Awuye 2:2 - AHYERƐLƐ KRONGRON

² AWURADE asɛkye Yakob atenaleɛ amukoraa, na wannwu bɛ anwumvoin. Ye yaafɛlɛ nu, wadwiri Yuda awa brasua n’anwoserɛ afealeɛ mɔ wagua ase. Wahã bɛ wagua ase, wagua ahennie ne, ɔne nu mbanyi mɔ nwo fiɛ.

Awuye 2:2 Iomraidhean Croise

YOB NWOMAA NE 2:3

Yeɛ AWURADE bisale Satan kyɛ, “Aso asusu m’akoaa Yob nwo? Kyɛ sona biala nne berɛ bɔ ɔte kyɛ ye ɔ wɔ aseɛ so; kyɛ ɔte sona bɔ ye bra te sannwuu, ná ɔtengyɛ ɔ; kyɛ osuro Nyameɛ, na ɔtwe ye nwo fi bɔne nwo ɔ?” Ɔtɛ gyi ye gya nu wɔ ye nahorɛlilɛ nu, ɔwɔ nu kyɛ awurawura me amaa mafa ye nwo dwirɛ, kyɛ mbrapra amaneɛ ngua ye so wɔ aberɛ bɔ ɔyyɔle bɔne biala ɔ.”

Edwein 21:9

Sɛ ɛye wɔ nwo ali a, ɛkɔmaa bɛkɔyɛ kyɛ foonoo nu see. AWURADE kohũhũ bɛ wɔ ye yaafɛlɛ ne anu, na see kɔyera bɛ.

Edwein 74:7

Bato wɔ nekaa krongron ne anu see; bafa efiɛ bahã wɔ dumaa krongron atenaleɛ ne, na badwiri bagua ase.

Yesaya 22:5

Ofikyɛ ɔte Asafo AWURADE ye kyẽa, bɔ ɔte amaneɛnwunɛ, ahunundetelɛ ne anyesotanɛ, wɔ Nyekyire Bɔnza ne anu, kyẽa bɔ bedwiri fasue mɔ begua, bɔ bɛbɔ awuye besu bɛfrɛ mmokaa mɔ ɔ.

Yesaya 23:9

Asafo AWURADE yeɛ wayɔ sɔ nhyehyɛleɛ ne ɔ, kyɛ ɔkɔma animnyam amukoraa b’anwomasoɛ nyunu kogua ase, kyɛ ɔkɔbrɛ aseɛ so atitirefoɛ amukoraa ase.

Yesaya 25:12

Na wɔ fasue ndendenn pindinn nemɔ, okobu kogua, na okodwiri ye kogua ase kogua mvuture nu.

Yesaya 26:5

Ofikyɛ ɔbrɛ bɛ bɔ betira tumi ɔ ase, kuro bɔ babɔ ye nwo waen pambee ne, ɔbrɛ ye ase, odwiri ye gua ase, obu ye gua mvuture nu.

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 43:28

Yiti, magua nekaa krongron berɛ mbanyi nemɔ nyunu ase, maye Yakob mama kyɛ musue ɔto ye, yeɛ maye Yisrael mama kyɛ bɛgoro ye nwo.

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Yeremia 13:14

Na ngɔkekã bɛ ti ngɔbobɔ nu, seɛ mɔ ne mmaa mɔ po, AWURADE noa dwirɛ ɛne. Mengonwu bɛ anwumvoin, mengɔma bengonya bɛ ti bengodidi nu, yeɛ me kunu ngɔtete me ngɔma bɛ, na mmom ngohũhũ bɛ.’ ”

Yeremia 19:15

“Bɔ Asafo AWURADE Yisrael Nyameɛ kã ɛhe: Tie, musue bɔ ngane kyɛ ngɔprapra ngogua kuro ye ne ye nwo nguro amukoraa so ne, ngɔmaa ɔkɔwa bɛ so, ɔnate kyɛ basoa bɛ kɔme so kyeinn bɔ bandie me dwirɛ ɔ.”

Yeremia 21:7

Ye si ye, AWURADE nwa nyoo: Yuda hene Sedekia, ye somvoɛ mɔ, maen ne, yeɛ kuro ye aso ama bɔ bekonya bɛ ti bekodidi nu bekofi ewue anwonyerɛ ne anu, ngrandɛ noa, ɔne ɛhɔen ne anu ne, ngɔfa bɛ ngowura Babilɔn hene Nebukadenesa sa, bɛ pɔfoɛ mɔ sa ne mmenia bɔ bɛpena bɛ beku bɛ nemɔ sa. Na ɔkɔfa ngrandɛ kohũhũ bɛ. Ɔngɔyakyi bɛ, ongonwu bɛ anwumvoin, yeɛ bɛ nwo ngɔyɛ ye aworabɔ.’

Yeremia 5:10

“Ɛ́mɔfo bɛhɔ ye bobe boo nemɔ anu bɛɛsɛkye bɛ, nakoso nnɛma ɛmɔsɛkye ye mukoraa bɔkɔɔ; ɛ́mɔpomba ye maen nemɔ, ofikyɛ nna AWURADE deɛ ɔ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 2:21

Ngwadaa ne mbanyi, bɛlela aseɛnwo wɔ dwaa nemɔ aso. Me ndaluwa mɔ ne me mmerandeɛ mɔ, batotɔ ngrandɛ noa. Ahũhũ bɛ wɔ wɔ yaafɛlɛ kyẽa ne anu; ahũhũ bɛ, na annwu bɛ anwumvoin.

Awuye 2:5

AWURADE akakyi kyɛ pɔfoɛ, wasɛkye Yisrael. Wasɛkye ye ahemvie mɔ amukoraa, wasɛkye ye anwoserɛ afealeɛ mɔ, na wamaa esuɛ ne awuyebɔlɛ basone wɔ Yuda awa brasua ne anu.

Awuye 3:43

Afa ɛyaafɛlɛ amundu wɔ nwo, na atane yɛ nye: ahũhũ bɔ annwu anwumvoin ɔ.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 7:4

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE.

Hesekiel 7:9

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE bɔ metwe asoɛ ɔ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Mika 5:14

Ngotutu w’Asera dosii nemɔ abo ngofi wɔ nu, na ngɔbɔ wɔ nguro nemɔ pasaa.

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Mateo 18:33

Aso onni kyɛ ahaa wɔ koso enwu ebiɛngo akoaa anwumvoin kyɛbɔ nwuni wɔ anwumvoin ne anaa?’

2 Korintofoɛ 10:4

Ofikyɛ y’akodeɛ bɔ yɛfa yɛko ne ɔtte anwoɔnaen nu akodeɛ, na mmom ɔte Nyameɛ tumi akodeɛ bɔ yɛfa yɛdwiri anwoserɛ afealeɛ mɔ yɛgua ɔ.

Deuteronomi 28:52

Ɔkɔha wɔ komia wɔ wɔ nguro ne amukoraati nu, kɔpem kyɛ wɔ fasue pindinn ndendenn ndendenn, bɔ afa wɔ nye ato so ne kodwiri kogua wɔ w’aseɛ ne amukoraati so ɔ. Ɔkɔha wɔ komia wɔ wɔ nguro ne amukoraati nu, wɔ w’aseɛ amukoraati bɔ AWURADE wɔ Nyameɛ wafa wama wɔ ne aso.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.