Awuye 1:8 - AHYERƐLƐ KRONGRON

⁸ Yerusalem ayɔ bɔne paa, yiti ye nwo agua fiɛ. Bɛ bɔ né bebu ye ne amukoraa, bebu ye animtia, ofikyɛ banwu ye nwo; amba ye bɔbɔ deinn ogua anwongokoɔ, na wakakyi ye si.

Awuye 1:8 Iomraidhean Croise

Gyenesise 3:7

Afei bɛ munyɔ bɛ nye wale bɛ nwo so, na benwuni kyɛ bɛ nwo lela so; yiti bɛpale borɔdoma nyaa bɛfa bɛkatale bɛ nwo.

1 Ahemvo 9:6

“Nakoso sɛ ɛmɔyakyi me si lilɛ, kyɛ ɛmɔ oo, kyɛ ɛmɔ bosofoɛ oo, ná ɛmɔanni me mmeraa dwirɛ ne m’ahyɛdeɛ bɔ mafa mama ɛmɔ ne aso, ná mmom ɛmɔkɔso nyameɛ foforɛ biemɔ bɛsɔne bɛ a,

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

1 Ahemvo 9:9

Na bekobua kyɛ, ‘AWURADE bɛ Nyameɛ bɔ ɔyele bɛ nana mɔ fili Misraim aseɛ so wale ne, bapo ye baali nyameɛ foforɛ biemɔ asi baso bɛ basɔne bɛ. Ɔnate sɔ ti yeɛ AWURADE ama amaneɛ kandinga ye ato bɛ ye.’ ”

Yesaya 47:3

Wɔ nwo kɔla so, na bekonwu w’animguaseɛ. Ngɔtɔ wereɛ, na mengonwu sona biala anwumvoin.

Yeremia 13:22

Na sɛ ɛkã ye wɔ wɔ ti anu kyɛ, ‘Nzu ati yeɛ ɛhemɔ atoto me e?’ a, ɔnate w’amumuyɛɛ piri ne ati yeɛ wɔ nwo apa ma wɔ nziaseɛ nwo ala berɛ ɔ, ná baye wɔ gya bagua ase ye.

Yeremia 13:26

Me bɔbɔ ngɔpagya wɔ nziaseɛ ne ngɔfa ngomundu wɔ nyunu, na bekonwu wɔ animguaseɛ ne.

Yeremia 15:4

Na ngɔma aseɛ ye aso ahennie amukoraa bɛ nwo kodwiri bɛ wɔ bɛ nwo, ɔnate bɔ Yuda hene Hesekia awa Manase ɔyɔle ye wɔ Yerusalem ne ati.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Yeremia 34:17

Yiti AWURADE nwa nyoo: Ɛmɔandie me dwirɛ, na ebiala wamma oliɛma ne obiɛngo bannya bɛ fawɔnwodi. Nzaade AWURADE noa dwirɛ ɛhe: Ɛ́mɔtie, me koso fawɔnwodi he yeɛ mefa mema ɛmɔ ɔ, kyɛ ngɔma ngrandɛ, ewue anwonyerɛ ne ɛhɔen kɔwa ɛmɔ so ɔ. Na ngɔmaa ɛmɔkɔyɛ anwodwiri nikyee wɔ aseɛ so ahennie amukoraa nu.

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Awuye 1:11

Ye mmenia amukoraa bedi yealɛ, bɛpena aleɛ; bafa bɛ nningyein nyemenenyemene ne basesã aleɛ bama bɛ kra nwo atɔ ye. “Ao AWURADE, nea ná nwu ye, ofikyɛ bebu me animtia.”

Awuye 1:17

Sion atrɛtrɛ ye sa nu, na olle ebiala maa ɔngyekye ye wora. AWURADE ama Yakob nwo ahyɛdeɛ, kyɛ ye pɔfoɛ mɔ bɛpɛ ye nwo beyia. Yerusalem akakyi kyɛ nikyee bɔ ye nwo nde ɔ wɔ bɛ nu.

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Awuye 4:21

Ao Edom awa brasua, wɔ bɔ ɛte Yuse aseɛ so ɔ, di ahurusi, ná ma wɔ nye gye. Nakoso, wɔ koso, kulie ne kɔpɛ nu kɔwa wɔ so, ɛkɔbo, na ɛkɔye wɔ nwo kɔto so.

Hesekiel 23:29

Bɛkɔfa ɛpɔen so yeɛ bɛ ne wɔ koli ɔ, bɔ afɛ anya ye ne, bɛkɔfa ye mukoraa bɛkɔhɔ, bɛkɔyakyi wɔ berɛ kwaterekwa bɔ wɔ nwo la so ɔ, na wɔ gyandera adagya ne nwo kɔla so, wɔ nyanzoen ne wɔ gyandera ne.

Hesekiel 23:46

“Na AWURADE Nyameɛ nwa nyoo: Ngɔfa ɛlɔen ngɔhɔ bɛ so, na ngɔmaa bɛkɔteetee bɛ, ná bafẽ bɛ nningyein.

Hesekiel 39:23

Na maen maen mɔ konwu kyɛ Yisrael awuro ama b’amumuyɛɛ ti yeɛ ɔmaa bɛhyele bɛ nnure bɛhɔle ɔ: banni nahorɛ bamma me, yiti mvale me nyunu mveale bɛ, na mvale bɛ nwurale bɛ pɔfoɛ mɔ sa, na bɛ mukoraa bɛtotɔle ngrandɛ noa.

Hosea 2:10

Na afei ngɔla ye nyanzoen bra ne ali wɔ ye kurofoɛ nemɔ nyunu, na ebiala ngɔpepɛ ngole ye ngofi me sa nu.

Hosea 2:3

Wamma ye sɔ a, ngɔpa ye nwo maa ye nwo kɔla so kyɛ kyẽa bɔ bɛwole ye ɔ; ngɔmaa ɔkɔyɛ kyɛ aseɛ pralaa so, ná wayɛ kyɛ aseɛ katerepee, na ngɔmaa nzuhɔen kohũ ye maa okowu.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.