Awuye 4:10 - AHYERƐLƐ KRONGRON

¹⁰ Mmrasua bɔ bɛ kunu tete bɛ ɔ, bafa bɛ sa batõ bɛ bɔbɔ bɛ kunu mmaa bafa bakakyi bɛ noa aleɛ, wɔ me maen awa brasua ye amaneɛnwunɛ mmerɛ ne anu.

Awuye 4:10 Iomraidhean Croise

2 Ahemvo 25:3

Bosome nna ne anu, ye ɛlɛhona ne aso, ɛhɔen pohonandafe bie bɔ né wawa kuro ne aso ne, nu yɛle se paa bɔ né aseɛ ne aso ama bennya aleɛ benni ɔ.

Yesaya 22:2

Kuro bɔ esebɔlɛ ayi wɔ tɛkyɛ, kuro bɔ nu te dede, bɔ anigye wɔ nu ɔ! Wɔ nu mmenia bɔ batotɔ ne, bandotɔ ngrandɛ noa, yeɛ banwu koɛ nu.

Yesaya 49:15

“Aso brasua ye wora kɔhora kofi ɔwa bɔ otua nyɔfone noa, bɔ yeɛ ongonwu ye kunu ba anwumvoin ɔ? Yoo, sɛ sɔ mmrasua nemɔ bɛ wora fi po a, me de, me wora ngofi wɔ.

Yeremia 19:9

Ngɔmaa bɛkɔpɛ bɛ nwo bekoli bɛ mma mmienzua ne bɛ mma mmrasua mɔ naen. Na ebiala koli obiɛngo naen, ɔnate kuro ne bɔ batua ye, ɔne amaneɛ bɔ bɛ pɔfoɛ mɔ bɔ bɛpena bɛ beku bɛ ne, bamaa wato bɛ ne ati.’

Awuye 2:11

Ɛmoen ama me nye ayie bɔ, me kunu tete me. ‘Aworabɔlɛ atira me ɔnate me maen awa brasua bɔ basɛkye ye ne ati, ofikyɛ ngwadaa ne nnɔma mɔ bɛ nye so aburu bɛ wɔ kuro berɛ dwaa nemɔ aso.

Awuye 2:20

Ao AWURADE, tie, ná dwene bɔ afa ɛhe ali ye ne anwo. Aso odi kyɛ mmrasua beku bɛ kunu mmaa bɛto bedi anaa, bɛ mma bɔ badodo bɛ ɔ? Aso odi kyɛ beku ɔsɔfo ne ngɔmhyɛlɛniɛ wɔ AWURADE nekaa krongron berɛ anaa?

Awuye 3:48

Me nye poro moen kyɛ asue nu nzue, ɔnate me maen awa brasua ye amaneɛnwunɛ ne ati.

Awuye 4:3

Ɛserɛ so ngyea mɔ po, bɛyeye bɛ nyɔfone bɛma bɛ mma mɔ bɛno; nakoso me maen awa brasua akakyi atianuserɛniɛ kyɛ ɛserɛ so soholi mɔ.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Lewitikɔso 26:29

Ɛmɔkohũhũ ɛmɔ mma mmienzua mɔ ɔne ɛmɔ mma mmrasua mɔ bekoli.