Awuye 1:5 - AHYERƐLƐ KRONGRON

⁵ Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Awuye 1:5 Iomraidhean Croise

2 Ahemvo 21:15

Ofikyɛ ofi mmerɛ bɔ bɛ nana mɔ fili Misraim bɛwale bɔ ɔbaadwu ɛnɛ ɔ, bayɔ bɔ ɔte bɔne wɔ me nyunu ɔ, na bafa bahu m’ahone.”

Edwein 80:6

Maen maen bɔ bapɛ yɛ nwo bayia ne, amaa bedi yɛ nwo apereapereɛ, na yɛ pɔfoɛ mɔ bɛsere yɛ.

Edwein 89:42

Ama bɛ bɔ bɛhyɛ ye so ne bali ye so ngonim, ama ye pɔfoɛ amukoraa bali ahurusi.

Yesaya 22:5

Ofikyɛ ɔte Asafo AWURADE ye kyẽa, bɔ ɔte amaneɛnwunɛ, ahunundetelɛ ne anyesotanɛ, wɔ Nyekyire Bɔnza ne anu, kyẽa bɔ bedwiri fasue mɔ begua, bɔ bɛbɔ awuye besu bɛfrɛ mmokaa mɔ ɔ.

Yesaya 63:18

Wɔ maen krongron ne, onyane w’agyapadeɛ ne mmerɛ kãa bie, nakoso yɛ pɔfoɛ mɔ bahwi bafa wɔ nekaa krongron ne aso.

Yeremia 10:20

Me tena sua ne asɛkye, na me nyamaa amukoraa nu atete. Me mma mɔ bayakyi me berɛ bahɔ, na bɛnne wa ko. Ebiala nne berɛ bɔ okosa kɔpagya me tena sua ne kosie berɛ, ná wasa wasinze me mbɛmuɛ tena nemɔ ɔ.

Yeremia 12:7

“M’awuro ne, mapo ye; m’agyapadeɛ ne, mayakyi ye si lilɛ. Me kra ye dɔfo ne, mafa ye mawura ye pɔfoɛ mɔ sa.

Yeremia 23:14

Yeɛ Yerusalem ngɔmhyɛlɛfoɛ nwo koso, manwu nikyee bie bɔ ɔte anwodwiri ɔ: bɛsɛkye agyaa, yeɛ bɛpɛ ngondombo; bɛhyɛ bɔnefoɛ nguraen, maa ɔnate so ebiala ɔnzakyera mvi ye bɔne nwo; bɛ mukoraa bayɛ me nye so kyɛ Sodom; na nu ama koso bayɛ kyɛ Gomora.

Yeremia 39:9

Yeɛ awɛmvoɛ nemɔ aso safohene Nebusaradan, ɔhyele mmenia ngaa bɔ baha kuro berɛ ne, bɛ bɔ bɛfale bɛ nwo bɛɛmane ye ne, yeɛ maen ne anu ama ngaa ne nnure hɔle Babilɔn.

Yeremia 5:29

Aso onni kyɛ metwe bɛ so wɔ sɔ nningyein hemɔ nwo anaa? AWURADE noa dwirɛ ɛne. Na maen bɔ ɔte sɔaa, onni kyɛ metɔ bɛ so wereɛ anaa?”

Awuye 1:16

“Sɔ nningyein nemɔ ati yeɛ mesu ye; me nye moen poro nzue, ofikyɛ aworakyekyerɛniɛ bɔ odi kyɛ ɔkyekye me kra wora ne, ɔwɔ dedeede.” Waha me mma mɔ angome oo, ofikyɛ pɔfoɛ ne ali ngonim.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Awuye 1:8

Yerusalem ayɔ bɔne paa, yiti ye nwo agua fiɛ. Bɛ bɔ né bebu ye ne amukoraa, bebu ye animtia, ofikyɛ banwu ye nwo; amba ye bɔbɔ deinn ogua anwongokoɔ, na wakakyi ye si.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 3:46

“Yɛ pɔfoɛ mɔ amukoraa, batu bɛ noa bagua yɛ so.

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hesekiel 9:9

Yeɛ obuale me kyɛ, “Yisrael awuro ama ne Yuda awuro ama b’amumuyɛɛ ne ɔte piri paa; mogya ayi aseɛ ne aso to, yeɛ ndɛengyea ayi kuro ne anu to; ofikyɛ bɛnwa: ‘AWURADE apo aseɛ ne, yeɛ AWURADE nnwu huu.’

Deuteronomi 31:29

Ofikyɛ, mese kyɛ me wue asi ne, edwirɛ tɛɛ ala yeɛ ɛmɔkoli ɔ, na mmeraa bɔ mahyɛ mama ɛmɔ ne, ɛmɔkobu so. Na musue kɔto ɛmɔ kyẽa bie, ofikyɛ ɛmɔkɔyɔ AWURADE nyunu bɔne, na ɛmɔ sa noa adwuma kɔma ye ahone kohu.”