Awuye 3:7 - AHYERƐLƐ KRONGRON

⁷ Wayɔ aberedwaa wafa me nwo bɔ mengora memvite ɔ, wagua me ngɔnzɔngɔnzɔ nonɛnonɛ.

Awuye 3:7 Iomraidhean Croise

YOB NWOMAA NE 19:8

Wayɔ aberedwaa wafa me nwo, bɔ mengora menze mengɔ ɔ, na wama m’atee so ayɛ awosii.

YOB NWOMAA NE 3:23

Sona bɔ ye atee amini ne, nzu ati yeɛ ɛma ye kanea ɔ, mekyire sona bɔ Nyameɛ amaa wali amia ne?

Edwein 88:8

Ama me mmango mɔ bapo me, amaa makakyi bɛ nye so akyiwadeɛ bie. Bato me nu bɔ mengora fite ɔ.

Edwein 88:9

Aworabɔlɛ ama me nye mmaa apakye. Ao AWURADE, daa mesu mefrɛ wɔ; metrɛ me sa nu mebɔ mbaeɛ mekyire wɔ.

Yeremia 38:6

Yiti bɛhyele Yeremia, na beegyili ye bɛtole Nana awa Malkiya ye abura bɔ ɔwɔ kuku nu aluo berɛ ne anu. Bɛfale nyamaa yeɛ bedwurale Yeremia bɛtole nu ɔ. Né nzue nne abura ne anu, na mmom asaa ngome, na Yeremia mene wɔ asaa ne anu.

Yeremia 40:4

Afei, tie, ɛnɛ kyẽa ye, mesangye ngɔnzɔngɔnzɔ bɔ ogua wɔ sa ne. Sɛ ekuro a, ɛne me hɔ Babilɔn, na ngɔte me nye ngɔnea wɔ. Nakoso sɛ enguro kyɛ ɛne me kɔhɔ Babilɔn a, ye de nnɛkɔ. Nea, aseɛ ye amukoraa yeɛ ɔla wɔ nyunu tɛtrɛtɛɛ ye; nekaa biala bɔ ɔte paa ma wɔ bɔ ekuro kyɛ ɛkɔ ne, kɔ.”

Awuye 1:14

“Wafa ye sa wakyekye me mmeraatolɛ ne maa wakakyi kɔnnua. Basina baya me kɔme anu, wama m’anwoserɛ ayie. Bɛ bɔ mengora bɛ nyunu gyina ne, AWURADE afa me wawura bɛ sa.

Awuye 3:9

Wafa nyɔboɛ bɔ badwa ɔ watua m’atimbire, wakondokondo m’atee.

Awuye 5:5

Yɛ kɔme wura ndaneanyeɛ bo; yɛyɔ adwuma bɔ bɛmma yɛnne yɛ nwome ɔ.

Daniel 9:12

Na ye dwirɛ bɔ ɔhane kyɛ ɔkɔmaa ɔkɔwa yɛ ne yɛ maenbulɛfoɛ bɔ bɛlale yɛ noa ne aso, kyɛ ɔkɔprapra amaneɛ kandinga kogua yɛ so ne, wamaa wawa nu; ofikyɛ bɔ wamaa wato Yerusalem ne, ebie ɔwwale wɔ ewiase nekaa biala le.

Hosea 2:6

Yiti, tie, ngɔfa mmowue ngotua w’atee. Ngɔto waen ngɔfa ye nwo, amaa ɔnate so wannwu ye atee nemɔ.