Awuye 1:21 - AHYERƐLƐ KRONGRON

²¹ “Bate kyɛ medi yealɛ, na ebiala nne berɛ bɔ ɔkyekye me wora ɔ. Me pɔfoɛ mɔ amukoraa bate m’amaneɛnwunɛ ne, na bɛ nye agye kyɛ ayɔ sɔ ɔ. Kyẽa bɔ ahyehyɛ ato berɛ ne, ɛkɔmaa ɔkɔwa nu, na bɛkɔyɛ kyɛ me ala.

Awuye 1:21 Iomraidhean Croise

Edwein 35:15

Nakoso ngɔle anwokyere nu ne, bɛ nye gyele, bɛyɛle ko bedwɔsole betiale me; asanzafoɛ bie bɔ menze bɛ ɔ, bɛhɔle so bɛsɛkyele me dumaa;

Edwein 37:13

Nakoso bɔnefoɛ nwo yɛ AWURADE sere, ofikyɛ ɔse kyɛ ye kyẽa ne wapingye.

Edwein 38:16

Na me mbaeɛ ole kyɛ, “Bɛ bɔ mesoti a, né ɔyɛ bɛ fɛ ne, nnɛmaa bedi m’asefinɛ nwo ahurusi.”

Yesaya 14:5

AWURADE abubu bɔnefoɛ pɔmaa ne anu, wabubu maenbulɛfoɛ b’ɛhɔtɔ nemɔ anu.

Yesaya 14:6

Ye bɔ ye ahone hu a ɔnyakyi mmenia hunɛ ne, bɔ ɔfale ɛyaafɛlɛ lili maen maen mɔ so ne, bɔ ɔmaa bɛhɔle anwokyere ndoatoasoɛ nu ne.

Yeremia 30:16

Yiti bɛ bɔ bɛtete wɔ nu pasapasa ne amukoraa, bɛ koso ebiemɔ kɔtete bɛ nu pasapasa, na wɔ pɔfoɛ mɔ amukoraa, bɛ nu biala bɛkɔhye ye nnure bɛkɔhɔ; bɛ bɔ bɛfẽ wɔ nningyein ne, bɛ koso ebie mɔ kɔfẽ bɛ deɛ, na bɛ bɔ bɛbɔ wɔ so apaa ne, ngɔmaa ebiemɔ kɔbɔ bɛ mukoraa bɛ so apaa.

Yeremia 48:27

Aso Yisrael nwo anyɛ wɔ sere? Aso enwuni ye wɔ awuefoɛ nu, bɔ daa biala ɛkã ye dwirɛ a, né ɛwosowoso wɔ ti ye?

Yeremia 50:11

“Ao, ɛmɔ bɔ ɛmɔfẽ m’agyapadeɛ ne ɔ, ɔnate kyɛ ɛmɔ nye gyele, ɔnate kyɛ ɛmɔlili ahurusi ne ati, ɛmɔayɛ mbiri mbiri kyɛ nandwie beleɛ akrɔngrɔma bɔ ɛserɛ apɛ ye nwo ayia ɔ, yeɛ ɛmɔsu kyɛ nandwie nyii’.

Yeremia 50:15

Ɛ́mɔtea nu bégua ye so bɛbra beyia. Wama ye sa so kyɛ ɔngɔhora koɛ ne aso toa, ye nyinasoɛ adwiri agua, babubu ye fasue nemɔ; ofikyɛ AWURADE wereɛtɔlɛ ne ɛne. Ɛ́mɔtɔ ye so wereɛ, bɔ wayɔ ne ala bie yeɛ ɛ́mɔfa beli ye ɔ.

Yeremia 50:29

“Ɛ́mɔboaboa agyaentolɛfoɛ noa maa bɛfa koɛ bɛɛtoa Babilɔn: ɛmɔ amukoraa bɔ ɛmɔto agyaen ɔ, ɛ́mɔkyekye asikyeleɛ bɛbra ye nwo beyia; nnɛmɔma bɛ nu biala nwati’. Ɛ́mɔtua ye kerɛ kyɛbɔ ye yɔleɛ te ɔ. Bɔ wayɔ amukoraa, ɛ́mɔyɔ ye bie betua ye so, ofikyɛ wayɛ AWURADE, Yisrael Krongronniɛ ne aso anwomasoɛ.

Yeremia 50:31

Wɔ, anwomasoɛniɛ, tie, meko metia wɔ, ofikyɛ wɔ kyẽa ne adwu, mmerɛ bɔ ngɔhwe wɔ so ne ɛne, AWURADE noa dwirɛ ɛne.

Yeremia 51:24

“Na ngotua Babilɔn ne Kaldeafoɛ amukoraa bɛ so kerɛ, ɔnate b’amumuyɛɛ amukoraa bɔ bayɔ ye wɔ Sion bɔ ɛmɔ nye tua ne ati, AWURADE noa dwirɛ ɛne.

Yeremia 51:49

Kyɛbɔ Babilɔn ama Yisraelfoɛ bɔ bahũhũ bɛ nemɔ bɛbeabea berɛ ne, sɔ ala yeɛ aseɛ so mmenia amukoraa bɔ bahũhũ bɛ ne, bɛkɔbeabea berɛ wɔ Babilɔn ɔ.

Awuye 1:16

“Sɔ nningyein nemɔ ati yeɛ mesu ye; me nye moen poro nzue, ofikyɛ aworakyekyerɛniɛ bɔ odi kyɛ ɔkyekye me kra wora ne, ɔwɔ dedeede.” Waha me mma mɔ angome oo, ofikyɛ pɔfoɛ ne ali ngonim.

Awuye 1:2

Osũ hahii kɔngɔen, ɛmoen songyi ye nye abo, na bɛ bɔ bekuro ye ne amukoraa, onnya bɛ nu ko po mma ɔngyekye ye wora; ye mmango amukoraa bali ye ngasi, na bakakyi ye pɔfoɛ mɔ.

Awuye 1:22

“Ma b’amumuyɛɛ amukoraa oodwu wɔ nyunu, na ɛne bɛ li kyɛbɔ ɔnate m’amumuyɛɛ amukoraa ne ati, ɛne me ali ne. Ofikyɛ me yealɛlilɛ ne wasone, na ahunundetelɛ atɔ me so.

Awuye 1:4

Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.

Awuye 1:8

Yerusalem ayɔ bɔne paa, yiti ye nwo agua fiɛ. Bɛ bɔ né bebu ye ne amukoraa, bebu ye animtia, ofikyɛ banwu ye nwo; amba ye bɔbɔ deinn ogua anwongokoɔ, na wakakyi ye si.

Awuye 2:15

Bɛ bɔ bɛpɛ nu amukoraa bɛbɔ bɛ sa nu bɛgoro wɔ nwo. Besobi bɛ noa bɛwoso bɛ ti begua Yerusalem awa brasua ne aso kyɛ, “Kuro bɔ bɛfrɛ ye: Kuro bɔ ye anwonyemene di mu, aseɛ amukoraa anika ne, aso ye ɛhe?”

Awuye 2:16

Wɔ pɔfoɛ mɔ amukoraa, batu bɛ noa bagua wɔ so. Besobi bɛ noa bɛnwose bɛ gye. Na bɛnwa, “Yasɛkye ye bɔkɔɔ. Amba, kyẽa bɔ yɛnea ye ate ne, ye ɛne; yɛ sa ahã ye, na yanwu ye!”

Hesekiel 26:2

“Sona awa, ɔnate kyɛ Tiro wahã wafa Yerusalem nwo kyɛ, ‘Ehee! Pambim bɔ né maen maen mɔ bɛfa nu bekodi dwaa ne, wabubu. Afei de, dwaa nningyein ne kɔkakyi kɔwa me berɛ; na kekesaala ye bɔ wabɔ ye de, ngonya me nwo,’ ne ati,

Yoel 3:14

Ɛlɔen, ɛlɔen wɔ ndɛenbualɛ bɔnza ne anu; ofikyɛ AWURADE kyẽa ne apingye wɔ ndɛenbualɛ bɔnza ne anu.

Nyekyire 18:6

Ɛ́mɔtua ye so kerɛ kyɛbɔ otuale ɛmɔ so kerɛ ne, ɛ́mɔtua ye so kerɛ mmɔhoɛ nyɔ, kyɛbɔ ye yɔleɛ te ɔ; kwangoa bɔ nu yeɛ ɔfrafrale ne, ɛ́mɔfra ye mmɔhoɛ nyɔ bɛ́ma ye.