Biblia Todo Logo
Bìoball air-loidhne

- Sanasan -




Awuye 2:6 - AHYERƐLƐ KRONGRON

6 Ole anyeborolɛ ɔsɛkyele ye ɛtena sua kyɛ ɔsɛkye eboo ɔ. Wasɛkye ye nekaa mɔ bɔ beyia nu ne; AWURADE ama bɛ wora afi, aluolue ne afofingyẽa nemɔ wɔ Sion, na ye ahone bɔ wahu ne, wabu ɛhene ne ɔsɔfo animtia.

Faic an caibideil Dèan lethbhreac




Awuye 2:6
25 Iomraidhean Croise  

Bato wɔ nekaa krongron ne anu see; bafa efiɛ bahã wɔ dumaa krongron atenaleɛ ne, na badwiri bagua ase.


Ye tena sua wɔ Salem, na ye atenaleɛ wɔ Sion.


Na nzu ati yeɛ abubu ye nwo fasue mɔ agua ye maa ebiala bɔ ɔpɛ nu kɔ ne, ɔtete ye mma ne bie e?


Abɔngyebɔngye ye fasue amukoraa nu ndokuro, na adwiri ye anwoserɛ afealeɛ mɔ agua ase.


Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.


Waha Sion awa brasua ne angome berɛ, kyɛ bobe boo nu asese, kyɛ ferɛ eboo nu pata, kyɛ kuro bɔ batua ye ɔ.


Yiti, magua nekaa krongron berɛ mbanyi nemɔ nyunu ase, maye Yakob mama kyɛ musue ɔto ye, yeɛ maye Yisrael mama kyɛ bɛgoro ye nwo.


Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.


Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.


Wɔ maen krongron ne, onyane w’agyapadeɛ ne mmerɛ kãa bie, nakoso yɛ pɔfoɛ mɔ bahwi bafa wɔ nekaa krongron ne aso.


Yɛ awuro krongron nyemenenyemene bɔ yɛ nana mɔ bɛyele wɔ ayɛ wɔ nu ne, bafa see bayera ye, yeɛ nningyein bɔ bɛla yɛ ahone nwo ne amukoraa, bayɛ basaa.


Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”


“Ofikyɛ Asafo AWURADE, Yisrael Nyameɛ nwa nyoo: Kyɛbɔ me yaafɛlɛ ne m’ahonehulɛ wale Yerusalemfoɛ so ne, sɔ ala yeɛ sɛ ɛmɔkɔ Misraim a, m’ahonehulɛ kɔwa ɛmɔ so ɔ. Ɛmɔkɔkakyi musue nikye, anwodwiri nikye, ɛnomalɛ nikye ne ngorohoɛ nikye; na ɛmɔ nye ngonwu wa ko.


Kã kyire ye kyɛ, AWURADE nwa nyoo: Tie, bɔ masi ne, ngobubu ye, yeɛ bɔ malua ne, ngotutu ye bo. Na ngɔyɛ ɛhe wɔ aseɛ ye amukoraa so.


“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.


Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.


AWURADE ɛyaafɛlɛ ne abɔ bɛ asande; ɔngɔhɔ so ngɔnea bɛ so ko. Bammu asɔfo nemɔ bɛ dibea, na bamva anidie bamma mbanyi nemɔ.


Yɛ ngoa nwomeɛ, bɔ yeɛ ole bɔ AWURADE apopa ye ngoo ne, bɛhyele ye wɔ bɛ kumaa nemɔ anu. Ye yeɛ yɛhã yɛfale ye nwo kyɛ, “Ye fɔnwoo ne abo, yeɛ yɛkɔtena wɔ Amaenmaensofoɛ nemɔ anu ɔ.”


Bɛkyekye bɛ nnehyeɛ mɔ sa besinze berɛ beku bɛ, bɛmva anidie bɛmma mbanyi.


Ofikyɛ wabu ndaen ne animtia, yeɛ wabu apam ne aso. Ɔtale ndaen foale so, nakoso wayɔ sɔ nningyein nemɔ, yiti ongonya ye ti ngodidi nu.


Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.


Bɛ bɔ bedi aworabɔlɛ ne, ngɔboaboa bɛ noa maa bekosa bekoli aluolue ne, amaa ɔnate so animguaseɛ anga wɔ ko.


Yiti, me koso, maprapra animguaseɛ magua ɛmɔ so, yeɛ mabrɛ ɛmɔ ase wɔ maen maen amukoraa bɛ nyunu, kyɛbɔ ɛmɔmva m’atee so, ná mmom ɛmɔbua ndɛengyea ne ala.”


Lean sinn:

Sanasan


Sanasan