Awuye 3:57 - AHYERƐLƐ KRONGRON

⁵⁷ Kyẽa bɔ nzu mvrɛle wɔ ne, ɛhwe pingyele me, na ɛhane kyɛ, ‘Nnesuro!’

Awuye 3:57 Iomraidhean Croise

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

2 Ahemvo 19:6

Yesaya sele bɛ kyɛ, “Ɛmɔhã behyire ɛmɔ mene kyɛ, ‘AWURADE nwa: Musue dwirɛ bɔ Asiria hene ye mbanyi baha batia me maa ate ne, nnɛmaa wɔ kunu tete wɔ wɔ ye nwo.

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Edwein 145:18

AWURADE pingye bɛ bɔ besu bɛfrɛ ye ɔ amukoraa, amba, bɛ bɔ besu bɛfrɛ ye nahorɛ nu amukoraa.

Edwein 69:18

Twe pingye me kra, pepɛ de me, me pɔfoɛ mɔ ati, maa nya me nwo ndete.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 41:14

Nnɛsuro, wɔ, esuronyi (pɛkyɛpɛkyɛ) Yakob, ɔne ɛmɔ, Yisraelfoɛ! Ofikyɛ me yeɛ ngɔboka wɔ ɔ. AWURADE noa dwirɛ ɛne; na wɔ Defoɛ ne ole Yisrael Krongronniɛ ne.

Yesaya 58:9

Afei ɛkɔfrɛ, na AWURADE kɔtɛ wɔ so, ekosu kɔfrɛ, na ɔkɔhã kyɛ, Me ɛhe. “Sɛ ɛyakyi kɔnnua bɔ ɛfa to mmenia kɔme, anwunanwuna asaa tengyɛlɛ ne ɛsoentolɛ,

Yeremia 1:17

Nakoso wɔ de, bɔ w’abɔsoɛ ná dwɔso, na kã bɔ ngɔhyɛ wɔ kyɛ ɛhã ne amukoraa kyire bɛ. Nnɛma wɔ nwo wosowoso wɔ wɔ bɛ nyunu, anyɔ sɔ a, ngɔma wɔ nwo kɔwosowoso wɔ wɔ bɛ nyunu.

Asomafoɛ 18:9

Na ɛlɛho bie kɔngɔen, Awurade hã hyirele Pɔɔlo wɔ nyekyire kyɛ, “Nnɛsuro, dwudwo, na nnɛmua wɔ noa,

Asomafoɛ 27:24

na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’

Hebrifoɛ 7:19

ofikyɛ mmeraa ne amma nikyee biala anni mu. Nakoso atee foforɛ so de, anyelasoɛ bɔ ɔte paa tra daa deɛ ne wɔ berɛ, bɔ yɛfa so yɛpingye Nyameɛ ɔ.

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.