Awuye 4:11 - AHYERƐLƐ KRONGRON

¹¹ AWURADE ala ye ɛyaafɛlɛ ali wayie, wama ye ahone ahu kandinga paa. Yeɛ wasɔ see wɔ Sion, maa wayera ye fapem nemɔ.

Awuye 4:11 Iomraidhean Croise

Yesaya 51:20

Wɔ mma mɔ bɛ nye so aburu bɛ, beguagua mmorɔnoɛ mukoraa ngwandaa kyɛ kɛtɛbɔɔ bɔ owura ngaen nu ɔ, AWURADE ahone ahu bɛ so paa, wɔ Nyameɛ ahwi bɛ nyunu paa.

Yeremia 13:14

Na ngɔkekã bɛ ti ngɔbobɔ nu, seɛ mɔ ne mmaa mɔ po, AWURADE noa dwirɛ ɛne. Mengonwu bɛ anwumvoin, mengɔma bengonya bɛ ti bengodidi nu, yeɛ me kunu ngɔtete me ngɔma bɛ, na mmom ngohũhũ bɛ.’ ”

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 21:14

Nakoso ngɔhwe ɛmɔ so kyɛbɔ ɛmɔ yɔleɛ te ɔ, AWURADE noa dwirɛ ɛne. Ngɔto ye ɛhɔayeɛ ne anu see, na ɔkɔyera nikyee biala bɔ wapɛ ye nwo wayia ɔ.”

Yeremia 36:7

Ebiaa bɛkɔfa bɛ sufrɛ bɛkɔto AWURADE nyunu, na bɛ nu biala kɔsakyera ye adwene kofi ye bɔne atee nwo, ofikyɛ AWURADE ɛyaafɛlɛ ne ahonehulɛ bɔ wahã kyɛ ɔkɔmaa ɔkɔwa maen he aso ne, ɔte piri.”

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Awuye 2:1

Nea kyɛbɔ AWURADE ole yaa, wafa munungum wamundu Sion awa brasua ne aso ɔ! ná wagyi Yisrael anwonyemene wafi nyameɛso waato ase, bɔ wangaye ye gya bo ndiasoɛ, wɔ ye ɛyaafɛlɛ kyẽa ne anu ɔ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 2:3

Wapepɛ Yisrael mmɛen amukoraa wɔ ye yaafɛlɛ piri ne anu. Ye tumi asaa ne, wahwe wasa wɔ mmerɛ bɔ pɔfoɛ ne ɔ́ba bɛ so ɔ. Na ogyele kyɛ see bɔ ɔyera bra yia ɔ yerale Yakob.

Awuye 2:4

Wakondo ye agyaen nu kyɛ pɔfoɛ, wagyina watengyɛ ye sa famaa kyɛ ebie bɔ okyi bɛ ɔ. Ohuhuni bɔ ɔyɛ yɛ nye so nyemene amukoraa, wɔ Sion awa brasua ɛtena sua ne anu. Ohwiele ye yaa bɔ wafɛ ye hahii ne kyɛ see.

Awuye 2:8

AWURADE ayɛ ye adwene kyɛ ɔkɔsɛkye Sion awa brasua fasue ne, wasa nyamaa wafa wasusu, na wanyakyi ye sɛkyelɛ bɔ ɔsɛkye ye ne. Yiti ɔmane ɛwaen ne fasue belili aworabɔlɛ, bɛbɔle nu belili yealɛ.

Awuye 4:22

Ao Sion awa brasua, w’amumuyɛɛ ne nwo akatuaa wawa ayieleɛ, na ɔngɔfa wɔ ngɔhɔ nnurehyelɛ nu ko. Nakoso wɔ, Edom awa brasua de, okootua w’amumuyɛɛ so kerɛ, na ɔkɔma wɔ bɔne kɔla ali.

Hesekiel 22:31

Yiti mama m’ahone ahu bɛ so piri paa, mafa m’anyeborolɛ see ne mayera bɛ, na mama bɛ yɔleɛ abɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 36:18

Na mogya bɔ bɛhã beguale aseɛ ne aso, ɔne mmosoen bɔ bafa bagua ye nwo fiɛ ne ati, m’ahone huli bɛ so paa.

Hesekiel 6:12

Bɔ ɔwɔ dedeede ne, ewue anwonyerɛ yeɛ okohũ ye ɔ; bɔ opingye ne, ngrandɛ noa yeɛ ɔkɔtɔ ɔ; na bɔ waha bɔ mamaa wanya ye ti wadidi nu ne, ɛhɔen yeɛ ɔkɔmaa okowu ɔ. Sɔ yeɛ me yaafɛlɛ ne kɔyɔ bɛ nwo adwuma koyie ɔ.

Daniel 9:12

Na ye dwirɛ bɔ ɔhane kyɛ ɔkɔmaa ɔkɔwa yɛ ne yɛ maenbulɛfoɛ bɔ bɛlale yɛ noa ne aso, kyɛ ɔkɔprapra amaneɛ kandinga kogua yɛ so ne, wamaa wawa nu; ofikyɛ bɔ wamaa wato Yerusalem ne, ebie ɔwwale wɔ ewiase nekaa biala le.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Sefania 2:2

Nnɛma ɛmɔtena berɛ maa ɔhyehyɛ sɔ koraka, kyẽa bɔ ɔsẽ kɔ kyɛ afafu bɔ mvrama bɔ ye kɔ ne, nnɛmɔma ɔba koraka, nnɛmɔma AWURADE ɛyaafɛlɛ piri ne ɔba ɛmɔ so koraka, nnɛmɔma AWURADE ahonehulɛ kyẽa ne ɔba ɛmɔ so koraka.

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”

Luka 21:22

ofikyɛ sɔ ngyẽa ne te wereɛtɔlɛ ngyẽa, bɔ ɔma bɔ bahyerɛ ne amukoraa ba nu ɔ.