Awuye 1:4 - AHYERƐLƐ KRONGRON

⁴ Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.

Awuye 1:4 Iomraidhean Croise

Yesaya 3:26

Ye pambim nemɔ kosũ kɔbɔ awuye, bɛkɔla berɛ too, na kuro ne kɔtɔ ase.

Yeremia 10:22

Tie, dede bie! Nea, ɔ́ba! Basabasa kandinga bie fi sorɔ dɔ aseɛ ne aso ɔ́ba, bɔ ɔbaama Yuda nguro mɔ bɛkakyi kurofoen ne ɛserɛ so ngyea atenaleɛ ɔ.

Yeremia 14:2

Yuda di aworabɔlɛ, ye pambim mɔ ayɛ hodwoo; bɛlela ase aworabɔlɛ nu, na Yerusalem sufrɛ afo ahɔ anwuro.

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Awuye 1:21

“Bate kyɛ medi yealɛ, na ebiala nne berɛ bɔ ɔkyekye me wora ɔ. Me pɔfoɛ mɔ amukoraa bate m’amaneɛnwunɛ ne, na bɛ nye agye kyɛ ayɔ sɔ ɔ. Kyẽa bɔ ahyehyɛ ato berɛ ne, ɛkɔmaa ɔkɔwa nu, na bɛkɔyɛ kyɛ me ala.

Awuye 5:13

Bɛhyɛle mmerandeɛ mɔ maa besili aburoo, na ngwadaa soa eyein bɔ bɛngora bɛ gya tu ɔ.

Awuye 5:14

Nworowaa mɔ bayakyi kuro berɛ pambim ne anu hɔlɛ, na mmerandeɛ bayakyi bɛ dweintolɛ ne.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Lewitikɔso 26:22

Ngɔsoma ngaka aboyaa maa bɛkɔwa ɛmɔ so, na bekohũhũ ɛmɔ mma mɔ maa bekofi ɛmɔ sa; bekohũhũ ɛmɔ nyɛmmoa. Bɛkɔma ɛmɔ somaa so kɔte, bɔ ɔnate so sona fee ngɔfa ɛmɔ atee nemɔ aso ɔ.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.