Awuye 1:3 - AHYERƐLƐ KRONGRON

³ Amaneɛnwunɛ ne nhyɛsoɛ kandinga nu yeɛ bahye Yuda nnure bahɔ ɔ. Waatena amaen maen mɔ nu, na onnya nekaa bɔ ɔkɔtena kole ye nwome ɔ, bɛ bɔ bɛfoa ye ne amukoraa baato ye, bahã ye bapua wɔ atee kyenɔnn bie aso.

Awuye 1:3 Iomraidhean Croise

2 Ahemvo 25:11

Mmenia ngaa bɔ baha kuro ne aso ne, ɔne Yuda koɛhonɛfoɛ bɔ né banwati bafa bɛ nwo baabɔ Babilɔn hene ne, yeɛ mmenia ne amukoraa, Nebusaradan bɔ ɔte awɛmvoɛ nemɔ aso safohene ne, ɔhyele bɛ nnure fale bɛ hɔle.

2 Ahemvo 25:21

Babilɔn hene maa befini bɛ mbire, na ɔmaa behuhuni bɛ wɔ Ribla bɔ ɔwɔ Hamate aseɛ so ne. Yiti bɛhyele Yudafoɛ nnure befili bɛ maen nu bɛhɔle.

2 Ahemvo 25:4

Na Babilɔnfoɛ ɛlɔen ne bɛbɔngyele kuro berɛ fasue ne anu tokuro. Ɔwɔ nu kyɛ né Babilɔn ɛlɔen ne bapɛ kuro ne anwo bayia de, nakoso kɔngɔen, Nana Sedekia ne ye koɛhonɛfoɛ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu bɛhɔle. Pambim ne pingye Nana Sedekia turo ne. Bɛfale bɛ nye behyirele asue Yɔɔdan bɔnza ne anu dɔ.

2 Ahemvo 25:5

Nakoso Babilɔn koɛhonɛfoɛ ne, bɛpole Nana Sedekia so bɛɛtole ye wɔ Yeriko aseɛ frɛtɛɛ ne aso, na ye koɛhonɛfoɛ nemɔ amukoraa bɛbɔle aya bɛyakyili ye nu.

Yeremia 13:19

Ngwaen dɔ nguro nemɔ, bɛkɔtoto nu, bɔ ebiala nne berɛ bɔ okobukye ɔ; Yuda amukoraa bɛkɔhye bɛ nnure, bɛkɔhye bɛ mukoraa nnure bɛkɔhɔ.

Yeremia 16:16

“Tie, ngɔsoma maa bɛkɔɔfrɛ mmenia pee bɔ bɛkye nzue nu naen ɔ bɛkɔwa, AWURADE noa dwirɛ ɛne, na bɛkɔɔhye bɛ. Na afei ngɔsoma maa bɛkɔɔfrɛ bɔfoɛ mɔ pee bɛkɔwa, na bɛkɔhyehye mmenia ne wɔ bokaa biala so ne pambaa biala so ne nyɔbotaen nu ndokuro ngumaa nu.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 39:9

Yeɛ awɛmvoɛ nemɔ aso safohene Nebusaradan, ɔhyele mmenia ngaa bɔ baha kuro berɛ ne, bɛ bɔ bɛfale bɛ nwo bɛɛmane ye ne, yeɛ maen ne anu ama ngaa ne nnure hɔle Babilɔn.

Yeremia 52:15

Mmenia bɔ bɛ nwo yɛ anwumvo nemɔ bie, mmenia ngaa bɔ baha kuro ne aso, ɔne koɛhonɛfoɛ bɔ bɛnwatili bɛɛfale bɛ nwo bɛɛmane Babilɔn hene ne, yeɛ mmenia ne amukoraa, awɛmvoɛ nemɔ aso safohene Nebusaradan hyele bɛ nnure fale bɛ hɔle.

Yeremia 52:8

Nakoso Kaldeafoɛ koɛhonɛfoɛ nemɔ, bɛpole Nana Sedekia so bɛɛtole ye wɔ Yeriko aseɛ frɛtɛɛ ne aso, na ye koɛhonɛfoɛ nemɔ amukoraa bɛbɔ bɛsandene bɛyakyili ye nu.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Awuye 4:15

Mmenia teateane nu sisele bɛ mmango kyɛ, “Ɛ́mɔfi wa bɛhɔ, na ye nwo nde, Ɛ́mɔfi wa bɛhɔ, ɛ́mɔfi wa bɛhɔ, nnɛmɔma ɛmɔ nwo kã bɛ!” Yiti bɛnwatili bɛbɔ bɛsandene, na mmenia kekane ye wɔ Amaenmaensofoɛ nemɔ anu kyɛ, “Yɛ ne bɛ ngɔtena wa ko.”

Awuye 5:5

Yɛ kɔme wura ndaneanyeɛ bo; yɛyɔ adwuma bɔ bɛmma yɛnne yɛ nwome ɔ.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Deuteronomi 28:48

yiti wɔ pɔfoɛ mɔ bɔ AWURADE kɔsoma bɛ maa bɛkɔwa wɔ so ne, ɛkɔfa ɛhɔen ne nzuhɔen nu, wɔ nwo bɔ ɔla so nu, ɔne nningyein mukoraa bɔ okohia wɔ ɔ nu yeɛ ɛkɔso bɛ ɔ. Na AWURADE kɔfa buralɛ kɔnnua kɔto wɔ kɔme kɔpem kyɛ okohu wɔ ɔ.