛ wawu. Nakoso nneane akwadaa ne anyunu haa ngyerɛmɔ nen, nwuni ye kyɛ nna baa bɔ nwole ye ne ɔ.”

Yesaya 13:22

Kangane mɔ kopo wɔ ye abandenden nemɔ anu, ɛserɛ so ngyea kopo wɔ ye ahemvie nyemenenyemene nemɔ anu. Ye mmerɛ ne apingye, na ɔngɔhyɛ biala né wato ye.

Yesaya 34:13

Mmowue kofifi ye ahemvie nemɔ anu, yeɛ ndetema ne ɛfone kofifi ye abandenden nemɔ anu. Ɛserɛ so ngyea kole aseɛ ne kɔfa, na ɔkɔkakyi soholi mɔ b’atenaleɛ.

Yesaya 49:15

“Aso brasua ye wora kɔhora kofi ɔwa bɔ otua nyɔfone noa, bɔ yeɛ ongonwu ye kunu ba anwumvoin ɔ? Yoo, sɛ sɔ mmrasua nemɔ bɛ wora fi po a, me de, me wora ngofi wɔ.

Yeremia 19:9

Ngɔmaa bɛkɔpɛ bɛ nwo bekoli bɛ mma mmienzua ne bɛ mma mmrasua mɔ naen. Na ebiala koli obiɛngo naen, ɔnate kuro ne bɔ batua ye, ɔne amaneɛ bɔ bɛ pɔfoɛ mɔ bɔ bɛpena bɛ beku bɛ ne, bamaa wato bɛ ne ati.’

Awuye 2:20

Ao AWURADE, tie, ná dwene bɔ afa ɛhe ali ye ne anwo. Aso odi kyɛ mmrasua beku bɛ kunu mmaa bɛto bedi anaa, bɛ mma bɔ badodo bɛ ɔ? Aso odi kyɛ beku ɔsɔfo ne ngɔmhyɛlɛniɛ wɔ AWURADE nekaa krongron berɛ anaa?

Awuye 4:10

Mmrasua bɔ bɛ kunu tete bɛ ɔ, bafa bɛ sa batõ bɛ bɔbɔ bɛ kunu mmaa bafa bakakyi bɛ noa aleɛ, wɔ me maen awa brasua ye amaneɛnwunɛ mmerɛ ne anu.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Lewitikɔso 26:29

Ɛmɔkohũhũ ɛmɔ mma mmienzua mɔ ɔne ɛmɔ mma mmrasua mɔ bekoli.

Romanfoɛ 1:31

ngwaseasɛm; belle gyidie, atianuserɛ, bɛnze anwumvoin.