Awuye 2:8 - AHYERƐLƐ KRONGRON

⁸ AWURADE ayɛ ye adwene kyɛ ɔkɔsɛkye Sion awa brasua fasue ne, wasa nyamaa wafa wasusu, na wanyakyi ye sɛkyelɛ bɔ ɔsɛkye ye ne. Yiti ɔmane ɛwaen ne fasue belili aworabɔlɛ, bɛbɔle nu belili yealɛ.

Awuye 2:8 Iomraidhean Croise

2 Samuel 8:2

Dawide lili Moabofoɛ koso so ngonim. Ɔmaa bɛlelale aseɛnwo berɛ fekue fekue nza. Ohuni fekue nyɔ, na ɔmane fekue ko nyane ye ti didili nu. Yiti Moabofoɛ bɛɛyɛle Dawide ngoaa bɔ né betua ɛtoɔ bɛma ye ɔ.

2 Ahemvo 21:13

Edwirɛ bɔ mmaa ɔtole Samaria ne, ɔne amaneɛ bɔ mmaa ɔtole Ahabo awuro ama ne, ye ala yeɛ ngɔmaa ɔkɔto Yerusalem ɔ. Ngɔbɔ Yerusalem tɔɔ, na ngɔprapra nu mmenia bo kyɛbɔ sona nwunzi talie ye kunu ne ye si ɔ.

YOB NWOMAA NE 13:21

Amaneɛ bɔ afa ato me so ne, ye fi me so, yeɛ nnɛma wɔ nwo suronyi ɔtɔ me so.

Yesaya 22:5

Ofikyɛ ɔte Asafo AWURADE ye kyẽa, bɔ ɔte amaneɛnwunɛ, ahunundetelɛ ne anyesotanɛ, wɔ Nyekyire Bɔnza ne anu, kyẽa bɔ bedwiri fasue mɔ begua, bɔ bɛbɔ awuye besu bɛfrɛ mmokaa mɔ ɔ.

Yesaya 28:17

Ngɔma pɛpɛɛpɛyɛlɛ kɔyɛ asusudeɛ nyamaa, yeɛ ngɔma tenenee kɔyɛ tonyi; asukɔtwea koopia kanda afealeɛ ne kɔhɔ, na nzue koyi kɔfa afealeɛ ne.”

Yesaya 3:26

Ye pambim nemɔ kosũ kɔbɔ awuye, bɛkɔla berɛ too, na kuro ne kɔtɔ ase.

Yesaya 34:11

Ɔkɔyɛ akorɔma ne kɔtɔkɔ mɔ b’aseɛ, patue ne adene mɔ b’atenaleɛ. AWURADE kɔfa basabasayɔlɛ nyamaa kɔsã aseɛ ne aso, yeɛ ɔkɔfa kurofoen nyɔboɛ koguagua so.

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Yeremia 14:2

Yuda di aworabɔlɛ, ye pambim mɔ ayɛ hodwoo; bɛlela ase aworabɔlɛ nu, na Yerusalem sufrɛ afo ahɔ anwuro.

Yeremia 5:10

“Ɛ́mɔfo bɛhɔ ye bobe boo nemɔ anu bɛɛsɛkye bɛ, nakoso nnɛma ɛmɔsɛkye ye mukoraa bɔkɔɔ; ɛ́mɔpomba ye maen nemɔ, ofikyɛ nna AWURADE deɛ ɔ.

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 2:18

B’ahone sũ frɛle AWURADE. Ao Sion awa brasua fasue, ma wɔ nye moen poro gua kyɛ asue eyia ne kɔngɔen. Nnɛde wɔ nwome, yeɛ nnɛma wɔ nye kyiremvua yakyi suɛ.

Awuye 2:2

AWURADE asɛkye Yakob atenaleɛ amukoraa, na wannwu bɛ anwumvoin. Ye yaafɛlɛ nu, wadwiri Yuda awa brasua n’anwoserɛ afealeɛ mɔ wagua ase. Wahã bɛ wagua ase, wagua ahennie ne, ɔne nu mbanyi mɔ nwo fiɛ.

Awuye 2:5

AWURADE akakyi kyɛ pɔfoɛ, wasɛkye Yisrael. Wasɛkye ye ahemvie mɔ amukoraa, wasɛkye ye anwoserɛ afealeɛ mɔ, na wamaa esuɛ ne awuyebɔlɛ basone wɔ Yuda awa brasua ne anu.

Hesekiel 20:22

Nakoso ɔnate me dumaa ti, ndwe nzale; nyɔle sɔ, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nyunu yeɛ nyele bɛ mvili berɛ male ne.