Biblia Todo Logo
Bìoball air-loidhne

- Sanasan -




Awuye 2:11 - AHYERƐLƐ KRONGRON

11 Ɛmoen ama me nye ayie bɔ, me kunu tete me. ‘Aworabɔlɛ atira me ɔnate me maen awa brasua bɔ basɛkye ye ne ati, ofikyɛ ngwadaa ne nnɔma mɔ bɛ nye so aburu bɛ wɔ kuro berɛ dwaa nemɔ aso.

Faic an caibideil Dèan lethbhreac




Awuye 2:11
26 Iomraidhean Croise  

Ye agyaentolɛfoɛ bapɛ me nwo bayia, ɔpakyepakye me saa nu bɔ onnwu me anwumvoin ɔ, na otu m’abɔwee gua ase.


Me kunu tete me, na ɔnyakyi; daa biala, m’amaneɛ toatoa so.


Manea wɔ bɔhyɛ ate alaa ama me nye ayɛ samoo, na mebisa kyɛ, “Kyinzu yeɛ ɛkɔkyekye me wora ɔ?”


Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.


Ao AWURADE, nwu me anwumvoin, ofikyɛ edwirɛ ato me; Aworabɔlɛ ama me nye ayɛ wusiwusi, na aworabɔlɛ amaa me kra ne me nipadua baboto.


Me nwo ayɛ me bɛtɛɛ, yeɛ mayɛ hodwoo; mepene, ɔnate aworabɔlɛ bɔ medi ne ati.


Aworabɔlɛ ama me nye ayɛ samɔnn, na ɔnate me pɔfoɛ amukoraa bɛ ti, me nye ayɛ musinamusina.


Masu dee mayɛ mmerɛ; me komvi ayɛ wosee. Manea me Nyameɛ ate alaa ama me nye ape atee bo.


Yiti yeɛ ngane kyɛ, “Ɛ́mɔyakyi me, ɛ́mɔma nzu hahii, nnɛma ɛmɔha bɛ nwo kyɛ ɛmɔkɔkyekye me wora wɔ edwirɛ piri bɔ wato me maen awa brasua ne anwo.”


Mesu meteatea nu kyɛ nandwinoma anaa bɔlanoma, mepene kyɛ abubure. Mepagya me nye menea anwuro toonn ma me nye mmaa yɛ mmosonoo. O AWURADE, mali amia, pepɛ de me!


Wɔ mma mɔ bɛ nye so aburu bɛ, beguagua mmorɔnoɛ mukoraa ngwandaa kyɛ kɛtɛbɔɔ bɔ owura ngaen nu ɔ, AWURADE ahone ahu bɛ so paa, wɔ Nyameɛ ahwi bɛ nyunu paa.


“Yiti kã sɔ dwirɛ he kyire bɛ: ‘Ma me nye ɔporo moen kɔngɔen ne eyia, nnɛma ye bo pɛ; ofikyɛ me maen awa brasua ababunu ne, babɔ ye bato ase buramm; bapura ye piri paa.


Me kunu tete me, me kunu tete me! Ahunundetelɛ atɔ me so. M’ahone yɛ me hwimhwim. Mengora me noa kã to nu; ofikyɛ mete totorobɛndohulɛ nga, mete koɛ nga.


Na afei, AWURADE Asafo Nyameɛ, Yisrael Nyameɛ bisa kyɛ: Nzu ati yeɛ ɛmɔyɔ bɔne piri he betia ɛmɔ kra, bɔ ɛmɔnua mmienzua ne mmrasua bɛ boso, yeɛ nnɔma ne ngwadaa bɛ boso befi Yuda, bɔ ɛmɔ nu ko po wanga ye?


Tie, me maen awa brasua ye sufrɛ fi aseɛ ne ti kɔkã ye ti kyɛ, ‘Aso AWURADE nne Sion anaa? Aso ye Hene ne, ɔnne kuro ne anu anaa?’ “Nzu ati yeɛ bafa b’amoen nemɔ ne amaenmaenso mmosoen bawura me apue ye?”


Ye mmenia amukoraa bedi yealɛ, bɛpena aleɛ; bafa bɛ nningyein nyemenenyemene ne basesã aleɛ bama bɛ kra nwo atɔ ye. “Ao AWURADE, nea ná nwu ye, ofikyɛ bebu me animtia.”


“Sɔ nningyein nemɔ ati yeɛ mesu ye; me nye moen poro nzue, ofikyɛ aworakyekyerɛniɛ bɔ odi kyɛ ɔkyekye me kra wora ne, ɔwɔ dedeede.” Waha me mma mɔ angome oo, ofikyɛ pɔfoɛ ne ali ngonim.


“Ao AWURADE, nea, na edwirɛ ato me, me kunu tete me; me wora abɔ, ofikyɛ mayɛ ɛlɔen kandinga paa. Ngrandɛ ne kũkũ me mma wɔ dwaaso, yeɛ ewue koso kũkũ bɛ wɔ awuro.


Ɔnate ɛhe ati, yɛ wora abɔ. Ɛhemɔ ati, yɛ nye ayɛ musinamusina.


Na ɛ́mɔtie, mmerɛ bie ɔ́ba, bɔ bɛkɔhã kyɛ, ‘Mmotaen mɔ, yeɛ koɛ mɔ bɔ banwo ba koraa, ɔne nyɔfone mɔ bɔ bɛnnone bɛ le ne, banya saleɛ!’


Yiti Dawide ne mmenia bɔ bɛboka ye so ne betikyele esuɛ nu, na besuni toonn mane b’anwoserɛ bɔ bɛfa besu ne yiele.


Lean sinn:

Sanasan


Sanasan