Awuye 2:4 - AHYERƐLƐ KRONGRON

⁴ Wakondo ye agyaen nu kyɛ pɔfoɛ, wagyina watengyɛ ye sa famaa kyɛ ebie bɔ okyi bɛ ɔ. Ohuhuni bɔ ɔyɛ yɛ nye so nyemene amukoraa, wɔ Sion awa brasua ɛtena sua ne anu. Ohwiele ye yaa bɔ wafɛ ye hahii ne kyɛ see.

Awuye 2:4 Iomraidhean Croise

2 Aberɛso Dwirɛ 34:21

“Nwomaa bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma me ne mmenia bɔ baha wɔ Yisrael ne Yuda ne. AWURADE afɛ yɛ so yaa piri paa, ofikyɛ yɛ nana mɔ bandie AWURADE dwirɛ, yeɛ edwirɛ amukoraa bɔ bahyerɛ ye nwomaa he anu ne, banni so.”

2 Aberɛso Dwirɛ 34:25

Ofikyɛ bapo me, bayera ɛyɛɛ bama nyameɛ foforɛ mɔ, na ɔnate so bafa bɛ sa noa adwuma mukoraa bawura me apue. Yiti mafɛ maen ye aso yaa piri paa, bɔ m’ahone ngɔtɔ nzue nu ɔ.

YOB NWOMAA NE 19:11

Wama ye ahone ahu me so, na obu me ye pɔfoɛ.

YOB NWOMAA NE 6:4

Ofikyɛ Ɛdangama Nyameɛ ato ye agyaen mɔ wawowɔ me, me sunzum ɔno bɛ noa borɔ ne, na Nyameɛ ɛyaafɛlɛ ne ɔko tia me.

Edwein 37:14

Bɔnefoɛ twe ye ngrandɛ, na osina ye agyaen mɔ kyɛ ɔfa kã ehiafoɛ ne bɛ bɔ bɛyɛ anwumvo ɔ ogua ase, ná okũkũ teneneefoɛ.

Edwein 7:13

Wasiesie ye akodeɛ suronyisuronyi ne, na wasiesie ye agyaen mmakaa bɔ ogye see ne.

Yesaya 42:25

Ye sɔ ne ati, ɔmane ye ahone huli Yisrael so paa, na ɔmane koɛ piri paa tole ye. Ye ahonehulɛ ne, ogyele kyɛ see fale ye nwo amu, nakoso wande ye bo, ɔyerale ye, nakoso wanzua nworɛ wamvi nu.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yesaya 63:6

Me yaafɛlɛ nu yeɛ ndiatiale maen maen mɔ so ɔ, m’ahonehulɛ nu yeɛ mmaa bɛbole nzaa ɔ, na nhwiele bɛ mogya nguale aseɛ so.”

Yeremia 10:20

Me tena sua ne asɛkye, na me nyamaa amukoraa nu atete. Me mma mɔ bayakyi me berɛ bahɔ, na bɛnne wa ko. Ebiala nne berɛ bɔ okosa kɔpagya me tena sua ne kosie berɛ, ná wasa wasinze me mbɛmuɛ tena nemɔ ɔ.

Yeremia 21:12

Ao Dawide awuro ama! Bɔ AWURADE kã ɛhe: Ɛ́mɔbua ndɛen turoloo ngyerɛmɔ, na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu, wanyɔ sɔ a, m’ahone kohu kyɛ see, na okogye bɔ ebiala ngɔhora ye nua ɔ, ɔnate ɛmɔ bɔne yɔleɛ nemɔ ati.’ ”

Yeremia 21:5

Me bɔbɔ nne ɛyaa, ahonehulɛ ne anyeborolɛ ngɔfa tumi asaa ne anwoserɛ asaa ngɔho ngotia ɛmɔ.

Yeremia 30:14

Wɔ dɔfo amukoraa bɛ wora afi wɔ; bɛmbena wɔ si atee, ofikyɛ mapura wɔ kyɛbɔ pɔfoɛ kopura wɔ ɔ; yeɛ mahwe wɔ so kyɛbɔ atianuserɛniɛ kɔhwe wɔ so ɔ, ofikyɛ w’amumuyɛɛ sone pee, yeɛ wɔ bɔne ayɛ buburugyaa.

Yeremia 36:7

Ebiaa bɛkɔfa bɛ sufrɛ bɛkɔto AWURADE nyunu, na bɛ nu biala kɔsakyera ye adwene kofi ye bɔne atee nwo, ofikyɛ AWURADE ɛyaafɛlɛ ne ahonehulɛ bɔ wahã kyɛ ɔkɔmaa ɔkɔwa maen he aso ne, ɔte piri.”

Yeremia 4:4

Ao Yudafoɛ ne Yerusalemfoɛ, odi kyɛ ɛmɔye ɛmɔ ahone nwo bɔne ndwirahoɛ ne wɔ AWURADE nyunu, kyɛbɔ bɛpɛ sona ye bienzua ɔ, Wanyɛ sɔ a, m’ahone kohu kyɛ see, na okogye alaa bɔ ebiala ngɔhora ye nua ɔ, ɔnate ɛmɔ bɔne yɔleɛ ne ati.

Yeremia 42:18

“Ofikyɛ Asafo AWURADE, Yisrael Nyameɛ nwa nyoo: Kyɛbɔ me yaafɛlɛ ne m’ahonehulɛ wale Yerusalemfoɛ so ne, sɔ ala yeɛ sɛ ɛmɔkɔ Misraim a, m’ahonehulɛ kɔwa ɛmɔ so ɔ. Ɛmɔkɔkakyi musue nikye, anwodwiri nikye, ɛnomalɛ nikye ne ngorohoɛ nikye; na ɛmɔ nye ngonwu wa ko.

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Awuye 1:13

“Wasoma see wafi anwuro maa waawura me mmowue nu, na ɔyerayera nu; wasua me gya ngaen, wamaa masa me si, wamaa waha me ngome oo, na meyɛ hodwoo daa biala.

Awuye 2:5

AWURADE akakyi kyɛ pɔfoɛ, wasɛkye Yisrael. Wasɛkye ye ahemvie mɔ amukoraa, wasɛkye ye anwoserɛ afealeɛ mɔ, na wamaa esuɛ ne awuyebɔlɛ basone wɔ Yuda awa brasua ne anu.

Awuye 3:3

Amba, me ngome yeɛ watu ye nye wasie me so ɔ, na ɔfa ye sa ogyina me nwo daa biala.

Awuye 4:1

Nea, kyɛbɔ esikaa kɔkorɛ wasi wapini ɔ! Kyɛbɔ esikaa kɔkorɛ paa wasi wakakyi ɔ! Bato nekaa krongron berɛ nyɔboɛ nemɔ bapanzam wɔ borɔnoɛ biala ngwandaa.

Awuye 4:11

AWURADE ala ye ɛyaafɛlɛ ali wayie, wama ye ahone ahu kandinga paa. Yeɛ wasɔ see wɔ Sion, maa wayera ye fapem nemɔ.

Hesekiel 13:13

Yiti AWURADE Nyameɛ nwa nyoo: M’ahone kohu maa ngɔma mvrama piri kotu; yeɛ ngɔfɛ yaa ngɔma esue piri kɔtɔ, na m’ahone kohu maa asukɔtwea kungumaboɔ mbiri mbiri kɔsɛkye ye.

Hesekiel 20:34

Ngɔye ɛmɔ ngofi maen maen mɔ nu, ná maboaboa ɛmɔ noa mafi aseɛ mɔ bɔ mamaa ɛmɔabɔ aya bahɔ so ne aso, na tumi piri ne tumi asaa ne ahonehulɛ so yeɛ ngɔyɔ sɔ ɔ.

Hesekiel 22:22

Na kyɛbɔ behuro ɛdwetɛ wɔ afaa nu ne, sɔ ala yeɛ ɛmɔkohuro wɔ nu ɔ; na ɛmɔkonwu kyɛ me, AWURADE yeɛ m’ahone ahu ɛmɔ so serɛserɛ ɔ.’ ”

Hesekiel 24:25

“Na wɔ, Sona awa, kyẽa bɔ ngole ɛhemɔ ngofi bɛ sa nu ne: anwoserɛ, b’animnyam nwo anika, bɔ bɛ nye gye ye nwo, bɔ ɔla b’ahone nwo, yeɛ bɛ mma mmienzua ne bɛ mma mmrasua ne,

Hesekiel 36:18

Na mogya bɔ bɛhã beguale aseɛ ne aso, ɔne mmosoen bɔ bafa bagua ye nwo fiɛ ne ati, m’ahone huli bɛ so paa.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Hesekiel 6:12

Bɔ ɔwɔ dedeede ne, ewue anwonyerɛ yeɛ okohũ ye ɔ; bɔ opingye ne, ngrandɛ noa yeɛ ɔkɔtɔ ɔ; na bɔ waha bɔ mamaa wanya ye ti wadidi nu ne, ɛhɔen yeɛ ɔkɔmaa okowu ɔ. Sɔ yeɛ me yaafɛlɛ ne kɔyɔ bɛ nwo adwuma koyie ɔ.

Hesekiel 7:14

“Bahu totorobɛndo ne basiesie nikyee biala yé de, nakoso ebiala ngɔhɔ koɛ, ofikyɛ m’ahone ahu b’anwonya ne amukoraa so.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Nahum 1:2

Nyameɛ ɔtwe nungunɛ, na ɔte AWURADE bɔ ɔtɔ wereɛ ɔ. AWURADE tɔ wereɛ, na ye yaafɛlɛ te piri; AWURADE tɔ bɛ bɔ bekyi ye ɔ so wereɛ, na ye ahonehulɛ wɔ berɛ ma ye pɔfoɛ mɔ.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.

1 Samuel 28:16

Na Samuel bisale kyɛ, “Nzu ati yeɛ ebisa me bɔ odi kyɛ ɛyɔ ɔ, wɔ aberɛ bɔ ɛse kyɛ AWURADE ayakyi wɔ nu, ná wayɛ wɔ pɔfoɛ ɔ?