Awuye 2:7 - AHYERƐLƐ KRONGRON

⁷ AWURADE agyi ye afɔleɛ bokyea ne wato, okyi ye nekaa krongron ne. Ye ahemvie nemɔ, wafa bɛ fasue nemɔ wawura pɔfoɛ ne sa. Babɔ ese wɔ AWURADE awuro berɛ, kyɛ kyẽa bɔ bedi aluolue ɔ.

Awuye 2:7 Iomraidhean Croise

2 Ahemvo 25:9

Ɔyerale AWURADE awuro ne, ahemvie ne, yeɛ Yerusalem sua amukoraa. Ɔyerale sua biala bɔ odi mu ɔ.

2 Aberɛso Dwirɛ 36:19

Bɛyerale Nyameɛ awuro ne, bebubuli Yerusalem fasue ne beguale, bɛyerale Yerusalem ahemvie nemɔ amukoraa, na nu nningyein bɔ ye nyɔboɛ yɛ se ne, bɛyerale ye mukoraa.

Edwein 89:39

W’apam bɔ ɛne wɔ somvoɛ bayɛ ne, afa ato ahameɛ, ye ahennie abotire ne, agyi ato ase agua ye nwo fiɛ.

Yesaya 64:9

O AWURADE, nnɛfɛ yaa piri, yeɛ nnɛkaye amumuyɛɛ afebɔɔ. Yɛsrɛ wɔ ala, kaye, yɛ mukoraa yɛte wɔ maen.

Yeremia 21:4

‘Bɔ AWURADE Yisrael Nyameɛ kã ɛhe: Tie, akodeɛ bɔ otira ɛmɔ, bɔ ɛmɔfa bɛko betia Babilɔn hene ne Kaldeafoɛ bɔ batua ɛmɔ kuro wɔ fasue nemɔ asi ne, ngɔkakyi ngɔwa ɛmɔ so, na ngɔboa bɛ noa wɔ kuro he afia.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 26:6

ye de, ngɔyɛ awuro he kyɛ Silo, na ngɔma kuro he kɔyɛ ɛnomalɛ nikyee ngɔma aseɛ ye aso maen maen amukoraa.’ ”

Yeremia 32:29

Na Kaldeafoɛ bɔ bafa koɛ bateta kuro he ne, bɛkɔwa bɛkɔɔto kuro he anu see, na bɛkɔyera ye ne sua mɔ bɔ mmenia ayera ɛyɛɛ wɔ bɛ ti afia bama Baal, ná basa babɔ anonneɛ afɔleɛ wɔ bɛ ti afia bama nyameɛ foforɛ mɔ kyɛ bɛfa bewura me apue ne.

Yeremia 39:8

Kaldeafoɛ nemɔ fale see bɛyerale ahemvie ne, ɔne amanvoɛ awuro mɔ, na bedwirili Yerusalem fasue ne beguale ase.

Yeremia 4:26

Ndole me nye nneane, na yieee, né aseɛ bɔ ɔkye aleɛ ne wakakyi ɛserɛ, na ye nguro amukoraa bakakyi kurofoen wɔ AWURADE nyunu, wɔ ye ɛyaa piri ne anyunu.

Yeremia 4:27

Ofikyɛ AWURADE nwa nyoo: “Aseɛ ne amukoraa kɔkakyi kurofoen, nakoso mengonua bɛ boso bɔkɔɔ.

Yeremia 50:28

“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Awuye 1:4

Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.

Awuye 2:1

Nea kyɛbɔ AWURADE ole yaa, wafa munungum wamundu Sion awa brasua ne aso ɔ! ná wagyi Yisrael anwonyemene wafi nyameɛso waato ase, bɔ wangaye ye gya bo ndiasoɛ, wɔ ye ɛyaafɛlɛ kyẽa ne anu ɔ.

Awuye 2:5

AWURADE akakyi kyɛ pɔfoɛ, wasɛkye Yisrael. Wasɛkye ye ahemvie mɔ amukoraa, wasɛkye ye anwoserɛ afealeɛ mɔ, na wamaa esuɛ ne awuyebɔlɛ basone wɔ Yuda awa brasua ne anu.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hesekiel 7:24

Ngɔfa maen maen bɔ bɛ ti anu yɛ se paa ɔ ngɔwa maa bɛkɔɔfa b’awuro nemɔ. Ngɔma anwoserɛfoɛ b’anwomasoɛ ne bo kɔpɛ, na ngogua bɛ nekaa krongron nemɔ nwo fiɛ.

Lewitikɔso 26:31

Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.

Lewitikɔso 26:44

Nakoso ɛhe amukoraa asi ye, sɛ bɛwɔ bɛ pɔfoɛ mɔ aseɛ so po a, mengɔpo bɛ, yeɛ mengɔpɔ bɛ bɔ ɔkɔmaa bɛ boso konua, bɔ ɔkɔmaa ngɔsɛkye apam bɔ ɔla me ne b’afia ne ɔ; ofikyɛ me ole AWURADE bɛ Nyameɛ.

Amose 2:5

Yiti ngɔto Yuda nu see maa ɔkɔyera Yerusalem anwoserɛ afealeɛ nemɔ.”

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Mateo 24:2

Na obuale bɛ kyɛ, “Yeɛ ɛmɔnwu ɛhemɔ amukoraa? Nahorɛ nu, mekã mekyire ɛmɔ kyɛ, bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”