Awuye 1:6 - AHYERƐLƐ KRONGRON

⁶ Sion awa brasua ne, ye anwonyemene amukoraa atu amini; ye atitire mɔ bayɛ kyɛ dabɔɔ bɔ bennya aleɛ benni ɔ, na banwati bɔ b’anwoserɛ ayie, wɔ bɛ bɔ bɛfoa bɛ nemɔ bɛ nyunu.

Awuye 1:6 Iomraidhean Croise

2 Ahemvo 19:21

Edwirɛ bɔ AWURADE ahã afa ye nwo ɛhe: ‘Sion awa brasua bɔ onnwuni biaa le ne, obu wɔ animtia, yeɛ ɔgoro wɔ nwo; Yerusalem awa brasua ne, ɔsere ɔbɔ wɔ tutue di wɔ si.

2 Ahemvo 25:4

Na Babilɔnfoɛ ɛlɔen ne bɛbɔngyele kuro berɛ fasue ne anu tokuro. Ɔwɔ nu kyɛ né Babilɔn ɛlɔen ne bapɛ kuro ne anwo bayia de, nakoso kɔngɔen, Nana Sedekia ne ye koɛhonɛfoɛ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu bɛhɔle. Pambim ne pingye Nana Sedekia turo ne. Bɛfale bɛ nye behyirele asue Yɔɔdan bɔnza ne anu dɔ.

2 Ahemvo 25:5

Nakoso Babilɔn koɛhonɛfoɛ ne, bɛpole Nana Sedekia so bɛɛtole ye wɔ Yeriko aseɛ frɛtɛɛ ne aso, na ye koɛhonɛfoɛ nemɔ amukoraa bɛbɔle aya bɛyakyili ye nu.

Edwein 50:2

Sion bɔ ye anwonyemene di mu ne, Nyameɛ ta hyireinn fi berɛ.

Edwein 96:9

Ɛ́mɔsɔne AWURADE wɔ animnyam krongron nu, aseɛ so ama amukoraa, ɛ́mɔsuro AWURADE.

Yesaya 1:21

Kuro bɔ né odi nahorɛ ne, nea kyɛbɔ wasi wakakyi gyanderaniɛ ɔ! Ye bɔ ahaa né pɛpɛɛpɛyɛlɛ wayi ye nu tɛkyɛ ne, bɔ ahaa né ɔte tenenee kuro ne, afei de kodiawufoɛ yeɛ bɛwɔ nu ɔ!

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Yeremia 13:18

Kã kyire ɛhene ne ɛhemmaa ne kyɛ, “Ɛ́mɔbrɛ ɛmɔ nwo ase, ɛ́mɔtena ase, ofikyɛ ɛmɔ ahennie ne kɔtɔ ase, ɛmɔ animnyam ahennie abotire nyemene ne, ɔkɔtɔ ase.”

Yeremia 29:4

“Mmenia amukoraa bɔ mamaa bahye bɛ nnure bafi Yerusalem bahɔ Babilɔn ne, bɔ Asafo AWURADE, Yisrael Nyameɛ kã kyire bɛ ɛhe:

Yeremia 47:3

Ye mbɔngɔ anwoserɛfoɛ nemɔ, bɛ gya bɔ bɛfa bɛpempem berɛ kum kum kum kum ne, yeɛ ye teaseɛnam mɔ bɔ bɛkɔ hwii ne, ɔne bɛ gya bɔ ɔyɛ kunguronn kunguronn ne, ɔngɔma seɛ mɔ bɛngɔpɛne bɛ nye bɛngɔnea bɛ mma mɔ. B’abasa nu ayɛ hodwoo,

Yeremia 48:41

Bali Keriote so ngonim, yeɛ bale anwoserɛ afealeɛ nemɔ, na sɔ kyẽa ne, Moabo anwoserɛfoɛ bɛ kra kɔnwati kofi bɛ nwo, kyɛ brasua bɔ wafo aworɛ so ɔ ye deɛ.

Yeremia 52:11

Babilɔn hene tutuli Sedekia nye, oguale ye ngɔnzɔngɔnzɔ fale ye hɔle Babilɔn, na ɔfale Sedekia tole kuku nu alaa kɔpem kyẽa bɔ Sedekia wuli ɔ.

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hesekiel 24:25

“Na wɔ, Sona awa, kyẽa bɔ ngole ɛhemɔ ngofi bɛ sa nu ne: anwoserɛ, b’animnyam nwo anika, bɔ bɛ nye gye ye nwo, bɔ ɔla b’ahone nwo, yeɛ bɛ mma mmienzua ne bɛ mma mmrasua ne,

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.