Awuye 2:1 - AHYERƐLƐ KRONGRON

¹ Nea kyɛbɔ AWURADE ole yaa, wafa munungum wamundu Sion awa brasua ne aso ɔ! ná wagyi Yisrael anwonyemene wafi nyameɛso waato ase, bɔ wangaye ye gya bo ndiasoɛ, wɔ ye ɛyaafɛlɛ kyẽa ne anu ɔ.

Awuye 2:1 Iomraidhean Croise

2 Samuel 1:19

“O Yisrael, w’animnyam mɔ yeɛ bahu bɛ bagua asɔneyɛɛ mɔ so dɔ ye! Yieee, katakyie mɔ baho batɔ!

1 Aberɛso Dwirɛ 28:2

Na Nana Dawide dwɔso gyinane sele kyɛ, “Nniɛma mɔ ne me maen, ɛ́mɔtie. Nyɛle m’adwene kyɛ ngosi sua bɔ ɔkɔyɛ nekaa bɔ AWURADE apam alaka ne okole ye nwome, bɔ ɔkɔyɛ yɛ Nyameɛ gya bo ndiasoɛ ɔ. Na mbenane suasilɛ nwo nningyein nguale berɛ.

Edwein 132:7

“Ɛ́mɔma yɛhɔ ye atenaleɛ berɛ; ɛ́mɔma yɛsɔne wɔ ye gya bo ndiasoɛ ne anyunu.”

Edwein 89:45

Apɛ ye animnyam mmerɛ so; yeɛ amaa animguaseɛ abia ye. Sela

Edwein 99:5

Ɛ́mɔkamvo AWURADE yɛ Nyameɛ ne, ɛ́mɔsɔne wɔ ye gya bo ndiasoɛ ne anwo, ofikyɛ ɔte krongron!

Yesaya 64:11

Yɛ awuro krongron nyemenenyemene bɔ yɛ nana mɔ bɛyele wɔ ayɛ wɔ nu ne, bafa see bayera ye, yeɛ nningyein bɔ bɛla yɛ ahone nwo ne amukoraa, bayɛ basaa.

Yeremia 30:14

Wɔ dɔfo amukoraa bɛ wora afi wɔ; bɛmbena wɔ si atee, ofikyɛ mapura wɔ kyɛbɔ pɔfoɛ kopura wɔ ɔ; yeɛ mahwe wɔ so kyɛbɔ atianuserɛniɛ kɔhwe wɔ so ɔ, ofikyɛ w’amumuyɛɛ sone pee, yeɛ wɔ bɔne ayɛ buburugyaa.

Awuye 1:1

Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Awuye 1:12

“Ɛmɔ bɔ ɛmɔpɛ nu wa amukoraa, aso ɔmva ɛmɔ nwo? Ɛ́mɔnea ná ɛ́mɔnwu ye, sɛ aworabɔlɛ bie wɔ berɛ, bɔ ɔte kyɛ m’aworabɔlɛ bɔ wato me ye, bɔ AWURADE aprapra wagua me so, wɔ ye yaafɛlɛ piri kyẽa ne anu ye.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 4:1

Nea, kyɛbɔ esikaa kɔkorɛ wasi wapini ɔ! Kyɛbɔ esikaa kɔkorɛ paa wasi wakakyi ɔ! Bato nekaa krongron berɛ nyɔboɛ nemɔ bapanzam wɔ borɔnoɛ biala ngwandaa.

Awuye 4:11

AWURADE ala ye ɛyaafɛlɛ ali wayie, wama ye ahone ahu kandinga paa. Yeɛ wasɔ see wɔ Sion, maa wayera ye fapem nemɔ.

Hesekiel 13:13

Yiti AWURADE Nyameɛ nwa nyoo: M’ahone kohu maa ngɔma mvrama piri kotu; yeɛ ngɔfɛ yaa ngɔma esue piri kɔtɔ, na m’ahone kohu maa asukɔtwea kungumaboɔ mbiri mbiri kɔsɛkye ye.

Hesekiel 19:12

Nakoso betutuli bobe bakaa ne abo anyeborolɛ so, na begyili ye bɛtole ase. Eyia afiteleɛ mvrama kesene ye mma nemɔ, ye mmaen serɛserɛ nemɔ wuli, na see yerale bɛ.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hesekiel 30:18

Tehafenese koso, alehyeleɛ kɔkakyi awosii, wɔ mmerɛ bɔ ngɔsɛkye Misraim tumi wɔ berɛ ne; na ye anwomasoɛ anwoserɛ ne, ɔkɔwa ayieleɛ, na munungum kɔkata ye so, na bɛkɔhye ye mma mmrasua mɔ nnure bɛkɔhɔ.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Mateo 11:23

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu. Ofikyɛ, nnwumaa mbiri mbiri bɔ bɛyɔle bɛ wɔ wɔ nu ne, sɛ bɛyɔle bɛ wɔ Sodom a, ahaa ɔtɛwɔ berɛ maa waadwu ɛnɛ.

Luka 10:15

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu.

Luka 10:18

Na osele bɛ kyɛ, “Nwuni Satan kyɛ ofi nyameɛso waatɔ ase kyɛ agralaa ɔ.

1 Samuel 4:21

Ɔtole akwadaa ne dumaa Yikabode, bɔ ye bo kyire: “Animnyam ne atu afi Yisrael.” Ɔnate kyɛ, né bale Nyameɛ apam alaka ne bahɔ, yeɛ afei né ye sia ne ohu koso bawu.

1 Samuel 4:22

Na osele kyɛ, “Animnyam ne atu afi Yisrael, ofikyɛ bale Nyameɛ apam alaka ne bahɔ”.