Awuye 4:16 - AHYERƐLƐ KRONGRON

¹⁶ AWURADE ɛyaafɛlɛ ne abɔ bɛ asande; ɔngɔhɔ so ngɔnea bɛ so ko. Bammu asɔfo nemɔ bɛ dibea, na bamva anidie bamma mbanyi nemɔ.

Awuye 4:16 Iomraidhean Croise

Gyenesise 49:7

Musue to b’ɛyaafɛlɛ ne, ofikyɛ ye noa yɛ hye; ɔ́hã b’ɛyaafɛlɛ piri ne koso, ofikyɛ atianuserɛ wɔ nu! Ngɔhyehyɛ bɛ bosofoɛ nu wɔ Yakob maen ne anu, na mato bɛ mapete Yisrael maen nu.

2 Aberɛso Dwirɛ 36:17

Yiti Nyameɛ mane Babilɔn hene fale koɛ ɔɔtoale bɛ, na ɔfale ngrandɛ huhuni bɛ mmerandeɛ mɔ wɔ bɛ nekaa krongron awuro berɛ. Babilɔn hene wannwu aberandeɛ anaa taluwa, aworowaa anaa yarefoɛ biala anwumvoin, na Nyameɛ fale bɛ mukoraa wurale ye sa.

Edwein 106:27

na ɔkɔbɔ bɛ boso ama kɔsande kɔhɔ maen maen mɔ so, ɔkɔto bɛ kɔpete aseɛ nemɔ aso.

Edwein 106:44

Nakoso onwuni amaneɛ bɔ né benwu ye ne, na otiele bɛ sufrɛ.

Yesaya 24:2

Na ɔkɔwa kyɛ, bɔ ɔkɔto mmenia ne, sɔ ala yeɛ ɔkɔto ɔsɔfo ɔ; bɔ ɔkɔto kanganiɛ ne, sɔ ala yeɛ ɔkɔto ye mene ɔ; bɔ ɔkɔto afaneɛ ne, sɔ ala yeɛ ɔkɔto ye mene brasua ɔ; bɔ ɔkɔto sona bɔ ɔtɔ nningyein ne, sɔ ala yeɛ ɔkɔto bɔ ɔyɛ ye atɔen ɔ; bɔ ɔkɔto sona bɔ ɔbɔ bosea ne, sɔ ala yeɛ ɔkɔto bɔ obisa bosea ɔ; bɔ ɔkɔto sona bɔ bɛma ye kerɛ ne, sɔ ala yeɛ ɔkɔto bɔ ɔma kerɛ ɔ.

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Yeremia 15:4

Na ngɔma aseɛ ye aso ahennie amukoraa bɛ nwo kodwiri bɛ wɔ bɛ nwo, ɔnate bɔ Yuda hene Hesekia awa Manase ɔyɔle ye wɔ Yerusalem ne ati.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 52:24

Na awɛmvoɛ nemɔ aso safohene ne, ɔhyele ɛhemɔ nnure: ɔsɔfo panyi Seraya, ɔsɔfo Sefania bɔ ɔsɔfo panyi nne berɛ a, ye yeɛ ɔwɔ berɛ ne, yeɛ mmenia nza bɔ bɛwɛne anoa ne nen.

Awuye 2:20

Ao AWURADE, tie, ná dwene bɔ afa ɛhe ali ye ne anwo. Aso odi kyɛ mmrasua beku bɛ kunu mmaa bɛto bedi anaa, bɛ mma bɔ badodo bɛ ɔ? Aso odi kyɛ beku ɔsɔfo ne ngɔmhyɛlɛniɛ wɔ AWURADE nekaa krongron berɛ anaa?

Awuye 2:6

Ole anyeborolɛ ɔsɛkyele ye ɛtena sua kyɛ ɔsɛkye eboo ɔ. Wasɛkye ye nekaa mɔ bɔ beyia nu ne; AWURADE ama bɛ wora afi, aluolue ne afofingyẽa nemɔ wɔ Sion, na ye ahone bɔ wahu ne, wabu ɛhene ne ɔsɔfo animtia.

Awuye 5:12

Bɛkyekye bɛ nnehyeɛ mɔ sa besinze berɛ beku bɛ, bɛmva anidie bɛmma mbanyi.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Deuteronomi 32:26

Ngane kyɛ, “Ngɔmaa bɛkɔbɔ aya bɛkɔhɔ dedeede, ná mama bɛ nwo ngayeɛ afi mmenia ti anu koraa.”

Hebrifoɛ 8:9

na ɔngɔyɛ kyɛ apam bɔ me ne bɛ nana mɔ hyehyɛle wɔ kyẽa bɔ nzɔle bɛ sa nyele bɛ mvili Misraim aseɛ so ne; ɔnate kyɛ bangɔso banni m’apam ne aso, na me koso nyele me nye mvili bɛ so, Awurade noa dwirɛ ɛne.